Контакт

Македонија

Мицкоски: Ќе зборувам за економијата сѐ додека не им падне срам и жал за сите лаги кои ги изнакажаа

Објавено пред

Повеќе од 19 месеци се централна влада во Република Македонија и повеќе од една година се локално раководство во најголемиот дел од градовите на нашата татковина. Што ни се случи изминативе скоро 19 месеци централна власт и повеќе од 1 година локална власт? Црнила и темнина – вака го почна својот говор лидерот на ВМРО-ДПМНЕ, Христијан Мицкоски, на Протестниот марш, кој опозициската партија го одржа во Велес.

„Многу луѓе ме прашуваат зошто зборуваш за економијата. Ќе зборувам за економијата се додека не им падне срам и додека не им биде жал за сите лаги кои ги изнакажаа ширум Македонија за време на предвремените парламентарни избори во 2016 година и локалните избори во 2017. За сите ветувања кои што не ги исполнија и за сите очекувања кои што не ги реализираа, се дотогаш ќе зборувам за економијата. Затоа што ако имаме силна економија ќе немаме ваква недостоинствена и криминална влада и ќе немаме ваков премиер аболиран кои што сите ние го гледавме и слушавме како бараше евро за него, евро за црквата“, рече Мицкоски во обраќањето пред присутните симпатизери.

Претседателот на ВМРО-ДПМНЕ на своите политички ривали им порача дека, како што рече, измамениот народ ќе им врати на следните претседателски избори.

„На нас, на нас ни е неопходна победа и ве повикувам сите вас да застанете до предлогот на ВМРО-ДПМНЕ и Коалицијата за Подобра Македонија, за да може да победи и да може да си ја одбраниме Македонија и тоа што остана од нејзе, а другото што го загубивме да си го вратиме. Затоа ве молам и барам поддршка од името на ВМРО-ДПМНЕ и Коалицијата на Подобра Македонија“, посочи тој.

Потоа Мицкоски повторно се наврати на економијата, затоа што, како што кажа, економски силна држава е достоинствена држава.

„Ветуваа 5 проценти раст на БДП, кога целиот регион книжи двојно поголеми стапки на раст од нашиот, они се горди и велат еве со нашата пиши-бриши економија успеавме да покачиме во еден квартал 3 проценти. Зарем тука завршија сите ветувања од 5 проценти. Но, она што е полошо допрва доаѓа, а тоа ќе се случи во 2019 година и не го зборувам ова за да поткревам паника меѓу граѓаните, туку да предупредам на сите црнила и темнини кои што допрва ни доаѓаат. Не за бадијала ги зголемуваат даноците, затоа што се свесни дека не можат да ја зголемат економијата со проекти, визија и структурни реформи“, рече лидерот на опозициската партија.

Мицкоски истакна дека даноците кои Владата планира да ги зголеми немаат цел да земат од богатите за да им дадат на сиромашните.

„Не е тоа целта на овие даноци. Целта е да ги осиромашат и земјоделците да ги осиромашат и оние граѓани кои издаваат определени недвижнини, оние граѓани кои што играат игри на среќа и се обложуваат, оние граѓани кои што работат како договорци на дело, затоа што персоналниот данок го зголемија и затоа што удираат директно по џебот на граѓаните и ќе ги осиромашат“, подвлече тој.

Во своето обраќање зборуваше и за здравството.

„Зборуваа 100.000 денари за докторите, а едвај им ги зголемија платите за 500-600 денари месечно линеарно, па сега веднаш поитаа и тие скромни 500-600 денари да им ги земат, им го покачија паркингот на докторите во Скопје и веднаш наместо 500, 600 денари зголемување, оп 850 покачување. Скоро 19 месеци шајка не заковаа во здравствените домови ширум Македонија. Шајка не заковаа, не можат да го искречат и тоа што некој го изградил, а луѓето умираат пред да добијат здравствена нега пред портата на болниците“, кажа Мицкоски.

