Од „ЕВН Македонија“ информираат дека се планирани технички зафати во електросистемот на град Скопје и без електрична енергија ќе останат делови на Кисела Вода, Центар, Карпош, Гази Баба и на Аеродром.

Во периодот од 9.30 до 14.30 без струја ќе бидат корисниците од улицата Христо Чернопеев со броевите: 1А, 1Б, 2, 2А, 3, 3А, 5А 5Б, 7А,7Б, 9, 9А, 13, 13А, 10А, 10Б, 6, 4, 4А, 8А, 8Б, 12, 14 и 16 (општина Кисела Вода), од 8 до 15 часот корисниците од улицата Питу Гули (општина Центар), од 9 до 12 часот корисниците од улицата Даскал Камче бр. 1А влез 5 (општина Карпош).

Во периодот од 9 до 11 часот струја ќе немаат корисниците од улицата Охридска со броевите: 17, 15, 13, 11, 9, 44, 24, 22, 20, 18, 16, 14, 12, 10, 8 и 4 (општина Центар), од 8 до 9 часот корисниците од улицата Лазар Поп Трајков со броевите 5 и 7, Ветеринарниот факултет и Ветеринарната болница (општина Гази Баба) и во периодот од 7.30 до 17 часот корисниците од болницата „Мајчин дом“, црквата „Св. Стефан“ и крстосницата од булеварите Јане Сандански и АСНОМ (општина Аеродром).

Од ВМРО-ДПМНЕ велат дека Нина Ангеловска кога дошла на позицијата министер за финансии во својот Анкетен лист пријавила дека има депозит во вредност од 250.000 евра во Еуростандард банка.

Од партијата ја прашуваат Ангеловска да одговори дали и пропаднале 250-те илјади евра, пари од заштеда кои самата ги има пријавено.

„ Ако не се, односно истите ги повлекла, со оглед на фактот што тие пари согласно имотниот лист не ги располага веќе во таа банка, тогаш тоа е огромен скандал. Ангеловска е должна да каже дали имала предвреме информација за таквиот потег.

Ова е новиот ТАТ и функционерите од СДСМ мора да кажат каква улога имале во истата“ обвинуваат од ВМРО-ДПМНЕ.

Министерството за труд и социјална политика информира дека на денешниот состанок со Комисијата за заразни болести и претставници на Министерството за здравство беше одлучено да се направи ажурирање на податоците за бројот на деца за кои родителите се изјасниле дека ќе посетуваат градинка. Согласно донесениот Протокол, приоритет за згрижување има дете на самохран родител којшто е во работен однос и дете на двајца родители кои се во работен однос, а работните задачи мора да ги извршуваат на работното место.

Информацијата ќе биде изработена врз основа на податоците од сите градинки, јавни и приватни, соодветно на доставените потврди од родителите.

Министерство за труд и социјална политика во соработка со Комисијата за заразни болести има изработено Протокол- оперативен план за активности во установите за згрижување и воспитание на деца по укинување на вонредната состојба, усвоен од Владата на Република Северна Македонија на 29.05.2020 година и истиот беше испратен до Јавните и приватните установи за деца – детските градинки за нивно постапување. Протоколот е објавен во „Службен весник“.

Претставниците на Министерството за труд и социјална политика појаснија дека Протоколот е прифатен од страна на сите градинки и истите ги прилагодуваат групите согласно насоките. Министерството за труд и социјална политика нема добиено насоки за измена на Протоколот.