Македонија

Нови 162 случаи на Ковид-19 во земјава, починаа девет лица

Објавено пред

3 недели

- 14 јуни, 2020

Од

Министерството за здравство информира дека во последните 24 часа се направени 778 тестирања, а регистрирани се 162 нови случаи на Kовид-19 во: Скопје-92, Куманово-3, Дебар-5, Штип-1, Прилеп-2, Тетово-32, Струга-3, Охрид-4, Гостивар-2, Гевгелија-1, Струмица-1, Крива Паланка-1, Свети Николе-1, Ресен-14.

Денеска Институтот за јавно здравје регистрира 5 оздравени пациенти од: Скопје-2, Прилеп-2 и Тетово-1. Починати се 9 лица, три од Скопје, еден од Прилеп, два од Тетово, еден од Струга, еден од Велес и еден од Гостивар.

На Клиниката за инфективни болести и фебрилни состојби починаа две лица, пациент од Тетово (62г), хоспитализиран еден ден на клиниката и пациент од Скопје (62 години), хоспитализиран пред три дена.

Во ГОБ „8 септември“ починаа пациент од Скопје (69 години) примен на 13 јуни, пациентка од Скопје (73 години) примена на 2 јуни и пациентка од Велес (70 години) хоспитализирана на 2 јуни.

Во болницата во Прилеп почина пациентка на 81 година, хоспитализирана на 11 јуни. Во болницата во Тетово почина пациент (59 години), во болницата во Охрид почина пациент од Струга (69 години) а во болницата во Гостивар на пациентка (58 години) која починала на 11 јуни, позитивниот резултат на ковид е докажан постмортем.

Вкупната бројка на ковид дијагностицирани во нашата земја од почетокот на епидемијата изнесува 4057, бројката на оздравени пациенти е 1710, на починати е 188, а во моментов бројот на активни случаи во земјата изнесува 2159. Во моментов дистрибуцијата по градови е следна:
• Скопје 1858, активни 1210
• Куманово 640, активни 221
• Дебар 61, активни 10
• Штип 238, активни 196
• Прилеп 228, активни 20
• Тетово 413, активни 239
• Струга 127, активни 49
• Велес 150, активни 27
• Битола 33, активни 6
• Охрид 69, активни 51
• Кавадарци 6, активни 1
• Гостивар 66, активни 41
• Гевгелија 8, активни 4
• Струмица 8, активни 5
• Крива Паланка 10, активни 4
• Радовиш 4, активни 0
• Крушево 3, активни 0
• Кочани 54, активни 23
• Пробиштип 11, активни 9
• Демир Хисар 1, активни 0
• Македонски Брод 3, активни 1
• Пехчево 5, активни 2
• Берово 2, активни 1
• Валандово 4, активни 3
• Виница 3, активни 0
• Делчево 1, активни 0
• Кратово 3, активни 1
• Свети Николе 9, активни 8
• Кичево 3, активни 1
• Ресен 19, активни 18
• Неготино 17, активни 8 (*9 лица од ПЕ Неготино се жители на Демир Капија)

Направените 778 теста се преку: ИЈЗ –370 , ЦЈЗ Скопје-26, Авицена –125, Биотек –72, Систина со PCR метода –74 и МАНУ -111. До овој момент лабораторијата на Жан Митрев (Филип Втори) не пријави тестирања во Институт за јавно здравје. Доколку стигнат, ќе бидат објавени во следниот извештај.

Досега во земјата се направени вкупно 43.040 тестирања на Ковид-19. Денеска нема тестирања во рамките на скринингот.

На Инфективната клиника во изминативе 24 часа примени се 4 нови, а вкупно хоспитализирани 96 пациенти. На кислородна поддршка се 35 пациенти, нема пациенти на механичка вентилација.

До утрово, во ГОБ „8 Септември“ примени се 15 нови, а вкупно хоспитализирани 77 пациенти. На респираторна машина се 10, a со потешка клиничка слика се уште 20 пациенти.

Во болницата во Битола се хоспитализирани 22 пациенти, а на домашно лекување преку болницата се следат 4 пациенти. Во болницата во Штип се хоспитализирани 20 пациенти. На инфективните одделенија во Тетово, Охрид, Велес, Куманово и Прилеп се хоспитализирани 63 пациент – позитивни и сомнителни на Ковид-19.