„Удрија и на земјоделците. Ги лажеа, викаа и урлаа ширум Македонија, кога ќе дошле они само да си отишол режимот, ќе дошле они и ќе има загарантиран откуп на земјоделските производите и загарантиран пласман. Не само што тоа не се случи туку гледаме како на буниште се истура родот на земјоделците кој што со мака е направен. Гледаме каде завршуваат и јаболките и сливите и пченицата и бостанот и зелките, на буниште. Е токму поради оваа лага и токму поради оваа манипулација граѓаните и земјоделците ќе ви го покажат вистинското место кога ќе дојдат следните избори, а тоа е на темната страна на историјата и право на буниште, од првиот Зоран Заев до последниот, а тоа е министерот за земјоделие“, посочи лидерот на ВМРО-ДПМНЕ.

Мицкоски одговори и на обвинувањата од СДСМ и рече дека неговата партија е антизападна онолку колку што е Зоран Заев чесен политичар и додаде дека нема да престанат да зборуваат за неправдите на плоштадите и по улиците.

„Вие не враќате во времето на едноумието, кога луѓето не смеат да кажат нешто што вам и на вашиот афрички монарх аболицираниот политичар Зоран Заев нема да му се допадне и на неговите поданици ширум Македонија и тогаш луѓето ги собирате на информативен разговор. Па Ранковиќ вака не правел во 40-тите години на минатиот век. Зарем таа Европска Македонија или добивме наместо Европска Македонија на ветување афрички монарх кој што ќе го поразиме на следните избори и ќе го казниме за сето ова што и го прави на Македонија“, рече Мицкоски.

Тој во Велес се осврна и на бараниот политички дуел со премиерот Зоран Заев и го повика да се охрабри и да излезе на телевизија.

„Го повикав јас и тој, како претседател на владата и претседател на најголемата политичка партија во Република Македонија и најголемата опозициона партија ВМРО-ДПМНЕ, да застанеме еден спроти друг, да се погледаме очи во очи и да си кажеме за сето она што не можеме да си кажеме ширум плоштадите. Ама ќе збориме и за пљачката, криминалот за националното опустошување, за јазикот за македонската нација за криминалот што го правиш со твојата фамилија. И тоа јас и ти пред народот и граѓаните на Република Македонија па они нека судат и нека пресудуваат дали јас ја зборувам вистината или ти ја зборуваш вистината“, кажа Мицкоски.

На крајот од обраќањето во Велес, лидерот на ВМРО-ДПМНЕ упати неколку барања до власта.

„Прво, бараме Оливер Спасовски веднаш, нека го посоветува тој кој што застана рамо до рамо со него, знае тој кој е веднаш ќе се препознае веднаш да замине, нека не ја повторува неговата грешка веднаш да замине ради сите нерасчистени убиства ради сиот криминал, ради црниот Вотергејт и затоа мора веднаш да замине и да поднесе неотповклива оставка. Како второ неотповиклива оставка од министерот за надворешни работи поради тоа што човекот се срами од сопствената според него искомплексирана нација. Трето, да престане економското опустошување на Македонија. Веднаш да биде повлечен предлогот за зголемување на даноците во Република Македонија. Четврто, да се почитува волјата на граѓаните јасно искажана на 30-ти септември за време на референдумот. Петто, да се формира комисија која што ќе ги истражи анализира и преслуша сите разговори снимени од аферата црниот Вотергејт на Зоран Заев и Оливер Спасовски кога повеќе од 2 години биле слушани обвинители судии да не им избегаат од нарачаните судски пресуди и судски одлуки. Шесто, вистинска грижа за здравјето на граѓаните. Веднаш и безусловно продолжување на проектот за гасификација. Не да кратите пари од гасификацијата и да ги пренаменувате во општини каде што вашите градоначалници и градоначалниците од коалиционите партнери ги опљачкале и ги опустошиле додека биле градоначалници“, рече претседателот на опозициската партија, наведувајќи ги барањата.

