Контакт

Македонија

Нова национална работна група ќе врши редовна анализа и ревизија на перинаталните смртни случаи  

Објавено пред

Новоформираната национална работна група за анализа и ревизија на перинаталната смртност почна со подготовки за спроведување редовни систематски контроли на сите перинатални смртни случаи во иднина со цел подобрување на здравствената заштита на мајките и децата преку систематско собирање и анализа на податоци за да креира интервенции врз основа на докази.

Како што велат од Министерството за здравство, перинаталната смртност – фетална смрт (мртвородено) по 154 дена од бременоста и неонаталната смрт во првите 28 дена од животот – се користи за мерење на квалитетот на здравствената заштита. Во земјата последните достапни податоци (од 2016 г.) покажуваат стапка на перинатална смртност од 16 на 1.000 живородени деца, што е над просекот од земјите членки на ЕУ од 6 на 1.000 живородени, ситуација што ги вознемири здравствените работници и јавноста и предизвика забрзани напори за подобрување на состојбата.

„Во моментот податоците за смртноста не вклучуваат сеопфатен преглед на сите веројатни причини за смртта. Со оваа мерка ќе се обезбеди систематски да собираме и да анализираме податоци за основните причини, како и да примениме интервенции за подобрување на здравствениот систем и квалитетот на здравствената заштита врз основа на докази“, рече Венко Филипче, министер за здравство.

Работната група ќе користи стандардна методологија и пакети за обука изработени од Светската здравствена организација (СЗО) и Фондот за деца при Обединетите нации (УНИЦЕФ) за спроведување систематска ревизија на смртните случаи. Пакетот му беше претставен на тимот вчера во текот на воведната работилница поддржана од УНИЦЕФ.

„Во земјата има одлични здравствени работници – но, лекарите и медицинските сестри се добри само онолку колку што е добар системот во кој работат. Не само што треба да се воспостават меѓународно акредитирани протоколи и упатства засновани на докази, со кои се уредени повеќето европски здравствени системи, туку и стручните лица треба да имаат капацитет да ги применат во пракса“, рече Бенјамин Перкс, претставник на УНИЦЕФ.

Работната група е составена од висококвалификувани професионалци вклучувајќи гинеколози од примарната здравствена заштита и породилните одделенија, неонатолози, педијатри, епидемиолози, акушерки, социјални работници и статистичари, со цел при ревизијата да се разгледаат сите аспекти на можните причини за смрт – вклучувајќи ги и оние поврзани со здравствениот систем, здравјето на мајката и социјалните аспекти на здравственото однесување.

Во подготвителната фаза за својата работа работната група ќе спроведе ревизија на скорешни случаи на перинатална смрт. Се предвидува таа да врши рутинска ревизија на сите идни смртни случаи и да доставува посебни извештаи до Министерството за здравство со препораки за промени во политиките и зајакнување на здравствениот систем.

Формирањето на работната група и воведувањето систематско прибирање и анализа на податоците за перинатална смртност се едни од мерките усвоени од Министерството за здравство за подобрување на здравствената заштита на мајките и децата.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

23 починати и 365 нови случаи на Ковид-19

Објавено пред

Од Министерството за здравство информираат дека во последните 24 часа направени се 4.015 тестирања, а регистрирани се 365 нови случаи на Ковид-19, од Скопје – 183, Охрид – 24, Штип – 20, Струмица – 19, Куманово – 15, Прилеп – 14, Тетово и Велес по 13, Битола и Кавадарци по 11, Свети Николе– 7, Кочани, Гевгелија и Ресен по 5, Кичево – 4, Крива Паланка – 3, Гостивар, Струга, Радовиш и Пробиштип по 2 и по еден заразен во Неготино, Делчево, Виница, Кратово и Македонски Брод.

Пријавени се 23 починати лица, од кои осуммина од Скопје (89, 88, 78, 77, 77, 66, 60 и 60 години), тројца починати од Велес (62, 59 и 59 години), по двајца починати од Куманово (75 и 63 години) и Кавадарци (72 и 65 години) и по едно починато лице од Тетово (67), Прилеп (75), Битола (95), Струмица (87), Штип (45), Струга (62), Свети Николе (66) и Радовиш (63).

Од пријавените 23 лица, 20 се починати во болнички, а 3 лица во домашни услови.

