Контакт

Македонија

(Видео) Неврохирурзите од Македонија незаинтересирани за усовршување кај Мемет Озек, педијатриски неврохирург кој пет години нема изгубено пациент

Објавено пред

Македонските неврохирурзи немаат интерес да супспецијализираат педијатриска неврохирургија кај еден од водечките детски неврохирурзи во светот – Мемет Озек, вработен во истанбулската болница „Аџибадем Алтунизаде“. Во оваа болница функционира посебен оддел за педијатриска неврохирургија, кој нуди и стипендии за лекари што бараат усовршување, но од Македонија, и покрај покажаниот интерес, не добиле ниту едно барање за соработка. Тимот на доктор Озек има 600-700 операции годишно, а последните пет години нема ниту еден починат пациент.

„Досега никој од Македонија нема стапено во контакт со мене ниту на телефон ниту по е-пошта, на ниеден начин. Вратите кај нас се отворени за сите“, вели Озек, кој тврди дека во Македонија има одлични неврохирурзи со кои може да соработува доколку покажат интерес за усовршување.

Кај него најчесто доаѓаат деца со тумори длабоко во мозокот, деца со спастицитет, со церебрална парализа, деца со вродени оштетувања на ‘рбетот и на ‘рбетниот мозок и деца со епилепсија. Озек вели дека најважно за успешните операции е да се реагира колку е можно порано, понекогаш и веднаш по раѓањето, но и милтидисциплинарниот пристап кон пациентите за што е потребен тим на чие формирање тој работи веќе 25 години.

„Повеќето од пациентите што доаѓаат кај нас имаат тумори во мозокот, деца со спастицитет, голем број од нив се деца со дијагноза церебрална парализа. За да работите со овие пациенти, мора да имате екипа. Мора да се работи со екипа во која има ортопед, невролог, неврохирург и доктор за анализа на движење, во екипата мора да има физиотерапевт, работиме со мултидисциплинарна екипа“, вели неврохирургот Озек.

Гостиварецот Енис Шабан веќе тринаесет години врши анализа на движењето на пациентите во болницата „Аџибадем Алтунизаде“

Во неговата екипа има Македонец. Гостиварецот Енис Шабан веќе тринаесет години врши анализа на движењето на пациентите што доаѓаат кај нив. И тој е зачуден зошто македонските лекари не доаѓаат во Турција на усовршување, но вели дека ги разбира.

„Познавам многу колеги од Македонија, кои кога би дошле, би добиле многу искуство за нешто да се направи во Македонија. Кога ги гледам државите од Балканот, кога одам таму на семинари и на курсеви, сè некако ми личи дека не сме поминале од старото на нешто ново. Особено имаме проблем со старите генерации затоа што тие се останати меѓу комунизмот и капитализмот. Овие промени полека се случуваат во балканските земји. Со помладите специјалисти што сакаат нешто да научат имаме контакт. Јас сакам да дојдат овде бидејќи се од мојата земја, а и професорот има посебен однос оти една половина од неговата фамилија е од Призрен. Тој многу цени да работи со луѓе што доаѓаат од Балканот. Во нашата екипа голем број од колегите се од Балканот. Луѓето што доаѓаат од Балканот се многу вредни, многу работат и многу се бистри, вели професорот. Планот за соработка со колегите е уште од 2010 година, секогаш сакавме нешто да направиме, но бавно оди. Не знаеме како да ја забрзаме оваа ситуација“, вели Шабан.

Тој смета дека државната неврохирургија во Македонија може да биде и подобра имајќи предвид колку неговите колеги овде се трудат, но сепак вели дека некои работи не зависат само од нив, туку и од технологијата.

Нивниот тим во „Алтунизаде“, болницата во Истанбул, користи најнова технологија за снимање на пациентите. Имаат магнетна резонанција која не само што го снима туморот во мозокот туку прецизно го следи и неговото движење, што ја олеснува операцијата. Тимот прави и ендоскопски операции како помалку инванзивна метода.

Половина од пациентите се од странство, а меѓу нив често имаат пациенти и од Македонија. За децата од Турција нема олеснувања во плаќањето, операциите ги плаќаат приватно оти немаат договор тоа да биде на државен трошок.

„Во 21 век, ако сакате добра дијагностика и добро лекување, потребна е голема и добро развиена технологија. Развиената технологија, за жал, не е бесплатна. Цените се движат од 5 до 40 илјади долари во зависност од дијагнозата.  За тумор, во зависност од местото каде што се наоѓа, цената на операцијата е од 25 до 40 илјади долари“, вели Озек.

Тој до неодамна бил и претседател на Здружението на педијатриските неврохирурзи на Европа и вели дека се многу ретки болниците во светот што работат со тимови за педијатриска неврохирургија. Во Европа такви тимови има во Лондон и Париз.

Македонија

Силјановска: Ние ќе воспоставиме правна држава со силни институции

Објавено пред

Професорката Гордана Силјановска-Давкова се обрати пред граѓаните од Аеродром и им порача дека сме доведени на ѕидот на срамот. Не смее да има човек, вели Силјановска, кој нема да реагира на она што ни се случува.