Мицкоски обраќањето во Велес го заврши со стихови од поетот Коста Солев Рацин роден во овој град. Тој рецитираше дел од поемата „Копачите“, завршувајќи со стихот „силно светнал ден“.

„Е така ќе светне денот кога зората ќе го победи теминлото. Кога зората ќе ги победи црнилата. До тогаш нашите емоции ќе одат нагоре, до тогаш нашиот мотив ќе расте и нашата бројка ќе биде се поголема“, посочи лидерот на ВМРО-ДПМНЕ.

Скопје

Реконструкција на покривот и на подот на салата на ОУ „Владо Тасевски“

Објавено пред

Почнува реконструкцијата на покривот на училиштето „Владо Тасевски“ во Козле. Во оваа образовна установа целосно ќе се промени и подот во спортската сала. Градоначалникот на општина Карпош, Стефан Богоев, денеска ги најави и сите други санации и реконструкции, кои, како што рече, ќе се извршат во основните училишта во Карпош.

Локалната самоуправа во текот на летниот распуст санира дел од покривот на „Јан Амос Коменски“, како и неколку училници.

Како што беше соопштено, дополнително ќе се реконструираат и тоалетите во „Војдан Чернодрински“ и во „Аврам Писевски“. Во „Братство“ претстои санација на покривот и промена на прозорците; се уредуваат и неколку училници во „Христијан Тодоровски – Карпош“; исто така ќе се санира покривот и ќе се променат прозориците во „Вера Циривири – Трена“; во „Димо Хаџи Димов“ во Влае ќе се реконструираат тоалетите во спортската сала.

„Нашата цел е да обезбедиме подобри инфраструктурни услови во училиштата, вреднување на трудот на најдобрите ученици, но и да создадеме повеќе можности за развивање вонучилишни активности. Целта е да имаме посреќни деца и здрави генерации ученици“, рече Богоев.

Некои од реконструкциите веќе се во тек. Тие ќе продолжат и на почетокот на учебната година, за време на викендите или по завршување на наставата, со што нема да има никаков прекин на наставата.

Прикажи повеќе...

Македонија

Македонија и Бугарија ќе ја зајакнуваат регионалната соработка

Објавено пред

Министерот за локална самоуправа, Горан Милевски, и министерката за регионален развој и урбанизам на Република Бугарија, Петра Аврамова, денеска во Скопје го потпишаа меморандумот за соработка меѓу двете министерства.

Милевски истакна дека потпишувањето на овој меморандум е резултат на имплементацијата на договорот за пријателство, соработка и добрососедство, потпишан меѓу владите на двете земји, кој предвидува воспоставување соработка во областа на европската и евро-атлантската интеграција заради успешна подготовка на нашата држава за нејзиното пристапување кон Европската Унија и НАТО преку споделување искуство, знаење и добри пракси и за таа цел договорот ги поттикнува претставниците на органите на државната управа, но и локалните власти и граѓаните од двете земји, на поблиска соработка, средби и контакти.

„Во духот на добрососедските и пријателски односи меѓу двете земји, во духот на европските вредности и регионалната соработка, Министерството за локална самоуправа и Министерството за регионален развој и урбанизам на Бугарија со потпишувањето на меморандумот ќе воспостават институционална соработка за зајакнување на капацитетите и подобрување на функционалноста во областите на регионалниот развој, прекуграничната соработка и локалната самоуправа. Корисни ќе ни бидат знаењето и искуството на колегите од соседна Бугарија во имплементирањето на европските политики и проекти. Нашето поголемо учество во регионалната политика на Европската Унија како држава ќе значи и поголеми средства за поттикнување на развојот на целата територија на државата“, рече министерот Милески.

Министерката Петја Аврамова истакна дека Република Бугарија и Република Северна Македонија соработуваат во многу значајни области, а меморандумот е потврда за одличната соработка меѓу двете држави и двете министерства.