До овој момент лабораторијата на Жан Митрев (Филип Втори) не пријавила тестирања во Институт за јавно здравје. Доколку стигнат, од Министерството за здравство најавуваат дека ќе бидат објавени во следниот извештај.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Разбојник провалил во куќа во Скопје и со нож повредил 20-годишник

Претходно

Сите автомобили на Кристијано Роналдо (галерија)

Македонија

„Правда за Кољо“ – нов протестен марш во Аеродром

Објавено пред

8 часа

- 6 јули, 2020

Од

Искра Манојлоска

Стотина млади лица вечерва одржуваа протестен марш од скопската населба Аеродром до кривичниот суд, носејќи транспарент „Правда за Кољо“.

Граѓаните, кои во текот на денот се организираа на социјалните мрежи, не извикуваа никакви пароли, а повеќето носат црна облека. Тие бараат повисока затворска казна за убиецот на 17-годишниот Никола Христовски – Кољо, на кој кривичниот суд му изрече тригодишен затвор.

Сличен протест се одржа и минатиот месец, кога беше донесена судската пресуда. Оттогаш, Обвинителството поднесе жалба на пресудата.

Од кривичниот суд тогаш појаснија дека за кривичното дело убиство на миг, за кое му се судеше на обвинетиот, 18-годишниот А.Т., предвидена е затворска казна од една до пет години.

Член 125 вели дека тој што друг ќе лиши од живот на миг, доведен без своја вина во состојба на силна раздразнетост со напад или со тешко навредување или како последица на семејно насилство од страна на убиениот ќе се казни со затвор од една до пет години.

Прикажи повеќе...

Македонија

Шилегов: И вториот тест е негативен, невидливиот противник е победен

Објавено пред

8 часа

- 6 јули, 2020

Од

Макфакс

„Вечерва ги добив резултатите од вториот тест на Ковид-19. Како и вчерашниот, и денешниот е негативен.И официјално, невидливиот противник е победен“, соопшти на Фејсбук градоначалникот на Скопје, Петре Шилегов.

„Се гледаме од утре во секојдневните активности. Ви благодарам на сите за несебичната поддршка и убавите мисли и желби во изминативе 16-17 дена.Уште повеќе благодарам на оние кои и не баш имаа такви мисли и желби“, напиша Шилегов.

Прикажи повеќе...

Македонија

(Видео) Jанушев: По 15 јули ќе го донесеме законот за проверка на имот на политичарите

Објавено пред

9 часа

- 6 јули, 2020

Од

Макфакс

Генералниот секретар на ВМРО-ДПМНЕ и носител на листа во изборна единица 3, Игор Јанушев, ја посети општина Кочани каде што оствари средби со бизнис-заедницата од општина Кочани.

„Веќе остваривме неколку средби со бизнис-заедницата на општина Кочани, направивме една интересна средба со младите во општина Кочани. Пораката е иста од секаде, преку глава му е на народот, без разлика дал е обичниот народ, дали е земјоделецот, дали е стопанственикот, дали се младите во прашање. Преку глава има е од СДСМ, од лагите ,од манипулациите, од криминалот, преку глава им е од Зоран Заев и Љупчо Николовски, кои немаат што да понудат освен криминали, рекети, куферчиња полни со милионски суми, наместени тендери, збогатување преку ноќ“, нагласи Јанушев.

Јанушев додаде дека на сето тоа му доаѓа крајот по 15 јули.

„И на тоа му доаѓа крајот, на 15 јули победува обновата, на 15 јули конечно формираме влада. ВМРО -ДПМНЕ ќе биде предводник на таа влада, ќе го донесеме законот за проверка на имот на политичарите, а кога ќе го донесеме тој закон ќе видиме дали и кој ќе остане на политичката сцена во република Македониј“, додаде Јанушев.

Според него, сето она што се случувало во изминатите три години ќе го остават во минатото бидејќи следува обнова на Македонија.

„Сè ова што имавме можност да го видиме изминатите три години ќе го ставиме во историјата, а дефинитивно сите тие што се огрешија што ги правеа криминалите ќе завршат онаму каде што им е местото“, истакна Јанушев.

Тој порача дека насекаде во Македонија на младите им е потребна надеж и просперитет и дека сето тоа доаѓа по 15 јули со новата влада предводена од ВМРО-ДПМНЕ.

„Она што денеска младите го порачаа во Кочани е дека им треба надеж за подобра иднина, им треба обнова на Македонија. На целиот македонски народ му треба да се врати достоинството, треба ние, Македонците, да се чувствуваме како граѓани од прв ред, да бидеме горди што сме Македонци. Тоа е една од целите на владата предводена од ВМРО-ДПМНЕ“, заклучи Јанушев.

Прикажи повеќе...