„Партијата што се нарекува социјалдемократски сојуз стана партија на социјалдеморализиран сојуз, на социјалдотраен сојуз. Има моменти кога човек не смее да молчи, таков е овој момент. Ќе се согласите дека секогаш кога било најтешко во македонската историја се појавувале учителите. Фрлете поглед на листите на едните листи ќе ги познаете петкашите и десеткашите, а на другите оние од транзицијата што прекуноќ се збогатија.
Деновиве во очај почнаа да фрлаат летки, замислете Тимчо и јас сме биле транзициските профитери. Јас сум била 2 години во политика, а транзицијата трае 30 години. Е тие кои од бебиња се во политика и не се збогатија од пиперки и домати туку од политичкиот статус велат дека повторно транзициските политичари се во игра, тоа е срамота“, објасни таа.

Истакна дека народот треба да се праша дали подобро живее од порано, дали е побезбеден, дали е поздрав, дали ги нема корупцијата и криминалот.

„Дали непотизмот не цвета, дали администрацијата е подобра. Не, многу не! Споредете ги оние кои ги персонализираат партиите, еден прекуноќ збогатен човек и еден учител, ама и добар мајстор. Тој со наша помош треба да ја поправи куќата. Може ли со вакво судство да зборуваме за владеење на правото, се разбира не. Не знам колку бомби паднаа и дознавме интересни работи. Оние кои се повикуваат на право и правда се главните рушители на правото. Ние не сакаме ништо друго освен европски темел на куќата“, истакна Силјановска.

Нагласи дека не може да постои економија, образование, социјална заштита и култура, ако нема костур наречен владеење на правото.

„Ние знаме како да го направиме тоа, затоа што правото и правдата се на наша страна, а неморалот и заборавањето на етиката се со нив. Затоа се во паника. Бидете убедени дека на 15 јули ќе почне нова ера, јас ја викам 4. македонска република во која сите граѓани како индивидуи ќе бидат рамноправни. Македонија е точно мултикултурно општество, но Македонија мора да биде пристојна европска граѓанска држава“, повика Силјановска-Давкова.

Прикажи повеќе...

Македонија

Синдикатот апелира да се заштитат новинарите и медиумските работници за време на гласањето

Објавено пред

Со оглед на комплицираната ситуација поради коронавирусот, како и строгите протоколи кои ќе се применуваат на денот на гласањето, Самостојниот синдикат на новинари и медиумски работници ги повикува Државната изборна комисија, политичките партии, како и сите надлежни институции да обрнат внимание на заштита на здравјето на новинарите и медиумските работници .

ССНМ посебно изразува загриженост за начинот на кој ќе се спроведе известувањето, односно покривањето од страна на медиумите на чинот на гласањето на високите партиски функционери, кои традиционално предизвикуваат големо внимание .

„Од досегашното искуство при гласање на одреден политичар во гласачкото место влегувале над 15 сниматели и фоторепортери, што имајќи го предвид протоколот за гласање (најмногу двајца гласачи истовремено), како и големината на просторот каде што се гласа, претставува ризик како за медиумските работници, така и за претставниците на избирачките одбори и набљудувачите . Затоа повикуваме навремено да се разгледаат овие потенцијално проблематични ситуации и да се донесат правила и протоколи според кои јавноста нема да остане неинформирана, снимателите и фоторепортерите ќе си ја завршат непречено својата работа, а притоа и здравјето на сите инволвирани ќе биде максимално заштитено“, велат од ССНМ.

Истовремено ги повикуваат медиумските работници максимално да ги почитуваат правилата и протоколите за заштита додека ги извршуваат своите работни задачи. Од синдикатот апелираат до ДИК и другите надлежни институции да им овозможат на новинарите и медиумските работници безбедно да можат да си ја вршат работата на денот на изборите .

Прикажи повеќе...

Македонија

Бојан Јовановски пријави 40 функционери и бизнисмени: „Ќе ме спречат само ако посегнат по мојот живот“

Објавено пред

Осудениот во случајот „Рекет“ Бојан Јовановски преку писмо соопшти дека кривично ќе гони 40-ина функционери и бизнисмени порди злоупотреба на службената положба, лажен исказ и непружање лекарска помош.

Писмото денеска пред Обвинителството го прочита неговиот адвокат Сашо Дуковски.

„За да се избегнат сите шпекулации, јас со ова соопштение ви кажувам дека пријавите се однесуваат на носители на јавни функции, лица политичари кои се дел од актуелната извршна власт, за лица од бизнис-секторот, неколку цивилни лица блиски до политичарите и носителите на јавни функции“, се вели во писмото на Јовановски.

Понатаму тврди дека е цел на закани и уцени.

„Одговорно ви тврдам дека нема да ме спречат во што и да сакаат да применат и  кои било методи на уцени и закани. Единствено ќе ме спречат доколку ме лишат од живот, односно доколку посегнат по мојот живот, но повторувам, нема да ме спречат во мојата чесна граѓанска должност и намерата во борбата со вистинските криминалци“, пишува Јовановски.