„Воспоставениот политички дијалог ќе даде уште посилен импулс на сите полиња на соработка. Договорот за пријателство, соработка и добрососедство, потпишан меѓу владите на двете земји, предвидува прагматична соработка, како, на пример, унапредување на инфраструктурната комуникација. Убедени сме дека поврзувањето преку патната инфраструктура е најважниот аспект за регионалниот развој, како што е изградбата на Коридорот 8, а размената на искуство и експертиза ќе доведе и до зајакнување на институционалните капацитети“, рече министерката Аврамова.

Двајцата министри ја истакнаа и досегашната соработка во областа на прекуграничната соработка финансирана преку ИПА-програмата на Европската Унија, во рамките на која во вториот програмски период на располагање на двете држави се ставени 19,5 милиони евра од Европската Унија. Во фаза на реализација веќе се 48 проекти, а пред еден месец во Софија се потпишани договори за имплементација на нови 17 проекти.

Прикажи повеќе...

Македонија

Османи и Димитров во посета на Данска

Објавено пред

Заменик-претседателот на Владата задолжен за европски прашања, Бујар Османи, и министерот за надворешни работи, Никола Димитров, денеска се во посета на Копенхаген, Кралството Данска, при што имаа одделни средби со министерот за надворешни работи, Јепе Кофод, како и со Вибеке Пастернак Јоргенсен, главна советничка за европски прашања на премиерката Мете Фредериксен.

На средбите Османи и Димитров реферирале за политичките актуелности во земјата, за постигнатиот напредок во клучните реформски области во создавањето на добрососедските односи, но и во зацврстувањето на внатрешната стабилност како основа за подготвеноста на земјата за почеток на пристапните преговори со Европската Унија во октомври оваа година.

„Потврдувањето на успехот на нашата приказна, со сите предизвици, но и демонстрирана упорност за нивно надминување, ќе претставува заслужено подавање рака за почеток на продлабоченото европско патување, но и валидација за европската перспектива на регионот“, истакна Димитров.

Во слична насока вицепремиерот Османи посочи дека Владата е во целост фокусирана на подготовката и создавањето услови за успешен почеток на преговорите: „Фокусот кон реформите и напредокот во клучните области и натаму останува приоритет на Владата и во периодот што претстои преземаме обврска да испорачаме дополнителни резултати, со кои ќе ја потврдиме нашата подготвеност за почеток на преговорите оваа година“, потенцира Османи.

Османи и Димитров се осврнаа и на последните актуелности поврзани со случајот „Рекет“ пренесувајќи го ставот на Владата за безусловна поддршка на истражните и правосудните органи во насока на целосно, непристрасно, ефикасно и транспарентно расчистување со овој случај, без разлика кон кого ќе води, задржувајќи го со тоа и успехот од досега постигнатиот напредок во оваа област. Во истиот контекст Османи и Димитров потсетија дека преговорите за идниот статус на СЈО се водат активно меѓу парламентарните партии и изразија очекување дека и оваа реформа навремено ќе биде завршена, со цел квалитетно заокружување на институционалната поставеност на земјата за борба против организираниот криминал и корупцијата.

Прикажи повеќе...

Најново

Македонија2 часа

ОЈО отфрли иницијатива на антикорупциската за вработување судски соработник, застарело делото

Надлежен јавен обвинител од Основното јавно обвинителство Скопје донесе решение за отфрлање на иницијативата за кривично гонење поднесена од Државната...

Македонија2 часа

Спасени две лица што заталкале на Шар Шланина

Полициски службеници спасија двајца браќа на Шар Планина што заталкале упатувајќи се со мотоцикли кон Титов Врв по што планирале...

Македонија3 часа

Почнува трансформацијата на ординациите по општа медицина во ординации по семејна медицина

Специјалистите по семејна медицина од денеска може да почнат постапка за трансформација на своите ординации по општа медицина во ординации...

Македонија4 часа

Изгаснати пожарите кај селата Љубин и Кондово

Локализирани се пожарите што избувнаа вчера кај селата Љубин и Кондово, соопшти полицијата. До пожарот на потегот помеѓу селата Љубин и...

