Железницата на Република Северна Македонија Транспорт АД-СКОПЈЕ официјално ја пушти во сообраќај првата од четирите нови електролокомотиви, откако претходно беше извршена контрола пред испорака во Кина.

Производител на овие електролокомотиви е CRRC ZhuZhou Locomotives од Жужо, Н.Р.Кина. Вредноста на една електролокомотива изнесува 2 130 000 евра, а средствата се обезбедени од страна на Европската банка за обнова и развој (ЕБОР).

Локомотивата ги помина сите тестови и добиен е ТСИ – Сертификат од страна на производителот, како и дозвола за пуштање во сообраќај од страна на Управата за сигурност во железничкиот сообраќај на РСМ. Од страна на ЖРСМ ТРАНСПОРТ АД-СКОПЈЕ направени се тестирања според тендерските барања на пругите низ земјава, со што се утврди дека тестирањата го задоволија тендерското барање да повлече 1 600 тони на 17 промили. Генералниот директорот на ЖРСМ Транспорт АД-Скопје, Орхан Муртезани за време на престојот во Кина изјави дека согласно договореното предвидено е до средината на декември да пристигнат во Скопје и останатите три локомотиви.

„Имавме бројни состаноци со претставници на двата синдикати во здравството. Се направи една балансирана прераспределба на процентите на зголемување на основната
плата. Ветувањето од 100 илјади денари во терциерното здравство согласно нашата програма ќе се оствари следната година. Ние ќе продолжиме со планот за одвојување средства и понатаму за да инвестираме и во докторите и во медицинските сестри заради тоа што тие се носителите на здравството“, изјави министерот за здравство Венко Филипче кој е претседател на Комисија за здравство на СДСМ одговарајќи на новинарско прашање за незадоволството кај возачите и административниот персонал кои најавуват протести, како и здружението на медицински сестри кои бараат линеарно зголемување, а во понеделник протест најавуваат кофинансираните специјализанти.

„Во текот на изминатата недела имав состанок со кофинансираните специјализанти. Дозволете да ве потсетам дека Владата предводена од СДСМ е првата која одвои средства во 2018 година приватните специјализанти за прв пат да бидат платени за својот труд.Тие до тогаш работеа практично без пари. Кофинансираните специјализанти се една посебна група која што има направено посебни договори заради тоа што преку специјализацијата тие имаат направено и договор на определено работно време.Согласно Законот, кога ја завршуваат специјализацијата, нивниот работен однос се трансформира во работен однос на неопределено работно време.

Тоа што кофинансираните специјализанти на средбата од минатата недела побараа да се направи трансформација уште за време на специјализацијата за што во овој момент не постои законска можност а се со цел да го добијат зголемувањето на средствата кое сега го добиваат здравствените работници. Барањето е легитимно.Ние договоривме дека ќе направиме неколку работни средби во рамки на Министерството со правната служба во рамки на нашата соработка со Фондот за здравствено осигурување и веројатно со пратениците со цел да се види каква е можноста тој Закон во тој едл да се промени.акажавме уште една средба за тогаш кога ќе ги имаме информациите во текот на следната недела за да видиме што и како мопжеме да направиме во однос на динамиката за тоа што следува во Собранието.

За протестот дознав во текот на вчерашниот ден, секое барање е легитимно, секоја одлука е легитимна затоа сакам да потенцирам дека имавме работна средба и преземавме обврка да ги расчистиме тие работи и закажавме нова средба за да видиме што може да се направи затоа што станува збор за потреба од измена на Закон за здравствена заштита“, додаде Филипче.

„Образовниот систем е трул и не ги подготвува децата да живеат во општество на еднаквост и толеранција“, децидни се од Хелсиншкиот комитет за човекови права којшто денеска го одржа маршот на толеранцијата под мотото Едукација без дискриминација.

„Нашите истражувања покажуваат дека насилството меѓу учениците е големо и постои голема нетолеранција на различностите. Ова се однесува на меѓуетничка толеранција, родови разлики и сексуална определба“, изјави Уранија Пировска од Хелсиншкиот комитет за човекови права на Македонија.

Според неа и натаму доминира размислувањето дека жените имаат улога на домаќинки, а мажите треба да имаат поголем авторитет. Исто така големи се навредите врз истополово ориентираните, па така 36 отсто од овие момчиња размислувале за самоубиство.Од организациите апелираат итно да се корегираат застарените наставни содржини и децата да се учат на толеранција и прифаќање на разликите.