Контакт

Македонија

Мицкоски: Поднесовме предлог-измени на Законот за енергетиката по скратена постапка, со кој нема да се зголеми цената на струјата на домаќинствата

Објавено пред

Изминативе денови во јавноста една тема ги разбранува страстите и оправдано, тоа беше цената на електричната енергија, која практично ќе биде регулирана од страна на Регулаторната комисија за енергетика на Македонија во неделите што следуваат, а која ќе биде апликативна, односно важечка од 1 јули заклучно со 31 декември 2024 година. Во јавноста проструи информација дека таа ќе претрпи значителни корекции во негативен тренд за граѓаните, односно ќе биде зголемена. Како идна влада не сакаме да се мешаме во работата на независните регулаторни тела. Но, исто така како идна влада имаме одговорност, а тоа го ветивме пред граѓаните за време на кампањата на претседателските и парламентарните избори, дека тие ќе бидат нашиот приоритет, стандардот на граѓаните ќе биде наш приоритет и како такви и како идна влада имаме намера сериозно да се грижиме за стандардот на граѓаните, изјави Христијан Мицкоски, претседател на ВМРО-ДПМНЕ.

dobivaj vesti na viber

„И да не дозволиме истиот тој стандард, поради ситни интереси на поединци, да биде начнат, односно загрозен. Во таа смисла група пратеници од коалицијата ‘Твоја Македонија’, предводена од ВМРО-ДПМНЕ, денеска, прво, потпишан сум јас, доставивме до архивата на македонското Собрание предлог-закон за дополнување на Законот за енергетиката по скратена постапка. Каков е всушност овој предлог-закон за дополнување на Законот за енергетиката? Тоа е всушност предлог-закон со кој нема да има зголемување на цената на електричната енергија за домаќинството, односно стандардот на граѓаните ќе биде заштитен. А со овој предлог-закон нема да се дозволи она што проструи изминативе денови во јавноста како информација да биде драматично зголемена цената на електричната енергија. Цениме дека со овој предлог-закон за дополнување на Законот за енергетиката по скратена постапка, особено домаќинствата што се во првата и втората група нема да добијат зголемени сметки за електрична енергија. А исто така очекуваме и оние што влегуваат и во третата и четвртата група зголемувањето на цената на електричната енергија да не биде значително, односно да се движи помеѓу 1 и 2 %. Тоа е она што ние како идна влада можеме да го направиме“, додаде Мицкоски.

Како што посочува, нема да има зголемување на цената на електричната енергија за домаќинствата што добиваат електрична енергија од универзалниот снабдувач.

„Сега би навлегол малку и во суштината, ќе ми треба и стручно објаснување, ќе се обидам на едноставен начин сето тоа да го доближам до вас за да може на македонската јавност, на граѓаните, да им биде појасно. Како се формира цената на електричната енергија? Цената се формира како збир од четири собирока. Тоа е цената што за своите услуги ја наплаќа МЕПСО, цената што за своите услуги ја наплаќа ‘ЕВН дистрибуција’, цената што за своите услуги ја наплаќа операторот на пазар МЕМО, плус цената на самата електрична енергија.

Вие слушнавте во јавноста дека самата цена на електричната енергија, која поранешно ЕСМ, сега ЕЛЕМ, ќе ја доставува до компанијата која е универзален снабдувач, официјално сѐ уште таа цена не сме ја виделе, но слушнавме дека Владата донесла одлука на една од седниците таа цена да се зголеми. Од тоа што можевме во јавноста да го слушнеме, цената од 57 евра донеле одлука да ја зголемат на 60 евра за мегават-час, ќе видиме дали е тоа така. Но, бидејќи ние сме внимателни, рековме дека наш приоритет претставуваат граѓаните и нивниот стандард, затоа предвреме преземаме мерки со кои не би се случил овој ценовен шок за потоа да имаме инфлаторна спирала, која ќе го начне стандардот на нашите граѓани. Да се вратам сега на формирањето на цената. Сите овие 4 собирока се множеа со коефициентот 1,115. Зошто со овој коефициент, затоа што тоа беше старата маржа што универзалниот снабдувач ја наплаќаше од домаќинствата или тоа е 11,5 %.

