Македонија
Нови 528 заболени со Ковид-19, починале 13 луѓе

Министерството за здравство информира, согласно податоците од Институтот за јавно здравје дека во последните 24 часа: Направени се 4.323 тестирања, а регистрирани се 528 нови случаи на КОВИД-19: Скопје – 200, Битола – 53, Прилеп – 42, Кавадарци – 34, Велес – 24, Кочани – 22, Штип – 19, Куманово – 18, Охрид – 13, Струмица и Гевгелија – по 10, Крива Паланка и Пробиштип – по 9, Кратово и Демир Хисар – по 7, Тетово, Ресен и Валандово – по 6, Гостивар и Неготино – по 4, Кичево, Свети Николе, Берово и Делчево – по 3, Струга, Радовиш, Виница, Богданци и Демир Капија – по 2, Македонска Каменица, Дојран и Пехчево – по 1.
Регистрирани сe 327 оздравени пациенти од: Скопје – 133, Битола – 37, Куманово – 27, Кавадараци – 19, Тетово – 18, Велес – 14, Штип и Охрид – по 10, Прилеп – 8, Кочани, Струмица и Крива Паланка – 7, Гевгелија, Валандово и Кичево – по 4, Пробиштип, Демир Хисар, Свети Николе и Радовиш – по 3, Неготино и Крушево – по 2, Кратово и Гостивар – по 1.
Во текот на изминатите 24 часа регистрирани се 7 починати лица: 4 починати лица од Скопје (63г, 66г, 74г и 78г), 2 починати лица од Свети Николе (76г и 84г) и едно починато лице од Кавадарци (65г). Од пријавените лица сите се починати во болнички услови.
Дополнително, согласно Регистарот на умрени лица со дијагноза КОВИД-19 од Мој Термин, се пријавени шест починати лица со датум на смрт од 27.10.2021 до 08.11.2021. Регистрирани се починати лица од Скопје (2), Тетово (2), Кичево (1) и Радовиш (1), на возраст од 59-86г, од кои три лица се починати во домашни услови, а 3 лица се починати во болнички услови.
Направени се 4.323 тестови преку: ИЈЗ-301, ЦЈЗ Скопје-68, ЦЈЗ Битола-106, ЦЈЗ Прилеп-55, ЦЈЗ Тетово–38, ЦЈЗ Куманово-59, Клиника за инфективни болести и фебрилни состојби-0, Судска медицина-1, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–312, Жан Митрев (Филип Втори)-98, Авицена-165, Биотек-255, Систина-72, лабораторија Лаор-237, Синлаб-16, Ремедика-14, Плодност–51, Генеа-6, Никоб лаб-366, ВФВ Медикал-83, Ели Медика-50, Ројал Медика–36, Спектра-ММ-7, Рапид Лаб – 8, ЈЗУ и ПЗУ (рапид тест) – вкупно 1.919.
Досега во земјата се направени вкупно 1.426.274 тестирања на Ковид-19.
Вкупната бројка на КОВИД-дијагностицирани лица во нашата земја од почетокот на епидемијата изнесува 208.992, бројот на оздравени пациенти е 193.072, на починати е 7.320, а бројот на активни случаи изнесува 8.600.
Според епидемиолошки анализи во моментов, дистрибуцијата по градови е следна:
Дистрибуција по градови Заболени (вкупно) Активни случаи (вкупно)
Скопје 91300, активни 3859
Куманово 12622, активни 367
Тетово 11211, активни 211
Прилеп 9851, активни 435
Битола 8056, активни 650
Гостивар 8043, активни 49
Велес 7068, активни 368
Кавадарци 6644, активни 377
Штип 6415, активни 273
Охрид 6276, активни 228
Струмица 5974, активни 113
Кичево 4183, активни 106
Струга 3868, активни 53
Кочани 3797, активни 246
Гевгелија 2674, активни 145
Неготино 2484, активни 89
Свети Николе 2065, активни 79
Крива Паланка 1790, активни 171
Радовиш 1671, активни 83
Ресен 1650, активни 89
Дебар 1453, активни 3
Берово 1314, активни 64
Делчево 1269, активни 114
Виница 1122, активни 47
Пробиштип 1090, активни 67
Валандово 877, активни 22
Кратово 716, активни 72
Богданци 611, активни 30
Крушево 572, активни 25
Демир Хисар 554, активни 79
Македонски Брод 483, активни 6
Демир Капија 417, активни 8
Македонска Каменица 386, активни 55
Пехчево 331, активни 8
Дојран 155, активни 9
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од „Ќе видиш што ќе ти се случи“ до сечење гуми од автомобил – градоначалникот на Штип за заканите: Мислев ќе помине

