Македонија
„На секој граѓанин му носиме модернизација, безбедност и подобар живот, ова е само почеток“, велат од „Влен“

„Коалицијата ВЛЕН им го менува ликот на нашите општини! Со големи проекти, јасна визија и непоколеблива посветеност, на секој граѓанин му носиме модернизација, безбедност и подобар живот. Ова е само почеток на посветла иднина!“, велат од ВЛЕН.
„Oпштина Гостивар станува дел од една поширока визија за модерен и квалитетен живот. Еден од главните проекти е издвојувањето на над 161 милион денари за 2025 година, наменети за реконструкција на патишта и подобрување на патната инфраструктура. Оваа инвестиција е значајна за зголемување на безбедноста, функционалноста и квалитетот на животот во општината, придонесувајќи за изградба на урбана средина достојна за граѓаните.
Покрај инвестициите во патишта, големо внимание ќе се посвети на зачувување на животната средина и подобрување на основната инфраструктура. Општина Гостивар ќе добие алатки за селекција и транспортирање на отпадот, за да помогне во создавањето почиста и поздрава животна средина. Исто така, проектите за изградба на фекални колектори, канализации, резервоари за вода и нови водоводни линии се доказ за нашата посветеност на ефикасно управување со виталните ресурси.
Но, тоа не е се. Во Тетово вкупно планираните инвестиции изнесуваат 332 милиони денари, а опфаќаат проекти како што е реконструкција на водоводната мрежа во село Порој – 25 милиони денари (финансирани од буџетот на Министерството за животна средина и просторно планирање). Поставување на заштитна ограда во река Шкумбин (во недовршениот дел) – 9 милиони денари (од буџетот на Министерството).
Реконструкција на магистрален водовод за водоснабдување од Попова Шапка до Тетово – 65,5 милиони денари од вкупно 140,7 милиони денари (од кредитните средства на Европската инвестициска банка). Проширување на водоводната мрежа за населбата “Вонвардарска“ – 15 милиони денари (од средствата за капитални дотации на Министерството), како и многу други проекти од витално значење за граѓаните.
Овие инвестиции се дел од стратегијата на коалицијата ВЛЕН, каде инфраструктурата и чистата животна средина се главни столбови за долгорочниот развој на општините“, се наведува во соопштението на ВЛЕН.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Утрото променливо облачно и студено, преку денот сончево

Времето денеска, утрото променливо облачно и студено, а преку денот времето ќе биде сончево со мала до умерена облачност. Ќе дува умерен до засилен северен ветер, наместа долж Повардарието со брзина над 60 km/h. Минималната температура ќе биде во интервал од -8 до 0, а максималната ќе достигне од 0 до 8 степени.
Во Скопје утрото претежно облачно, во текот на денот облачноста ќе се намалува. Ќе дува умерен, во делови од котлината повремено засилен ветер од северен правец. Минималната температура ќе се спушти до -3, а максималната ќе достигне до 6 степени.
Во наредните денови, следува период на стабилно и студено време со ниски утрински температури кои насекаде ќе бидат негативни, а наместа ќе се спуштат и под -10 степени.
Македонија
Прекинато водоснабдување во делови од Скопје

Од ЈП Водовод и Канализација известуваат дека денеска ( среда ) без вода ќе останат следните корисници:
· поради изведување на приклучок од Ф-100мм на ул.20 бр.6 во с.Трубарево, прекинато водоснабдување ќе имаат корисниците од с.Трубарево, водоснабдувањето ќе биде прекинато од 10:00 часот до санирање на дефектот. ( општина Гази Баба)
· поради уличен дефект Ф-400мм на булевар 8ми-Септември во населба Карпош, прекинато водоснабдување ќе имаат корисниците од Бул. Илинден до кружен тек ( Хотел Александар Палас, спортскиот центар Борис Трајковски и базентот) водоснабдувањето ќе биде прекинато од 09:00 часот до санирање на дефектот. ( општина Карпош)
· поради промена на шибер Ф-80мм на ул. Коце Металец во населба Железара, прекинато водоснабдување ќе имаат кулите од истата улица со број 2А,2Б,2В,2Г, водоснабдувањето ќе биде прекинато од 09:00 часот до санирање на дефектот. ( општина Гази Баба)
Македонија
„Вреди“: Поранешниот државен секретар за култура Азири го продаде албанскиот идентитет за работно место

Валмир Азири, поранешниот државен секретар за култура, направи срамен и неприфатлив чин, кој не само што го посрамува лично, туку и секој Албанец. На конкурсот во 2021 и почетокот на 2022 година, тој без двоумење го промени својот идентитет од Албанец во Македонец, само за да си овозможи лична корист и да обезбеди работно место кое беше наменето за македонската заедница, реагираат од коалицијата „Вреди“.
Ова, според нив, е чин на незамисливо предавство кон Албанците и сериозно кршење на вредностите кои нè дефинираат како нација.
„Демократската унија за интеграција, која постојано зборува за заштита на интересите на Албанците, не се двоумеше да ја продаде секоја вредност и идентитет на Албанците кога станува збор за лични интереси. Овој скандал е јасен одраз на хипокризијата и неспособноста на оваа политичка партија, која продолжува да профитира од позициите и да манипулира на грбот на Албанците. Се поставуваат важни прашања по овој скандал: Која е договорената шема што го натера Валмир Азири да направи ваков чекор? Дали неговото молчење додека беше државен секретар беше дел од агенда за деградирање и маргинализирање на Албанците во културата? Дали може поинаку да се нарече индивидуа која е подготвена да го продаде својот идентитет за лични интереси?“.
Ова, како што оценуваат во „Вреди“ е чин кој не смее да остане без последици.
Коалицијата, нагласуваат од таму, е решена да се бори против секој обид за манипулација и газење на албанскиот идентитет за тесни и лични интереси.
Бараат итна одговорност за овој, како што велат, тежок скандал и се обврзуваат да обезбедат дека лица како Валмир Азири нема да имаат место во институциите што треба да ги штитат интересите и вредностите на Албанците.
Ова, нагласуваат од коалицијата, е јасна порака за сите оние кои мислат дека можат да ја предадат албанската култура и идентитет за лична корист.
„Коалицијата „Вреди“ нема да запре и ќе продолжи да ги брани интересите на Албанците и нашиот национален интегритет“.