Контакт

Македонија

Обвинетите за спецкасата во УБК рекоа дека ќе докажат оти не се виновни

Објавено пред

На денешното рочиште за злоупотребите со специјалната каса во УБК воведни говори дадоа обвинетите и нивните адвокати. Рекоа дека ќе докажат во постапката дека не го сториле кривичното дело. За време на паузата која ја даде судијата Владимир Туфегџиќ се прегрнаа обвинетата Кристина Јосифовска и Стево Маџовски, а Јосифовска се расплака. Предложени се пет сведоци и материјални докази од Обвинителството.

dobivaj vesti na viber

Обвинети во овој предмет се ексшефот на кабинетот на Сашо Мијалков, Тони Јакимовски, Стево Маџовски и Кристина Јосифовска. Обвинетиот Петре Пешовски призна вина и доби казна затвор од 3 години и да ја надомести штетата. Јакимовски е исто така обвинет во случаите „Трезор” и „Таргет Тврдина”.

Обвинителството за гонење организиран криминал и корупција поднесе обвинение за злоупотребени пари од над 820 илјади евра.

Во временскиот период од 2007 до 2017 година, во 172 наврати за потребите на касата за исплата на средствата за посебни намени на УБК, од одделот за финансии при Министерството за внатрешни работи подигнале парични средства за кои поднесувале барања и признаници за износите.

Без да имаат посебно одобрение од директорот на Управата, без да биде формирана комисија за ништење на материјална документација и без записници, ги уништиле евиденциите за потрошените средства заедно со документацијата за исплата. Со ваквите дејствија го оштетиле државниот буџет.

Следното рочиште е закажно за 25 ноември, a судијата Туфегџиќ даде уште два термини за рочишта во декември: петти и седумнасетти.

Македонија

Волците во одбрана на Ковачки: Премиерот да му се извини што лажно го клевети за да се спаси од срамот

Објавено пред

Дел од поранешните и сегашни припадници на Батаљонот – Волци, во отворено писмо реагираат во одбрана на пратеникот од ВМРО-ДПМНЕ Драган Ковачки, откако премиерот го нарече кодош, дезертер и странски шпион.

dobivaj vesti na viber

Нивната реакција ја пренесуваме во целост.

„Ние, поранешни и сегашни припадници на “Волците” сме кажале дека политиката никогаш не била и никогаш нема да биде наша работа. Нас политика не не интересира. Облековме униформа за да ја браниме државата од надворешни и внатрешни непријатели.

Тоа го докажавме во одбраната на државата во 2001 година ( но и пред и после неа ). Сите ние во Батаљонот за специјални намени – ВОЛЦИ ги имавме отпишано животите уште кога пристапивме во единицата.
Ние бевме свесни дека со една нога секогаш сме во гроб.

Реагираме по повод изнесените лаги за братот Драган Ковачки кој од страна на премиерот Димитар Ковачевски беше наречен дека е кодош, дезертер и странски шпион.

Ние нема да дозволиме некој што не облекол чизми и одбегнал да служи тогаш кога наши браќа гинеа на фронтот, да го омаловажува и навредува Драган Ковачки кој беше дел од нас и сеуште е дел од нас.

Ние, со сета своја војничка чест и интегритет потврдуваме дека ова се бесмислени лаги искажани од првиот човек на Владата.

Драган Ковачки е директен учесник во 2001 година како лидер на Против-терористички тим. Учесник е во сите борбени дејствија на единицата, а заради воени заслуги Драган Ковачки е вонредно унапреден во повисок чин.
Само да ја потсетиме јавноста, под учество во борбени дејствија подразбираме офанзивни (нападни) борбени дејствија.

Драган Ковачки беше со нас во Ирак во 2003 година во првата ротација. Беше офицер за специјални операции и за разузнавање.
За таа прва ротација постои и објавена книга под наслов “Патот за Вавилон”. Премиерот кој не служел војска треба да ја прочита книгата за да согледа кој е Драган Ковачки пред да го обвинува дека е шпион за странски служби.

Премиерот Ковачевски веднаш треба да му се извини на братот Драган Ковачки затоа што лажно го клевети за да се спаси себеси од срамот што му го откри токму Ковачки.

Оттука понатаму ние не се мешаме, само сакавме да укажеме дека Драган Ковачки ја има нашата поддршка, а премиерот Димитар Ковачевски ја нема нашата поддршка затоа што одбегнал воена обврска и не ни се придружи во 2001 година.

Предавството од своите боли повеќе од куршумот на непријателот. Ова ние најдобро го знаеме и го искусивме неколку пати наназад во нашето постоење.

