Контакт

Македонија

Над 80 отсто од убиените жени во земјата биле жртви на своите партнери или машки членови на семејството

Објавено пред

Убиствата на жените предизвикани од семејно насилство може да се спречат со навремено препознавање на ризикот за што е потребна посветена меѓуинституционална работа, рече министерката за труд и социјална политика, Мила Царовска, која денеска присуствуваше на презентацијата на анализата на случаи на фемициди, односно убиства на жени во Македонија.

Според анализaта, дури 80 отсто од убиствата на жени во Македонија се извршени од интимни партнери или машки членови на семејството.

„И покрај ваквите податоци, во Македонија фемицидот не е препознаен како посебно кривично дело во Кривичниот законик и се регистрира како секое друго убиство. Затоа, ова не е прашање и одговорност само на една институција, туку е национално прашање што треба да иницира менување на Кривичниот закон и носење закон за родово базирано насилство“, изјави министерката Царовска.

Министерката истакна дека МТСП ги направило првите чекори во борбата против родово заснованите убиства иако државата е на самиот почеток на овој процес.

„Во изминатата една и пол година МТСП повторно ги активира четирите регионални центри за лица жртви на семејно насилство во Скопје, Кочани, Битола и во Свети Николе, а ја прошири и дејноста на Центарот за лица жртви на трговија со луѓе и со жртви на сексуално насилство, каде што згрижувањето трае до 6 месеци“, истакна Царовска.

Таа потсети дека во соработка со граѓанскиот сектор во функција се ставени Центарот за лица жртви на семејно насилство, Кризниот центар 24/48 часа и националната мобилна СОС-линија. Министертвото инвестира и во објект каде што ќе биде сместен Центарот за советување на жртвите на насилство во општина Куманово. Исто така, отворени се центри за жртви на сексуално насилство во состав на здравствените установи во Куманово, Тетово и во Скопје.

Аналзата на случаи на фемициди ја подготви Националната мрежа против насилство врз жените и семејсно насилство со поддршка од УНДП.

Македонија

Заштитата на културното наследство, младите и евроинтеграциите – трите главни столба во мандатот на министерката за култура

Објавено пред

Заштитата на културното наследство, евроинтеграциите и младите се трите главни столба во Програмата на Владата и во мојот мандат како министерка за култура, изјави Ирена Стефоска.

„ Јас и мојот тим во оваа насока имаме благородна и одговорна мисија зашто културата и уметноста не познаваат граници и не ги делат луѓето ниту по етничка ниту по партиска ниту, пак, по родова, генерациска и која било припадност. Клучниот документ што ги дефинира основите на нашата мисија во културата е Националната стратегија за развој на културата за периодот 2018 – 2022 година, која беше изгласана во Парламентот без ниеден глас против. Ова подразбира обезбедување и осовременување на условите за работа на институциите, на независната сцена и на поединците“, нагласи министерката за култура Стефоска.

Таа истакна дека суштинската грижа за недвижното, движното и нематеријaлното богатство е врвен приоритет на нејзиниот министерски кабинет, а, впрочем, едно од клучните барања и на ЕУ кон Република Северна Македонија е токму заштитата на културното наследство.

Стефоска во своето излагање пред новинарите се осврна на обврските кон УНЕСКО, Охрид и Охридскиот Регион и потсети дека како поранешна претседателка на Комисијата за култура во Собранието, беше иницијатор за организирање на Надзорна расправа за Охридскиот Регион, од која произлегоа 22 заклучоци. Таа посочи дека не е помалку важно што во рамките на Програмата за прославување на јубилеи на историски настани и еминентни личности за периодот 2020 – 2021 година на 40. сесија на Генералната конференција на УНЕСКО беа потврдени двата јубилеја предложени од нашата држава.

Таа рече дека нејзина прва задача како министерка е да овозможи воспоставување на ефикасен систем за заштита на културното наследство и макотрпно, заедно со тимот и институциите, да работи на раскрстувањето со вандалскиот однос кон нашето наследство.