Закани со зборовите „Ќе видиш што ќе ти се случи“ завршиле со сечење на гуми од автомобил. Вака градоначалникот на Општина Штип, Иван Јорданов ги опишува претходните два месеци, за кои посочува дека бил мета на вработен бидејќи не го назначил на командирска функција. Јорданов посочува дека првично не го сфатил сериозно, се додека вчера, не биле исечени гумите на автомобилот со кој тој патува на подалечни дестинации. Вработениот сакал командирска функција во Противпожарната бригада. Јорданов за „Макфакс“ открива дека постојат и видео снимки.
„Станува збор за нереализирана лична амбиција, тоа е причината поради која тргна целата оваа работа. Заканите кои што беа вербално упатувани кон мене и трети лица, не сум одлучувал досега да ги пријавувам бидејќи мислев дека ќе помине и заврши. Ескалираше ситуацијата. Возилото со кое одам на пат во Скопје или на други подалечни дестинации го користам, а не е во моја сопственост, наменски се избушени гумите за да прати порака“, посочува градоначалникот на Штип.
На уништувањето на гумите, според градоначалникот, претходел друг настан.
„Во текот на вчерашниот ден, службените паркинг места кои ги има општината беа блокирани во неколку наврати од страна со неговото приватно возило со што јас го пријавив тоа во полиција, па дојде до тој момент“, посочува Јорданов.
Тој ги опиша и заканите кои ги добивал.
„‘Ќе видиш кој сум јас’ ‘ќе видиш што ќе ти се случи’, преку трети лица: ‘ова ќе му направам, ќе се влече по улици’.. Но тие не сум ги ставам толку важни како рeална опасност, до моментот кога видов дека не бира средства за да испрати порака“, вели тој за „Макфакс“ и додава: „Затоа и го пријавив во полиција, за да не направи друга материјална штета на мене, мои блиски, мој имот или физички да се пресмета“
Според градоначалникот на Штип, лицето сака да биде унапредено во командир на Противпожарната бригада и покрај тоа што не исполнува законски услови. Додава дека не е првпат да биде пријавуван за некој вид насилство.
„Не ги исполнува законските услови, тие се законски утврдени. Треба да има пет години работно искуство во униформа, лицето го нема тоа работно искуство. Ова мислам дека е само изговор, тоа е начин на функционирање бидејќи и поранешни градоначалници го имаат пријавувано за некој вид насилство – вербален напад, обид за физички напад, закани. Мислам дека на тој начин добива нешто и функционира“, додава Јорданов за „Макфакс“.
Вчеравечер, еден и пол час пред полноќ, градоначалникот на општина Штип, Иван Јорданов, пријавил дека континуирано во неколку наврати добивал закани. Ова траело со месеци, а вчера затекнал и како гумите од неговото возило биле распарчени. Тој пријавил дека делото го сторил вработен во Општината.
Македонија
ВМРО-ДПМНЕ по изјавата на Касами: Тетово е срцето на Македонија и никогаш нема да биде центар само на една заедница

Тетово за нас е, и секогаш ќе биде срцето на Македонија и никогаш нема да биде центар само на една заедница, реагираат од ВМРО-ДПМНЕ по изјавата на Билал Касами.
„Објавата на градоначалникот Касами на неговиот Фејсбук профил оправдано предизвика бура на реакции кај Македонците.
Со оваа реакција на неговата објава ние како Општински комитет на ВМРО – ДПМНЕ Тетово сакаме да укажеме дека градоначалникот на Тетово треба да е свесен дека промоцијата на Тетово како центар на една заедница подразбира дискриминација на Македонскиот народ и сите други кои живеат во Тетово. Тоа ние нема да го дозволиме‼️
Градоначалникот Касами има мандат да ги следи трендовите на европските градови, а сите заедно сме тука да работиме и да придонесеме Тетово да прерасне во град во кој младите ќе сакаат да живеат а не град од кој си заминуваат. Културата и духот на животот во Тетово подразбираат меѓусебна соработка, почитување и градење на подобри услови за живот на сите кои живеат во Тетово.
На крајот сакаме да потенцираме дека улогата на градоначалникот е да создава подеднакви можности за сите без разлика на национална и верска припадност.
Се надеваме дека градоначалникот Касами веќе ја увидел тежината на зборовите во неговата објава и дека е свесен за негативните реакции кај неговите сограѓани Македонци“, велат од партијата.
Македонија
Градоначалникот на Тирана, Ерион Велиај стана почесен граѓанин на Гостивар

Денеска во просториите на општината, на свечена церемонија, градоначалникот на Гостивар, Арбен Таравари му ја додели наградата „Почесен граѓанин на Гостивар“ на градоначалникот на Тирана, Ерион Велиај.
На предлог на градоначалникот на Гостивар, Арбен Таравари, на 19-та седница на Советот на општината во февруари годинава, градоначалникот на Тирана со едногласно гласање беше прогласен за почесен граѓанин на Гостивар, додека денеска наградата официјално му беше доделена во Гостивар.
Свое обраќање по поводот имаше и градоначалникот на општина Гостивар, Арбен Таравари, кој рече дека Тирана веќе стана европска престолнина и дека е пријатно изненадување што нејзиниот градоначалник Ерион Велиај прави ПР и за Гостивар.
„Денеска ќе го прогласиме почесен граѓанин и оваа титула ја споделуваме со личност која направи ретка комбинација во својата личност. Тој е исто толку Албанец по емпатија и едноставност, колку што е модерен западњак во визија и политика. Кога Нелсон Мандела го прашале што би направил за да го промени светот, легендарниот Африканец рекол: Би го променил образованието. Личноста за која станува збор е најдобриот пример за пословичен одговор на Манделес. Го доби и најдоброто од албанското училиште и најдоброто од американското училиште, но пред сè, една од областите во која инсистираше постојано, бече да се подобри образованието и сите негови форми“, рече градоначалникот Арбен Таравари.