Во изминатите 24 часа регистрирани сe 551 оздравен пациент од Скопје – 212, Тетово – 53, Куманово и Гостивар по 46, Кичево – 38, Струга – 25, Охрид – 19, Битола – 13, Прилеп и Кавадарци по 12, Струмица, Штип и Свети Николе по 9, Кочани – 8, Велес, Ресен и Дебар по 5, Крива Паланка, Виница, Пробиштип, Валандово и Кратово по 3, Неготино, Берово, Македонски Брод и Пехчево по 2 и по еден оздравен во Гевгелија и Богданци.

Направените 4.015 тестови се преку: ИЈЗ-188, ЦЈЗ Скопје-44, ЦЈЗ Битола-70, ЦЈЗ Прилеп-55, ЦЈЗ Тетово–54, ЦЈЗ Куманово-49, Институт за микробиологија–228, Жан Митрев (Филип Втори)-80, Авицена-172, Биотек-205, Систина-71, лабораторија Лаор-263, Синлаб-13, Ремедика-5, Плодност–54, Генеа-5, Никоб лаб-360, ВФВ Медикал-52, Ели Медика-57, Ројал Медика –17, ЈЗУ и ПЗУ (рапид тест) – вкупно 1.973.

Досега во земјата се направени вкупно 1.252.094 тестирања на Ковид-19.

Вкупната бројка на ковид-дијагностицирани од почетокот на епидемијата изнесува 186.914, бројката на оздравени пациенти е 167.402, на починати е 6.460, а бројот на активни случаи изнесува 13.052.

Според епидемиолошките анализи во моментот, дистрибуцијата по градови е следна:

Скопје 81005, Активни 5833
Куманово 11019, Активни 914
Тетово 10746, Активни 1016
Прилеп 8906, Активни 284
Гостивар 7922, Активни 530
Битола 6938, Активни 249
Велес 6035, Активни 294
Охрид 5817, Активни 668
Кавадарци 5739, Активни 205
Струмица 5612, Активни 518
Штип 5562, Активни 256
Кичево 3875, Активни 445
Струга 3755, Активни 638
Кочани 3132, Активни 137
Гевгелија 2355, Активни 77
Неготино 2295, Активни 42
Свети Николе 1822, Активни 109
Ресен 1508, Активни 109
Радовиш 1477, Активни 119
Дебар 1442, Активни 144
Крива Паланка 1348, Активни 53
Берово 1193, Активни 48
Делчево 1108, Активни 68
Виница 1005, Активни 44
Пробиштип 895, Активни 44
Валандово 785, Активни 33
Богданци 543, Активни 20
Кратово 526, Активни 54
Крушево 518, Активни 15
Македонски Брод 461, Активни 32
Демир Хисар 423, Активни 14
Демир Капија 406, Активни 4
Пехчево 310, Активни 10
Македонска Каменица 292, Активни 22
Дојран 139, Активни 4

Прикажи повеќе...

Македонија

Маричиќ: Над милион попишани граѓани, влегуваме во последната фаза

Објавено пред

Откако Државниот завод за статистика извести дека денеска се попишани над милион граѓани, министерот за правда Бојан Маричиќ, преку социјалните мрежи порача дека земјата влегува во последната фаза од пописот кој успешно се спроведува после 20 години.

„Над милион попишани граѓани. Одлични вести од Државниот завод за статистика. Влегуваме во последната фаза од пописот кој успешно се спроведува после 20 години!“, напиша министерот за правда во објава на „Фејсбук“.

Тој посебна благодарност упати до, како што нагласи, неуморните попишувачи кои на терен неуморно работат за да се обезбеди подобра иднина за сите нас.

Прикажи повеќе...

Македонија

Изминатава недела Македонија е прва во Европа според бројот на починати од Ковид-19 на милион жители

Објавено пред

Според бројот на смртни случаи минатата седмица, Гренада е повторно на прво место во светот со 212 смртни случаи на милион жители, а во Европа прва е Македонија со 96 починати лица, што е четврто место во светот, покажува статистиката на оксфордската база на податоци Our World in Data, а пренесува белградскиот весник „Данас“.

Во Европа, според смртноста, по нас се Бугарија, Црна Гора, БиХ и Косово.

Во изминатите седум дена, Србија, пак, е прва во Европа и втора земја во светот според просечниот дневен број на нови инфекции со коронавирус на милион жители, со просек од 1.018 новозаразени на секои 24 часа.

Прикажи повеќе...

Најново

Свет4 часа

Првичните резултати од изборите во Русија покажуваат победа на партијата на Путин

Руската владејачка партија Единствена Русија, од која потекнува и претседателот Владимир Путин, е на пат да победи на парламентарните избори,...