Откако истече тој рок односно од како истече лиценцата со старата маржа за стариот универзален снабдувач се распиша нов јавен оглас, нов тендер и најповолната понуда ја намали таа маржа од 11,5 на 9,9 проценти. Што правиме ние со овој закон, со овој закон всушност односно дополнување на законот за енергетика всушност велиме дека не е потребно бидејќи станува збор за исто правно лице повторно формирање на ново правно лице, нова структура нови трошоци за банкарски сметки нови процедури и така натаму нешто што ќе трае со месеци туку велиме дека бидејќи станува збор за старо нов бидејќи истиот кој што и порано бил универзален снабдувач како правно лице ќе продолжи да биде универзален снабдувач како правно лице и во иднина, нема потреба да регистрира ново правно лице, бидејќи станува збор за истото, само му ја продолжува регулаторната комисија, по основ на овој предлог закон кој што ние го доставуваме за дополнување на законот за енергетика важноста на лиценцата и тоа значи дека наместо маржа од 11,5 проценти која што до сега им беше наплаќана на граѓаните, ќе биде наплаќана маржа од 9,9 проценти.

И истовремено упатувам порака до универзалниот снабдувач да врши многу внимателно оптимизација на своите потреби односно при набавката на електричната енергија да се води најпрво од интересите на граѓаните а потоа да направи вистинска оптимизација на своето портфолио кое што понатаму ќе го испорача кон граѓаните да не набавува количини на електрична енергија кои што нема да бидат потребни, туку да се држи до пристапот кој што ќе биде чесен, одговорен и пред се инспиративен за граѓаните, односно да направи оптимизација за својата набавка на електрична енергија.

Доколку овие две работи се случат, односно овој Закон за дополнување на законот за енергетика се донесе, ќе биде намалена маржата од 11,5% на 9,9 проценти и доколку универзалниот снабдувач направи оптимизација на своето портфолио, односно оптимизација на количините на електрична енергија, тогаш јас ве уверувам дека граѓаните нема да добијат повисоки сметки за електрична енергија. Ние сме влада која што е одговорна, ние сакаме да бидеме влада која што главен интерес ќе биде интересот на граѓаните, така во овој период додека сеуште не сме официјално влада се однесуваме, така ќе продолжиме во иднина.

А ќе сториме сѐ што е во наша моќ во овие шест месеци да го реорганизираме енергетскиот сектор во Македонија и веќе во следниот регулационен период од 1 јануари 2025 до 30 јуни 2025 година граѓаните да добијат поевтини сметки за електрична енергија, индустријата да добие, онаа  што е на регулираниот пазар, поевтини сметки за електрична енергија. На тој начин инфлацијата ќе биде задушена, односно цените, наместо да се качуваат, ќе се намалуваат, граѓаните се нашиот приоритет и како идна влада имаме намера да ни бидат исклучиво важни граѓаните. Граѓаните направија тоа што требаше да направат, сега идната влада предводена од ВМРО-ДПМНЕ треба да направи за граѓаните“, рече Мицкоски.

Македонија

„Дали Мицкоски патувал за Вашингтон во луксузна бизнис класа со карта која чини над 4.000 евра“, прашува СДСМ

Објавено пред

„Според информациите до кои дојде СДСМ, Мицкоски изгледа ужива во луксузот на сметка на граѓаните. Очигледно не се само скапите часовници повеќе десетици илјади евра негов стил, тој милува да патува во бизнис класа“, соопшти СДСМ.

dobivaj vesti na viber

„Денес го прашуваме јавно, дали е точно дека тој за САД патувал со бизнис карта вредна над 4.000 евра на сметка на граѓаните? Ако е точно, да излезе и да објасни за тоа уште еднаш што претставува душманско трошење на парите на граѓаните. Додека во кампањата имаше уста полна одговорност и транспарентност, сега гледаме расфрлање, фамилијарни прошетки за САД во бизнис класа и буквално никаква грижа за граѓаните.