Прикажи повеќе...

Најново

Македонија2 часа

Бојан Јовановски пријави 40 функционери и бизнисмени: „Ќе ме спречат само ако посегнат по мојот живот“

Осудениот во случајот „Рекет“ Бојан Јовановски преку писмо соопшти дека кривично ќе гони 40-ина функционери и бизнисмени порди злоупотреба на...

Македонија3 часа

Косово бара да се преиспита одлуката за влез во земјава со негативен тест

Косовскиот министер за здравство, Арменд Земај, побара од Македонија да ја преиспита одлуката за задолжителни тестови за влез на косовските...

Македонија4 часа

Турски државјани врзале чаршав и преку прозорец избегале од државен карантин во Скопје

Двајца државјани на Турција синоќа избегале од државен карантин во Скопје, со чаршав кој бил врзан како импровизирано јаже. Од...

Топ4 часа

Скопјанец ја нападнал со секира својата сопруга додека спиела, а потоа бил пронајден мртов

Шеесет и едногодишен маж од Скопско утрово со секира ја нападнал својата сопруга додека таа спиела во семејниот дом во...

Македонија5 часа

168 новозаразени и тројца починати од Ковид-19

Министерството за здравство информира дека во последните 24 часа се направени 1.470 тестирања, а регистрирани се 168 нови случаи на...

Свет6 часа

Директорот на СЗО предупредува: Се забрзува ширењето на вирусот

Пандемијата на коронавирусот сè уште забрзува, а повеќето земји и натаму не успеваат да ја стават под контрола, предупреди директорот...

Регион6 часа

Србија воведува нови рестрикции поради коронавирусот, најстрого ќе биде во Белград

Во Србија, која веќе два дена е потресена од големи немири, донесени се нови мерки за превенција од коронавирусот. Како...

Регион8 часа

Без гушкање и бакнување, дозволен е само бакнеж на младенците – Хрватска воведува нови правила за свадби

Директорот на хрватскиот Институт за јавно здравје, Крунослав Чапак, истакна дека свадбите нема да бидат забранети и откри кои ќе...

Свет9 часа

(Видео) „Победата дојде“ – во болницата во Бергамо нема пациенти со Ковид-19 во одделот за интензивна нега

Во болницата „Папата Јован“ во Бергамо, Италија, нема повеќе пациенти со коронавирус на одделот за интензивна нега, и тоа 137...

Регион9 часа

(Видео) Полицијата нападнала две новинарки на протестот во Белград

Две новинарки на порталот „Нова.рс“ вчера биле нападнати од страна на полицијата на протестот во Белград. Порталот објави дека новинарката...

Топ10 часа

Комбе со 50 мигранти се превртело на патот Валандово – Струмица, возачот побегнал

Во вечерните часови на 8 јули на регионалниот пат Валандово – Струмица, пред крстосницата за село Раборци, се превртело комбе...

Македонија10 часа

Глоба за угостителски објект, на иста маса седеле четири лица што не биле од исто семејство

Обвинителството предложи глоби за угостителски објект во Скопје и за управителот на правното лице поради непочитување на мерките за заштита...

Регион11 час

Брнабиќ: Ова се најнасилни протести досега

Премиерката на Србија, Ана Брнабиќ, рече дека протестите од изминатите два дена во Белград се најнасилните протести досега, но рече...

Македонија12 часа

Државјаните на Србија, Косово, Црна Гора и БиХ може да влезат во земјата само со негативен тест

Државјаните на Србија, Косово, Црна Гора и БиХ од денеска може да влезат во земјата само со негативен тест за...

Регион12 часа

Повредени 19 полицајци и 17 демонстранти на протестот во Белград

За време на синоќешните протести и немири пред Собранието на Србија во Белград  повредени се 19 полицајци и 17 демонстранти....

Македонија13 часа

(Аудио) Објавен разговорот меѓу Заев и лажната Грета Тунберг

Руските пранкери Владимир Кузнетсков и Алексеј Столиров го објавија разговорот со поранешниот премиер Зоран Заев, кој мислел дека разговара со...

Регион22 часа

Вулин: Ова е обид за државен удар, се радуваат сите непријатели на Србија

Српскиот министер за одбрана Александар Вулин вечерва во изјава за ТВ „Пинк“ рече дека она што се случува втора вечер...

Регион23 часа

(Видео) Српската полиција со жестока реакција ги растера демонстрантите од пред Собранието

Група луѓе предводени од Сојузот за Србија се собра попладнево пред српското собраните. Полицијата направи кордони пред влезот во зградата....

Регион1 ден

(Видео) Белград под опсада: Полицијата фрли солзавец, демонстрантите гаѓаат со факли

На протестите во Белград избија и првите инциденти пред Собранието. Се слушнаа неколку детонации, а полицијата фрла солзавец. Демонстрантите извикуваат...

Свет1 ден

Бројот на заболени од коронавирус низ целиот свет надмина 12 милиони

Низ целиот свет oд новиот коронавирус досега се заразиле над 12 милиони луѓе, односно 12.002.132, според најновите податоци објавени на...

Досие