Ова јавно напаѓање со измислени работи кон Драган Ковачки е напад на сите нас но и на сите припадници на специјалните единици и воопшто на припадниците на АРМ.

СЕКОГАШ И СЕКАДЕ ПРВИ!

Со должна почит кон Драган Ковачки.

Дел од поранешни и сегашни припадници на Батаљонот – ВОЛЦИ“, се наведува во писмото.

Прикажи повеќе...

Македонија

Грковска: Поддршката што ја добиваме од Шведска на нашиот евроинтеграциски пат е многу значајна

Објавено пред

Вицепремиерката задолжена за политики за добро владеење, Славица Грковска, денеска имаше средба со новоименуваната амбасадорка на Кралството Шведска во земјата, Ами Ларсон Џеин.

dobivaj vesti na viber

Грковска на амбасадорката Ларсон Џеин ѝ посака топло добредојде и успешно извршување на мисијата. Грковска изрази верување дека во наредниот период ќе се продлабочи добрата и интензивна соработка меѓу Македонија и Шведска.

„Кралството Шведска ќе претседава со Советот на Европската Унија во првата половина на 2023 година и убедена сум дека Северна Македонија ќе има силен пријател и поддржувач нашиот интегративен процес да продолжи со несмалено темпо. Отворањето на пристапните преговори со Европската Унија е од клучно значење за забрзување на реформската агенда во земјава“, нагласи вицепремиерката Грковска.

Амбасадорката Ларсон Џеин рече дека двете земји имаат билатерална соработка во многу области од заеднички интерес, како што се демократијата, родовата еднаквост и животната средина. Таа нагласи дека неодамна е усвоена Стратегијата на Шведска за Западен Балкан и за Турција, во рамките на која за нашата земја ќе бидат одвоени шест милиони евра.

Вицепремиерката Грковска истакна дека, во процесот на скринингот и почетокот на пристапните преговори со ЕУ, за нас е многу важна експертската поддршка од Шведска и нејзиното искуство во градењето  силни демократски и отчетни институции.

Двете соговорнички се согласија дека е добро меѓусебната соработка да ја продлабочат во делот на унапредување на транспарентноста на институциите, но и за поблиска соработка со младите кои се клучни за развојот на државата.

Прикажи повеќе...

Македонија

СДСМ: Ковачки и ДПМНЕ го напаѓаат Ковачевски затоа што е чесен и работи за граѓаните

Објавено пред

Постојани фабрикувани лаги, напади и навреди упатени кон претседателот на СДСМ, Димитар Ковачевски, покажува дека криминалната ДПМНЕ е уплашена и во паника, реагира СДСМ по прес-конференцијата на Ковачки.

dobivaj vesti na viber

„Ковачевски им пречи затоа што работи вредно за граѓаните, затоа што е чесен, затоа што како Влада има успеси во тешко време на глобална економска и енергетска криза!

Затоа што од авион се гледа разликата помеѓу чесноста на Ковачевски и нечесноста на криминалното ДПМНЕ.

Бидејќи се растураат внатре помеѓу себе заради делење  пари и тендери, како овој последниот од 136 милиони евра.

Во ДПМНЕ имаат голем проблем бидејќи народот повторно ги прочита дека освен криминал и фотелји, воопшто не се заинтересирани за граѓаните

Кого одбра Мицкоски за ниските напади, фингирани лаги и навреди? Драган Ковачки, дезертер од АРМ.

Ковачки е човек кој додека бил во АРМ кодошел, вадел документи, навредувал колешки и колеги, човек кој бил казнуван и санкциониран за своите постапки.

Тој е дезертер кој ја посрамотил униформата, ја погазил свечената воена заклетва, му ги симнале еполетите и облекол палто за во Белата палата да го прави она што очигледно најдобро знае да го прави, да кодоши, да плука и по мртви и по живи, и да прави пари кодошејќи ја својата држава, Армија и граѓани!

Тоа е дното на ДПМНЕ“, се наведува во реакцијата на СДСМ.

Прикажи повеќе...

Најново

Македонија41 минута

Захариева: Одамна антибугарскиот бран стана антиевропски

Антибугарскиот бран во Македонија одамна се претвори во антиевропски. Граѓаните на Северна Македонија до ден денес се жртви на комунистичката...

Македонија60 минути

„Огнените“ од ДУИ по средбата со Ахмети остануваат на ставот за промена во извршната власт

Група функционери и активисти на ДУИ од таканаречената „Огнена група“ предводени од градоначалникот на Сарај, Блерим Беџети, и чаирскиот огранок...