СДСМ очекува во најкус рок Владата и Мицкоски да ги објават сметките и трошоците за ова патувања затоа што граѓаните мора да знаат колку пари платиле за прошетките на Мицкоски и министрите“, се наведува во соопштението на СДСМ.

Прикажи повеќе...

Македонија

(Видео) Пороен дожд, грмотевици и град попладнево во Охрид, Свети Николе и Струмица

Објавено пред

Во централниот дел од Пелагонија има појава на невреме со интензивен пороен дожд, грмежи, силен ветер и град, извести Центарот за управување со кризи.

dobivaj vesti na viber

Пред еден час нестабилно со пороен дожд и грмежи беше во подрачјето на Охрид, Свети Николе и Струмица.

Невреме и вчера зафати делови од Охрид.

„Процесите немаат одреден правец на движење. Северно од Скопје започнува да се формира нестабилна облачност“, велат од ЦУК.

Прикажи повеќе...

Македонија

Левица: Работниците во ,,Македонски шуми“ гаснат пожари без опрема – чија е одговорноста?

Објавено пред

„Пожарите веќе десетина дена беснеат низ државата. Иако последните години сè почесто се случуваат огромни пожори во летните периоди, држава никако не ја научи лекцијата. Пожарникарите оставени без соодветна техника и опрема, во број далеку под минималниот стандард со просечна старост од 36 години; нема обезбедено пилоти за ер – тракторите, а згора на сè, работниците во „Македонски шуми“ гаснат пожари, буквално, по влечки!“, велат од Левица.

dobivaj vesti na viber

„Дали можеше да се превенираат дел од пожарите? Колку хектари шума ќе беа спасени од огнената стихија доколку како држава поседуваме соодветна противпожарна техника? Зошто работниците се принудени сериозно да го загрозуваат својот живот поради необезбедувањето соодветна опрема од државата? И главното прашање: Kој ќе поднесе одговорност за целонастанатата ситуација?

Додека државата брутално гори, наместо прогласување на кризна состојба и вложување на максимум да се спречи еколошката катастрофа која ни се случува, во медиумите читаме за нови задолжување и државни обврзници, за прошетки на премиерот Мицковски од Вашингтон до Лондон, за пријавени поклони вредни стотици илјади евра од Владиниот секретар, но не гледаме никаков сериозен напор на централната власт за надминување на оваа пеколна криза!

Државата е доведена во состојба да не може да превенира и да се справува со пожарите во летниот период. За системската негрижа на ДПМНЕ и СДСМ и неинвестирање во системот за противпожарна заштита, данокот го плаќаат македонските шуми, планини и полиња!

Оваа состојба е последица на несовесното работење на владеачките елити, но и забавените и несоодветни реакции на Кризниот штаб изминатата седмица!

Потребно е итно ставање на сите ресурси во насока на локализирање на пожарот, а потоа – понесување одговорност за целата ситуација. Дополнително, неопходно е купување на нова противпожарна опрема, обука на пилоти за ер – тракторите и зголемување на бројот на пожарникари пред да се случат нови вакви катастрофи!“, се наведува во соопштението на Левица.

Прикажи повеќе...

Најново

Македонија11 часа

(Видео) Пороен дожд, грмотевици и град попладнево во Охрид, Свети Николе и Струмица

Во централниот дел од Пелагонија има појава на невреме со интензивен пороен дожд, грмежи, силен ветер и град, извести Центарот...

Топ12 часа

Почина осуденик во Идризово, телото е дадено на обдукција

Денеска во 02.08 часот во СВР Скопје, од Казнено – поправната установа Затвор Идризово било пријавено дека во амбулантата во...

Топ12 часа

Уапсен 53-годишник, извршил обљуба врз малолетник од Струмица со пречки во развојот

Вчера во 18.25 часот, полициски службеници од СВР Струмица лишиле од слобода 53-годишно лице од струмичко, кој се сомничи дека...

Македонија12 часа

(Видео) Полицискиот хеликоптер фрли над 39 тони вода врз пожарот меѓу селата Драгоево и Селце

Денеска полициски воздухоплов од типот Бел-412 од Одделот за воздухопловни единици продолжи да дејствува на пожар што избувна на планината...