„ Уште веднаш по моето стапување на должност, од надлежните институции побарав детални податоци и анализи за црквата „Св. Ѓорѓи“ во Курбиново каде што по 7 години изготвување проекти, досега се спроведени само заштитна покривна конструкција и превентива на ѕидното сликарство иако со децении сме сведоци на ужасната состојба во која се наоѓа црквата. Замислете, зборувам за културно добро од 12 век, со светска вредност!“, истакна министерката за култура Стефоска.

Таа пред новинарите изрази зачуденост, зошто во последниве децении црквата „Св. Ѓорѓи“ не била прогласена од надлежните институции за културно наследство во опасност иако Законот за заштита на културното наследство го наложува тоа. Стефоска посочи дека таквиот статус, добро во опасност, значи да се мобилизираат сите стручни и материјални ресурси во земјава и да се вклучуваат меѓународни експерти и ресурси за трајно решавање на проблемот.

Таа пред новинарите истакна дека нема да бидат заборавени и спомениците од НОБ кои се еднакво важен сегмент во нашата културна меморија.

Министерката за култура Стефоска го истакна и проблемот со задоцнетите плати во културата за кој беше информирана јавноста, кој се реши и се решава со мачна, деноноќна работа на сите надлежни служби во Министерството.

Прикажи повеќе...

Македонија

Училиштата во Карпош подготвени за прием на ученици

Објавено пред

Основните училишта во општина Карпош деновиве интензивно се подготвуваат за почеток на учебната година од 1 октомври.

Како што информираат од општината, поставени се насоки на движење, дезинфекциони бариери, креативни упатства, клупи на растојание, ново – адаптирани училници.

За да се привлече вниманието на најмладите, на учениците од прво, второ и трето одделение сите упатства се со воочливи бои и симболи кои стимулираат интеракција и следење на протоколите.

Во училиштата, овие денови се врши и обука на наставниот кадар за работа на националната онлајн платформа. Локалната самоуправа обезбедува и дополнителна ИТ опрема (компјутери, слушалки и камери) за наставниците, со цел наставата да се одвива без пречки.

Секое од училиштата има и просторија за изолација, во случај ученикот да развие симптоми на коронавирусот.

Секое училиште има обезбедено и повеќе влезови, пристапи кон училниците.

„Ова е период кој бара одговорност од сите нас. Заради непредвидливоста на вирусот, никој не може да вети стопроцентна подготвеност, но Општина Карпош и управите на десетте основни училишта работат со сите капацитети за да се обезбеди безбеден прием на учениците до трето одделение и непречена настава по електронски пат“, велат од општината.

Прикажи повеќе...

Македонија

Поради несослушани сведоци, одбиени докази и толкувани снимки, Миланов смета дека Јанакиески е жртва во „Насилство во Центар“

Објавено пред

Ако се суди според казнената политиката не би требало да има ништо повеќе од условни казни, а Миле Јанакиески е од старт жртва во тој предмет, бидејќи нема ништо што укажува на него, вели адвокатот Еленко Миланов за „Maкфакс“, пред завршните зборови на обвинетите и Обвинителството во предметот „Насилство во Центар“.

Адвокатот Миланов, кој е бранител на Јанакиески, тврди дека за многу поголеми немири и насилства во земјава како што беа протестите во 2013 година кога беше запален и автобус на ЈСП или кршењето на државен имот од шарената револуција биле досудени условни или ослободителни казни, а, пак, во однос на доказите, потенцира дека снимката од нелегалното прислушување повеќе била толкувана, наместо реално презентирана.