Македонија4 часа

(Видео) Јанева со адвокат дојде на распит кај Русковска

Катица Јанева пристигна во Основното јавно обвинителство за гонење организиран криминал и корупција. Пред да влезе со адвокатот Стеван Павлески,...

Свет4 часа

Епстејн потпишал тестамент два дена пред самоубиството

Новите судски податоци покажуваат дека милионерот Џефри Епстејн, кој беше вклучен во педофилија, потпишал тестамент само два дена пред самоубиството...

Свет5 часа

Макрон по средбата со Путин: Иднината на Русија е врзана за Европа

По средбата со рускиот претседател Владимир Путин во тврдината Брегансон, францускиот претседател Емануел Макрон истакна дека иднината на Русија е...

Свет5 часа

Коалициската влада на Џузепе Конте пред распаѓање

Италијанскиот премиер Џузепе Конте се очекува, денеска, во 15 часот, по локално време, да поднесе оставка пред Сенатот. Доколку Конте...

Свет5 часа

Британија најави укинување на слободата на движење

Во случај на тврд брегзит или брегзит без договор, на 31 октомври, Велика Британија најави дека ќе ја укине слободата...

Македонија6 часа

На дел од граничните премини задржување до 30 минути

Интензитетот на сообраќај на патните правци надвор од градските средини е зголемен, соопшти АМСМ во утринскиот извештај. На граничните премини...

Регион17 часа

Според Мета, Албанија не може да биде дел од дијалогот Косово – Србија

Албанскиот претседател Илир Мета вели дека „Албанија не може да биде дел од дијалогот Косово – Србија“. Во изјавата што...

Свет17 часа

Литванија со јод ќе се бори против радијацијата

Литванската влада соопшти дека ќе купи повеќе од четири милиони таблети јод во вредност од 900.000 евра, бидејќи соседна Белорусија...

Регион18 часа

Меркел: Европа ќе биде целосно обединета кога Западен Балкан ќе се приклучи на ЕУ

Европа ќе биде целосно обединета кога Западен Балкан ќе влезе во Европската Унија, рече германската канцеларка Ангела Меркел. Таа ја...

Европа18 часа

Французи зеле 40 килограми песок од Сардинија, се соочуваат со казна до 6 години затвор

Туристи кои зеле како сувенир 40 килограми песок од плажа во Сардинија се соочуваат со затворска казна до 6 години....

Топ20 часа

Расправија за пасишта во Арачиново заврши со пукање, едно лице е рането

Расправија околу пасиштата во Арачиново завршила со пукање, при што едно лице е рането. Како што информира МВР, вчера во...

Топ22 часа

Полицајци фатиле струмичанец додека се обидувал да ограби куќа

Полицајци фатиле струмичанец додека се обидувал да ограби куќа. Според МВР, синоќа во 21:00 часот на улица Панче Пешев во...

Македонија23 часа

Во државата нема вештак што ќе оцени дали Исмет Гури преправал потписи

Нова пауза на денешното рочиште за предметот „Титаник 3“ даде судијката Марија Клетничка. Советот, по паузата, одлучи да не го...

Македонија24 часа

Катица не ги иззема Фетаи и Бубевски

  Шефицата на СЈО во оставка, Катица Јанева, не ги иззема обвинителите Фатиме Фетаи и Гаврил Бубевски од застапување во...

Македонија1 ден

Адвокатот Миланов бара изземање на Јанева од „Титаник 3“ поради тензиите во СЈО

Адвокатот на обвинетиот Исмет Гури во предметот на СЈО, „Титаник 3“, Еленко Миланов, побара да бидат изземени Катица Јанева и...

Топ1 ден

Возач загина во сообраќајна несреќа кај Свети Николе

Четириесет и петгодишен возач од Куманово загина во сообраќајна несреќа на регионалниот пат Куманово – Свети Николе. Како што соопшти полицијата,...

Досие