Македонија
Нов смртен случај во битолската болница: почина бебе за време на породување
![](https://makfax.com.mk/wp-content/uploads/2023/04/337503712_257849090012987_5812898354974350213_n.jpg)
Штотуку родено бебе починало во битолската болница. За ова, „Макфакс“ доби потврда од Министерството за здравство. Министерот Фатмир Меџити, поради случајот, од попладнево е во посета на Клиничката болница „Д-р Трифун Пановски“. За детали посочија дека ќе информираат веднаш штом ги добијат сите информации од лекарскиот тим и директорот. „Макфакс“ стапи во контакт и со директорот Александар Обедниковски, кој не одговори на повиците и пораките.
Информациите што излегоа од лица во болницата се дека родилката отишла на контрола, каде што од гинеколог ѝ била дадена таблета за провокација и била пуштена дома. Кога се вратила и се пораѓала, бебето било во тешка и лоша состојба. Неофицијално, постоел обид за реанимација, кој бил неуспешен.
„Макфакс“ стапи во контакт и со Државниот здравствен и санитарен инспекторат. Од таму велат дека не се запознаени за случајот, а штом добијат информации – ќе испратат инспектори за да го проверат за што се работи.
Пред три недели, во битолската болница почина и петогодишната Јана Христовска. Резултатите од обдукцијата и натаму се чекаат
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Скопје
Герасимовски: Учениците до 10 години може да бидат згрижени во градинките и за летниот распуст
![](https://makfax.com.mk/wp-content/uploads/2024/06/WhatsApp-Image-2024-06-18-at-12.34.17_3e21fbd8.jpg)
Општина Центар известува дека учениците до 10 години ќе може да бидат згрижени во градинките за време на летниот распуст до исполнување на капацитетите. Денеска Општина Центар потпиша Меморандум за соработка со основните училишта и градинките за меѓусебна поддршка и соработка на проекти и работилници во областа на образованието.
„Преку оваа соработка сакаме да им излеземе во пресрет на сите родители кои поради работните обврски имаат потреба од згрижување на нивните деца до 10 годишна возраст. За таа потреба ги отвораме градинките и за школските деца каде со наставнички од основните училишта ќе имаат едукативни работилници и други активности за време на летниот распуст. Слободните места за упис на дечињата секако зависи од капацитетите на детската градинка“, потенцираше Герасимовски.
Општина Центар информира дека ученици до 10 години ќе може да бидат згрижени во 5 објекти, а за сите дополнителни информации и критериуми родителите може да се информираат во градинките.
Македонија
Силјановска-Давкова се сретна со унгарскиот амбасадор: посочени можностите за продлабочување на економската соработка меѓу двете земји
![](https://makfax.com.mk/wp-content/uploads/2024/06/Foto-1.jpg)
Претседателката Гордана Сиљановска Давкова денеска го прими амбасадорот на Унгарија, Андраш Клајн.
На средбата беше поздравен интензивниот политички дијалог и изразена подготвеност за натамошна успешна соработка меѓу двете земји на билатерален и мултилатерален план.
Претседателката се заблагодари за принципиелната и континуирана поддршка од Унгарија како гласен поддржувач на македонската европската интеграција, што претставува наш стратешки и национален интерес и ги поздрави приоритетите на унгарското претседавање со Европската Унија и најавите во однос на политиката на проширувањето.
Во таа насока, беа разменети информации околу текот на македонските евроинтеграции, при што претседателката го истакна очекувањето дека процесот на пристапување во Европската Унија ќе биде евалуиран праведно, врз основа на Копенхагенските критериуми.
Соговорниците разговараа и за соработката во сферата на образованието, науката, одбраната и транспортот, при што претседателката изрази надеж дека во наредниот период дополнително ќе се продлабочи започната соработка помеѓу државните и високообразовните институции на двете земји.
На средбата беа посочени можностите и за продлабочување на економската соработка меѓу двете земји и зголемување на трговската размена.
Македонија
Од четврток активно портокалово ниво за опасност од високи температури во Македонија
![](https://makfax.com.mk/wp-content/uploads/2018/07/toplo-vreme.png)
Од утре до недела нашето подрачје ќе биде под влијание на стабилна и многу топла воздушна маса од југ, која ќе предизвика сончево и натпросечно топло време за овој период од годината. Дневните температури насекаде ќе бидат над 30, а наместа ќе достигнуваат 40 степени.
Според прогнозираните и пресметаните гранични вредности на екстремни температури од УХМР, на територијата на нашата земја утре ќе биде активно жолто, а во Скопската и Полошката Котлина портокалово ниво за опасност од високи температури.
Поради натамошен пораст на температурите, од четврток насекаде ќе биде активно портокалово ниво.