„Звучноста на Миле Јанакиески, покрај другиот за кого што има одлука за амнестија, е да се држи тензија во предметот. Миле е од старт жртва во оваа постапка. Политичката пресија, ситуацијата и сето ова што се случува, би го нарекол духот на СЈО, и она што претставуваше тоа обвинителство како некој што докажува нешто за одредена група луѓе, виси како можност да се донесат ефективни казни. Според казнена и редовна судска постапка не би требало да има ништо повеќе од условни казни во предметот. Но, моментот за политички реваншизам на некакво покажување на моќ и сила може да доведе до поинаква одлука. Не исклучувам ниту една можност, затоа што ако зборуваме за реални услови и докази, поголемиот дел од обвинетите треба да добијат ослободителна, а не воопшто да зборуваме за вид и висина на казна. Но, во нашето судство никогаш не можеш да имаш сигурност или да зборуваш каква би била реакцијата и во без малку идентични ситуации. Се надевам и бил пресреќен доколку судот почне да гледа докази и да одлучува според нив, односно да се ослободи од каква било пресија“, вели адвокатот Миланов за предметот „Насилство во Центар“.

Исфрлањето докази предложени од обвинетите, одбивањето да се сослушаат предложени сведоци како Агатангел, кој претходно бил споменат дека имал повик за таков протест, а со тоа и брзањето да се донесе пресудата создава сомнеж кај адвокатот Миланов, кој не разбира што е проблемот ако се дозволи сослушувањето на сведокот: „Ако тој повикал ќе каже, ако не, тој исто ќе каже“. Тој додава дека и на снимката која судот не ја пушта се слуша дека денот кога наводно се организирале протестите Јанакиески бил во Србија со поголем дел од тогашната Влада.

„Има премногу толкување на снимката од нелегалното прислушување. Во таа снимка има идеја за нешто што никогаш не се случило. Таму во ниту еден момент нема одобрување или потврдување на  што било, дури и на таква идеја. Ниту во насока дали е прекршок или кривично дело, ниту во насока дали треба или може да се случи од Миле Јанакиески. Нема никаква потврда, ни ‘да’, ни ‘во ред’. Во таа снимка има идеја за нешто што никогаш не се случило. Третата снимка не сакаат да ја пуштат, а во неа се слуша дека Јанакиески не е тука кога наводно треба да се организира и одржи состанокот, за да се случи такво нешто. Тој ден, 3.6.2011 има заедничка влада во Белград каде што присуствува Јанакиески со поголем дел од Владата“, додава адвокатот Еленко Миланов.

Досега Јанакиески не бил споменат како организатор од ниту еден сведок, освен што осудениот Томислав Лазаров рече дека можеби комуницирал со ексминистерот во насока на тоа што се случува, но тоа го нема во прислушуваните материјали, вели Миланов и прашува: „Ако е тоа така, ако Миле е оштетен во предметот ‘Таргет-Тврдина’ бидејќи 90 посто од пораките и снимките се од него, како може ниту една да нема од овие што ги кажува Томислав Лазаров?“.

„ Се надевам дека судот има доблест да донесе правна и правилно издржана пресуда“, вели Миланов.

Прикажи повеќе...

Најново

Македонија18 минути

Поради несослушани сведоци, одбиени докази и толкувани снимки, Миланов смета дека Јанакиески е жртва во „Насилство во Центар“

Ако се суди според казнената политиката не би требало да има ништо повеќе од условни казни, а Миле Јанакиески е...

Македонија1 час

Извештај на ИЈЗ: Пораст на бројот на новозаразени и починати за една недела

Согласно извештајот на Институтот за јавно здравје кој се однесува на периодот од 14 до 20 септември, регистрирани се вкупно...

Македонија2 часа

Родителите кои беа ослободени со мерките и хронично болните се враќаат на работа

Од денеска, со одлука на Владата, дел од групите кои целосно беа ослободени од работа поради состојбата со коронавирусот, се...

Македонија2 часа

(Видео) Заев – Гир: За неколку месеци очекуваме успешна завршница на подготовките на преговарачката рамка

Претседателот на Владата, Зоран Заев, денеска го прими новоименуваниот амбасадор на ЕУ во нашата земја, неговата екселенција Дејвид Гир. Тој...