Македонија6 часа

23 починати и 365 нови случаи на Ковид-19

Од Министерството за здравство информираат дека во последните 24 часа направени се 4.015 тестирања, а регистрирани се 365 нови случаи...

Македонија7 часа

Маричиќ: Над милион попишани граѓани, влегуваме во последната фаза

Откако Државниот завод за статистика извести дека денеска се попишани над милион граѓани, министерот за правда Бојан Маричиќ, преку социјалните...

Свет7 часа

Три европски земји ги укинуваат сите ковид-мерки, за таквиот чекор клучни се две нешта

Данска, Шведска и Холандија ги укинуваат практично сите мерки во борбата против пандемијата на коронавирус. Стапките на вакцинација се релативно...

Македонија8 часа

Изминатава недела Македонија е прва во Европа според бројот на починати од Ковид-19 на милион жители

Според бројот на смртни случаи минатата седмица, Гренада е повторно на прво место во светот со 212 смртни случаи на...

Македонија10 часа

Започна уривањето на старата конструкција на Универзална сала

Универзална сала започнува да го добива своето ново лице, сподели градоначалникот на Скопје, Петре Шилегов на својот Фејсбук профил. Според...

Македонија13 часа

Со хебла оштетена таблата за електрична енергија во модуларната болница во Прилеп

Општа болница Прилеп до Министерството за внатрешни работи синоќа пријави случај на физичко оштетување на таблата за електрична енергија од...

Топ13 часа

Приведен сопственикот на угостителски објект во Гостивар кој примал гости без сертификат за вакцинација

Гости без сертификат за вакцинација биле затекнати во угостителски објект во Гостивар а по реакција на полицијата објектот бил затворен...

Свет14 часа

Париз за потегот на САД и Австралија – лицемерие, презир, лаги

Лицемерие, презир, лаги, се зборовите што ги користи францускиот министер за надворешни работи за да ја опише кризата во односите...

Свет15 часа

Светските лидери среде пандемија во Њујорк и покрај противењето на Американците

Светските лидери се собираат во Њујорк од вторник на дебата на Генералното собрание на Обединетите нации, која ќе се фокусира...

Европа15 часа

Италијанците следната година излегуваат на референдум за легализација на марихуаната

Референдум за легализација на марихуаната најверојатно ќе се одржи во Италија следната година. Поддржувачите за легализација на марихуаната ги собраа...

Свет16 часа

Русите на гласање на последниот ден од парламентарните избори

Недела е последен ден за гласање на Русите на тридневните парламентарни избори во земјата. Околу 110 милиони луѓе имаат право...

Македонија1 ден

41 починато лице, регистрирани 539 нови случаи на Ковид-19

Министерството за здравство информира, дека во последните 24 часа се направени 5.589 тестирање, а регистрирани се 539 нови случаи на...

Топ1 ден

Осумдневен притвор за пет лица од вчерашните протести во Тетово

Судијата на претходна постапка при Основниот суд Тетово им определил осумдневен притвор на петмината приведени по вчерашните протести во Тетово....

Свет1 ден

Експертите во САД против трета доза на вакцина за севкупната популација

Советодавниот одбор на Американската администрација за храна и лекови (ФДА) денеска го отфрли планот да понуди дополнителна, трета доза на...

Македонија1 ден

Османи формира работна група за укинување на визите со САД

Министерот за надворешни работи Бујар Османи, на неговиот Фејсбук профил информира дека формирал работна група во рамки на Министерството за...

Македонија1 ден

Шилегов: Се урива првата од трите галии во Вардар

Градоначалникот на Скопје Петре Шилегов денес на својот Фејсбук профил објави фотографии од демонтирањето на галијата која е поставена во...

Свет1 ден

Американски милијардер случајно признал убиство, му се заканува доживотен затвор

Американскиот милијардер Роберт Дурст вчера беше прогласен за виновен пред судот во Лос Анџелес за убиство на неговата најдобра пријателка...

Топ2 дена

Жител на Сарај уапсен поради кражба на графички картички и струја за „копање“ на биткоини

Во скопското село Љубин, вчера околу 19.30 часот, единицата за интервентна полиција при СВР Скопје го уапсила 39-годишниот Е.А. Како...

Свет2 дена

Американската војска призна: Во нашиот напад со дрон во Кабул загинаа 10 цивили

Американската војска во петокот потврди дека нејзиниот последен напад во Кабул кон крајот на август, во кој загинаа десет цивили,...

Досие