Македонија16 часа

Министерот Таравари именува нови директори на неколку здравствени установи

Министерството за здравство информира дека министерот д-р Арбен Таравари изминатите неколку дена именува нови в.д. директори во повеќе здравствени установи....

Македонија16 часа

„Визер“ предупредува: Патниците да пристигнуваат на аеродромот најмалку 3 часа пред нивниот лет денес

Пристигнете на аеродромот најмалку три часа пред летот, апелираат од „Визер“ по денешниот ИТ-колапс. Се очекуваат потенцијални прекини поради тековниот...

Топ17 часа

Пронајдено телото на скопјанецот што се удави во Дојранското Езеро

По преземените мерки и активности, тим пожарникари од Територијалната противпожарна единица Струмица, денеска, околу 7 часот, во Дојранското Езеро го...

Македонија17 часа

(Видео) Спречена експлозија на над 80 тони гас кај поранешна „Порцеланка“ во Велес

Благодарение на брзата и пожртвувана реакција на храбрите велешки пожарникари избегната е голема трагедија во кругот на поранешна велешка „Порцеланка“...

Македонија18 часа

(Видео) Македонка загина во сообраќајна несреќа кај Лесковац: со фамилијата се враќале од одмор во Словенија

Во сообраќајна несреќа кај Лесковац едно лице загина, а тројца се повредени. Несреќата се случила кога возачот изгубил контрола над...

Македонија20 часа

Рекорден број повици од постоењето на бројот за итни случаи 112

Единствениот повикувачки број за итни случаи 112 во Центарот за управување со кризи (ЦУК), изминатото деноноќие бележи рекорден број повици...

Македонија21 час

Пожарот кај Битола локализиран, но сѐ уште постои опасност, од Пелистер е оддалечен 10 километри

Регионалниот ЦУК Битола известува дека Екипите од ТППЕ Битола, НП ,,Пелистер”, ДПД,,Арханѓел” и доброволци се повлечени од терен од пожарот...

Свет21 час

Полицаец повреден со нож во центарот на Париз, насилникот неутрализиран

Еден полицаец е повреден во напад со нож во центарот на Париз, изјави францускиот министер за внатрешни работи Жералд Дарманен....

Македонија21 час

Повеќе од 10 часа делови од Скопје без струја

Повеќе од 10 часа делови од Скопје се без струја по вчерашното невреме проследено со дожд, силен ветер и град....

Македонија21 час

Костадинов заврши на инфузија, вдишал чад од пожарите

Градоначалникот на Струмица, Костадин Костадинов вчера завршил на инфузија откако вдишал чад при гаснењето на пожарите. -Пожарникарите-спасители изразуваат голема благодарност...

Македонија21 час

ЦУК: Има активни 13 пожари

Центарот за управување со кризи информира дека има активни 13 пожари, од вкупно 28-те пожари на отворено во последното деноноќие,...

Свет21 час

Земјотрес со јачина од 7,4 степени го погоди северниот дел на Чиле во близина на границата со Аргентина

Земјотрес со јачина од 7,4 степени според Рихтеровата скала вчера го погоди северниот дел на Чиле, во близина на границата...

Македонија1 ден

13 активни пожари во државата, пожарот кај Битола е голема закана за планината Пелистер, вели Ангелов

Дождот помогна да бидат совладани неколку пожари во државата, меѓу нив и пожарот на планината Серта од страна на селото...

Топ1 ден

Загина 74-годишна жена од Скопје: со возилотo излетала од патот Стража – Гостивар

Утрово во 08.40 часот во СВР Тетово било пријавено дека на магистрален пат Стража – Гостивар, патничко возило „спарк“ со...

Топ2 дена

43-годишен маж од Скопско е човекот кој се удавил во Дојранското езеро

Денеска во 10.10 часот во СВР Струмица било пријавено дека во Дојран машко лице од чамец скокнало во езерото, пливало...

Македонија2 дена

Маж се удави во Дојранското Езеро, од чамец скокнал во водата, пливал кратко и исчезнал

Претпладнево, во 10.10 часот, во СВР Струмица било пријавено дека во Дојранското Езеро се удавил маж. Лицето скокнало во водата...