Времето денеска ќе биде сончево и топло со слаб јужен ветер.

Минималната температура ќе се спушти меѓу 3 и 11, а максималната ќе достигне од 25 до 31 степен, соопшти Управата за хидрометеоролошки работи.

Во Скопје, времето ќе биде сончево и топло, со температура до 29 степени.

Во следните денови, како што информираат од УХМР, продолжува периодот на претежно сончево време со натпросечни дневни температури за овој период од годината.

Од „ЕВН Македонија“ информираат дека се планирани технички зафати во електросистемот и без електрична енергија ќе останат делови на Сарај, Студеничани, Кисела Вода, Сопиште и на Центар.

Во периодот од 9 до 15 часот, без струја ќе бидат корисниците од с. Глумово, дел од с. Сарај, с. Шишево, полициската станица во с. Глумово и фирмите „Адриус“ и „Бис-оил“ (општина Сарај), од 14 до 14.30 часот корисниците околу главниот влез на фирмата „Фруктал“ во с. Студеничани (општина Студеничани), од 9 до 12 часот корисниците од ул. 1513 во населбата Пинтија (општина Кисела Вода), од 9.15 до 13.30 часот корисниците од дел од с. Горно Соње, воениот објек во Горно Соње и месноста наречена Коштан (општина Сопиште) и од 8.30 до 15 часот корисниците од улицата Ганчо Хаџи Панзов (општина Центар).

Коруптивна афера во која е вклучен заменик-министерот за здравство, Асим Муса, објави вечерва истражувачката емисија во Албанија „Фикс фаре“.

На објавената снимка новинарот се состанува со заменик-министерот, во улога на пациент кој треба да изврши операција на простата.

По состанокот во Институтот за нефрологија во Струга, Муса и „пациентот“ го одредуваат денот на операцијата.

За операцијата, која требала да се случи неколку дена по средбата, заменик-министерот Муса добива аванс од 50 евра, пренесе „in7.tv“.