Економија3 часа

СДСМ: Ново покачување на пензиите од 6,8 отсто за сите 330.000 пензионери

Грижата за граѓаните и политиките на Владата предводена од СДСМ доведоа до рекордно зголемување на пензиите. Околу 330.000 пензионери добија...

Свет3 часа

Амбасада на Русија: САД не треба да се сомневаат во нашата подготвеност да се браниме

Американската војска не треба да се сомнева во подготвеноста на Русија да ги брани својот суверенитет, територијален интегритет и народ...

Свет4 часа

Остин: Премногу е рано истекувањето на гас да се нарече терористички чин

Американскиот секретар за одбрана Лојд Остин најави дека сè уште е рано да се шпекулира кој би можел да биде...

Свет4 часа

Бајден: Никогаш нема да ги признаеме руските референдуми во Украина

Американскиот претседател Џозеф Бајден изјави денеска дека Америка никогаш нема да ги признае руските обиди да заземе делови од украинската...

Свет4 часа

Путин потпиша указ – ја призна независноста на Херсон и Запорожје

Рускиот претседател Владимир Путин потпиша указ за признавање на регионите Херсон и Запорожје како независни територии. „Во согласност со општо...

Македонија4 часа

MО: 78 милиони долари сојузничка поддршка од САД за модернизација, опремување и развој на капацитетите на Армијата

Армијата на Република Северна Македонија добива 78 милиони долари американска поддршка во развојот на своите капацитети, модернизацијата, опремувањето и развојот...

Свет17 часа

Гутереш: Руската анексија на украинските територии би била опасна ескалација

Доколку Русија продолжи со плановите за анексија на четири украински региони, тоа би претставувало опасна ескалација што би ги загрозила...

Македонија18 часа

Ковачевски: Да се обединиме за европска иднина околу стремежот за европска Македонија

Претседателот на СДСМ и премиер, Димитар Ковачевски, од македонското Собрание денеска повика на обединување на сите фактори за европскиот пат...

Топ19 часа

Притвор за кавадарчанка, која свирепо го убила својот партнер

На 28.9.2022, од страна на полициски службеници од СВР Велес – ОВР Кавадарци, во координација со Одделот за криминалистичка полиција,...

Македонија21 час

Со парите од вилата во Њујорк да се купат дипломатски станови, бара синдикатот

Македонскиот дипломатски синдикат го поздрави успешното продавање на недвижноста на поранешна Југославија на Петата авенија во Њујорк, во рамки на...

Македонија22 часа

Жестоко препукување на директорот на ЈСП и советник на ВМРО-ДПМНЕ за автобуските линии

Жестоко препукување помеѓу новиот в.д. директор на ЈСП Александар Стојкоски, кој е кадар на градоначалничката Данела Арсовска и советници од...

Македонија22 часа

Заменичката на Арсовска поднесе оставка, Град Скопје реагира дека ја ставила партијата пред скопјани

Заменик-градоначалничката на Град Скопје, Бујаре Абази, која дојде од редовите на Алијансата за Албанците, поднесе оставка од функцијата. Абази образложи...

Македонија23 часа

Ковачки до Ковачевски: Македонија не се сака со затворени очи, не се брани под јорган

Пратеникот Драган Ковачки од ВМРО-ДПМНЕ бара да се провери дали премиерот Димитар Ковачевски има деловна способност. Остана на ставот дека...

Македонија23 часа

Ковачевски до Ковачки: Не бев во војска поради абдоменален проблем, ти си кодош и дезертер

Премиерот Димитар Ковачевски тврди дека имал абдоменални проблеми и дека поради тоа не служел војска во 2000 година. Тој смета...

Македонија24 часа

Македонија ќе добие четири милиони долари од продажбата на вилата на СФРЈ во Њујорк

Една од најстарите њујоршки вили, која Југославија ја купила во 1946 година, продадена е за 50 милиони долари во готовина,...

Македонија1 ден

Анкета: Општинските инспектори се жалат на недостиг на опрема и кадар за определени области

НВО Инфоцентарот заедно со партнерските организации Спектар од Крива Паланка и Центарот на заедницата на општина Струга, во јуни годинава,...

Регион1 ден

Апсења во Подгорица – со години работеле за руската разузнавачка служба

Неколку црногорски државјани се уапсени во Подгорица под сомнение дека работеле за руската разузнавачка служба, дознава „Вијести“ од повеќе извори....

Свет1 ден

Трамп: Се смееја на моите предупредувања, ама веќе не се смеат

Саботажата што ги оштети гасоводите Северен тек 1 и Северен тек 2 може да доведе до ескалација или дури и...