Македонија
Нова рунда преговори меѓу Белград и Приштина денеска во Охрид
![](https://makfax.com.mk/wp-content/uploads/2023/03/3369264_whatsapp-image-20230227-at-6.16.41-pm_ls.jpg)
Премиерот Ковачевски денеска ќе биде домаќин на средбата на високо ниво во рамки на дијалогот меѓу Белград и Приштина, која ќе се одржи во Охид.
Состанокот кој го свика високиот претставник на ЕУ, Џозеф Борел, ќе започне во 10.00 часот и ќе се одржи со поддршка на специјалниот претставник на ЕУ, Мирослав Лајчак.
Како што соопштија од прес-службата на Европската унија, прво ќе се одржат одделни билатерални средби со Вучиќ и Курти, една по друга, а потоа заедничка трилатерална средба.
Претседателот на Србија во четвртокот вечерта изјави дека денешниот ден во Охрид нема да биде кобен. Тој зборуваше и за европскиот план, и рече дека не планира ништо да потпише.
Тој, исто така, рече дека Белград сè уште не добил нацрт за тоа што сака ЕУ.
– Ние го доставивме нашиот предлог, Албанците го доставија својот, од Брисел се уште ништо не сме добиле – рече тој.
Високиот претставник на ЕУ за надворешна политика и безбедност Борел рече дека очекува средбата во Охрид да резултира со далекусежна нормализација на односите меѓу Белград и Приштина.
Тој рече и дека патот до постигнување на целта, приклучување на Белград и Приштина во Европската унија, води низ нормализација на односите и дека „нема начин да се заобиколи“.
На 27 февруари во Брисел се одржа средба на највисоко политичко ниво на која учествуваа сите кои денеска се во Охрид.
Разговорите траеја повеќе од пет часа и, како што рече потоа Борел, Вучиќ и Курти се согласиле дека не се потребни дополнителни разговори за европскиот предлог, дека тоа е рамка за нормализација на односите и дека се потребни дополнителни разговори.
Пред официјалниот почеток на дијалогот, премиерот Ковачевски ќе се сретне со шефот на европската дипломатија, Џозеф Борел и со специјалниот претставник на ЕУ за Западен Балкан, Мирослав Лајчак, а потоа одвоено ќе разговара со претседателот на Србија, Александар Вучиќ и премиерот на Косово, Аљбин Курти.
Во рамките на подготовките за средбите, Ковачевски вечерва ќе се сретне со специјалниот пратеник на САД за Западен Балкан, Габриела Ескобар и со амбасадорката на САД во Скопје, Ангела Агелер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.