Европа3 часа

Лукашенко ненајавено положи заклетва за претседател

Александар Лукашенко денеска ненадејно и без најава положи заклетва за новиот претседателски мандат, пренесува државната новинска агенција „Белта“. Церемонијата за...

Европа3 часа

Жестоки реакции против новите мерки во Британија, можно е да се вмеша и војската

Новите рестриктивни мерки што ги објави премиерот на Велика Британија, Борис Џонсон, против ширењето на коронавирусот, наидоа на жестоки реакции...

Свет4 часа

Jапонска компанија тврди дека има лек кој го скратува времето на закрепнување од Ковид-19

Jапонската компанија „Фуџифилм“ објави дека нејзиниот лек „Авиган“, веќе одобрен за потешките групи, обезбедил статистички значајно намалување на времето за...

Македонија4 часа

Анализа: Најголемо зголемување на вработените во полицијата, а најголемо намалување во одбраната

Центарот за граѓански комуникации (ЦГК) ги објави истражувањето и базата на податоци на вработувањата во министерствата и општините во последните...

Македонија5 часа

Заев со писмо до Вартоломеј побара писмена одлука за автокефална Македонска православна црква

Премиерот Зоран Заев испратил писмо до патријархот Вартоломеј, поглавар на Цариградската патријаршија, во кое се навраќа на средбата во Истанбул...

Македонија18 часа

Во 169 основни и 4 средни училишта ќе се следи настава со физичко присуство

Во 169 основни и четири средни училишта ќе се одвива настава со физичко присуство. Ваквата одлука доаѓа откако попладнево Владата...

Македонија19 часа

Јанакиески ќе бара да биде додаден во листата на оштетени во предметот „Таргет-Тврдина“

Миле Јанакиески ќе достави барање до Кривичниот суд за да биде додаден во листата на оштетени во предметот „Таргет-Тврдина“ за...

Македонија19 часа

„Водовод“ не најде бактерии во градската мрежа во Скопје по паниката што се прошири на социјалните мрежи

Водата од градскиот водовод во скопски Бутел нема бактерии и исправна е за пиење, а веста што се прошири на...

Свет20 часа

Одложен самитот на ЕУ – претседателот на Европскиот совет ставен во карантин

Состанокот на ЕУ, кој требаше да се одржи на 24 и 25 септември, е одложен за 1 и 2 октомври,...

Македонија24 часа

Пет лица починаа од коронавирус, потврдени се 88 нови случаи во Македонија

Министерството за здравство информира дека во последните 24 часа се направени 1.618 тестирања, а регистрирани се 88 нови случаи на...

Македонија1 ден

(Видео) Филипче: Состојбата со вирусот повторно се влошува, ако е потребно ќе има рестрикции

Министерот за здравство, Венко Филипче, на денешната прес-конференција најави дека за есенва се размислува за воведување на повеќе мерки како...

Македонија1 ден

Мицкоски ги повика граѓаните утре да излезат на протест против неправдата и мафијата

Лидерот на ВМРО-ДПМНЕ, Христијан Мицкоски, повика на нов протест што ќе се одржи утре во 18.30 часот. Како што порача...

Економија1 ден

(Видео) Бектеши: Субвенциите за етнички вработувања се дел од изгласаната владина програма

Вработувањата кои ќе поттикнат добри меѓуетнички односи се вметнати во Владината програма која е изгласана од Собранието, изјави министерот за...

Свет1 ден

Русија очекува до 15 октомври да регистрира втора вакцина против коронавирус

Русија очекува до 15 октомври да регистрира уште една, втора по ред, потенцијална вакцина против коронавирус, јави агенцијата ТАСС повикувајќи...

Европа1 ден

Шведска нема да ги вакцинира децата против коронавирусот

Шведската влада нема да препорача вакцина против коронавирусот за деца на возраст под 18 години. Според шведските експерти, децата го...

Спорт1 ден

Италијански судија убиен во својот дом

Италијанскиот фудбалски судија Даниеле Де Сантис (33) и неговата девојка Елеонора Манта (30) биле убиени во домот на судијата во...

Досие