Kога почнувавме со овој проект пред неколку месеци имаше луѓе коишто можеби не веруваат дека за така кратко време ќе се сработи сето ова и ќе се стави во функција онака како што денеска изгледа.

Исто така, и тогаш се поставуваа прашања дали функционалноста на самиот објект ќе продолжи и покрај реконструкцијата. Како што можеме да заклучиме дека не само што продолжи, туку оваа година имаме повеќе родени бебиња од претходната година, така што јас им честитам на вработените на Клиниката, истакна при посетата на објектот премиерот Христијан Мицкоски.

Нашата цел, како што додаде, е да јакнење на јавното здравство, граѓаните да добијат јавно здравство онакво какво што заслужуваат. 

„Нашата политика е prolife политиката, односно да испратам уште една порака до младите да се одлучат да се реализираат како родители, да се раѓаат што е можно повеќе бебиња, затоа што денеска видовме една статистика, за којашто јас често пати зборувам во јавноста, од 2016-тата до 2024-тата имаме за 6.000 помалку родени бебиња. Ако е една училница од 20 ученици, тоа значи 300 празни училници имаме сега и ако една училница е долга 20 метра, имаме 6 километра празни училници. Отприлика вака изгледа изумирање на една нација. Ако на некого тоа не му е јасно јас би сакал преку бројки да кажам, колку и да бидам критикуван, ќе продолжам со ова што го кажувам затоа што мислам дека за бадијала ние правиме и училишта и градинки и игралишта и улици и булевари и автопати и се, ако нема кој тоа да го користи.

Затоа мојата порака до младите е љубовта кон татковината се манифестира со тоа што одлучуваме, се разбира тоа е лична одлука, но, одлучуваме да создадеме семејство и да се реализираме како родители“.

„Дали граѓаните забележаа дека ВМРО и нивните соработници, коалициони партнери, петтоколонаши од ЗНАМ и останати не демантираат ниту едно соопштение на СДСМ?

Освен примената на препишувачката, ресавската, ќаци-школа во рамки на СНС кампањата „copy-paste“, диригирана од нивната централа, со сензационалистички таблоидни наслови како „Шокантно разоткривање“, тие не даваат одговори на поставените прашања.

Овие наслови што ВМРО ги користи за своите соопштенија, а Геро (новиот министер во сенка за пропаганда) за своите текстови, најдобро ја опишуваат нивната „таблоид акција““, велат од СДСМ.

Дали сега, како што додаваат во соопштениетот, на сите им е јасно дека никој од нив не обрнува внимание на доказите што досега ги презентираше АКТ.

„Дали сега на сите им е јасна ДЕФОКУС кампањата што ја водат преку своите текстови?

Нивната тема повторно е виза за Дубаи и измислени згради!

Зошто нема одговори за наместените тендери?

Каде се одговорите на прашањето „мигранти за пари“?

Ги нема, затоа што би морале да признаат сè што објавивме. Наскоро ќе дојде ден кога на овие прашања ќе мора да дадат одговори – но тогаш во Обвинителството.

Она што секој граѓанин може сам да го провери онлајн е дека нема таков лет за Дубаи.

Сега, кога веќе сите граѓани знаат дека ги користат безбедносните служби за следење на претседателот на СДСМ, се поставува едно прашање:

Зошто не објават фотографии од Дубаи?

Ги нема. Да објават, на пример, фотографии од авион за Дубаи? Ги нема.

И порачуваат на владејачката партија дека повеќе не можат да ги лажат граѓаните.

„Разоткриени сте!

Вистината и правдата ќе победат!

Борбата започна и трае!

Сите ќе одговарате за криминал и корупција“, порачуваат од СДСМ.

Пратеникот од Левица, Димитар Апасиев, на собраниска седница го критикуваше предложениот закон за судството оценувајќи дека станува збор за козметички, а не за суштински промени, кои нема да ја искоренат корупцијата во правосудството.

„Како што велеше често на предавањата почитуваната професорка, која што го спомна патем и овој закон во годинешното обраќање, правен илузионизам е да сметаме дека ние со промена на законот ќе ја промениме и перцепцијата за судството и корупцијата во судството“, порача Апасиев, потсетувајќи на римската мисла „Corruptissima respublica, plurima leges“ – колку повеќе закони толку повеќе корупција.

Тој посочи дека во Македонија има околу 800 важечки закони кои создаваат „каша-попара“ во правниот систем, до степен што, како што рече, „и самите судии не знаат кои одредби важат, а кои се укинати“.

Според него клучниот проблем е што законот не го воведува изборот на најдобриот кандидат за судија како задолжителен критериум. „Ако сакаме објективни критериуми, има да воведеме првиот од ранг листата да мора да биде избран, да не зависи од волjата на овие во Советот“.

Апасиев предложи радикални резови како ограничување на мандадтот на судиите на девет години без можност за реизбор, воведување на објективни критериуми за автоматско разрешување како и укинување на фактичката неодговорност на судиите. „Не може лекар да одговара за лекарска грешка, а судијата да не одговара за незаконска примена на правото“.

Во своето излагање се задржа и на слободното судско уверување кое го нарече „системска корупција“.

„Сум бил сведок, како тогашен асистент, кога го фатија еден судија со две искуцани пресуди. Едната одбивателна, другата усвојувачка. И сега кој ќе даде повеќе пари, таа ќе ја пушти. Па зошто ќе ја пушти? Па ќе ја пушти оти има слободно судиско верување“, кажа пратеникот.

Апасиев предупреди и на непостоење на антинепотистички механизми во правосудството и истакна дека цели апелациони подрачја се окупирани, од како што рече, фамилијарни кланови.

„Не може мајката да е судијка, синот адвокат, ќерката е во обвинителството, мажот е нотар, зетот е извршител. До кога така? Барем на ниво на апелационно подрачје имаме правна можност како држава да го решиме, а да не биде дискриминација, нели? Детето на судија нема да биде адвокат во истото апелационо подрачје на неговата мајка. Многу елегантно можеме тоа да го решиме, но не сакаме, немаме политичка волја тоа да го направиме“, посочи тој.

Како дополнителни системски слабости ги наведе заедничката обука на судии и обвинители, недостатокот на централна база на судиски одлуки, непостоење на јавни биографии на судиите, слабата дигитализација и ниските плати на судските службеници.

„Се правиме при очи слепи. Со вакви закони не се чисти византиска корупција“, заклучи Апасиев.