Контакт

Македонија

Одложено сослушувањето на сведоците на обвинетите во „Монструм“

Објавено пред

Судењето за случајот „Монструм“ за петкратното убиство кај Смилковско Езеро денеска беше одложено поради отсуство на судијата Огнен Ставрев, кој е на службено патување. Наредното рочиште за судењето е закажано за 6 мај.

Ова е второ судење кое е одложено поради отсуство на судијата Огнен Ставрев откако вчера беше одложено рочиштето за предметот „Топлик“.

За денешното рочиште беше планирано сослушување на сведоците предложени од обвинетите. До сега на судењето беа изведувани материјални докази.

Адвокатот Насер Рауфи денеска го извести Судечкиот совет дека го враќа полномошното на обвинетиот Агим Исмаиловиќ, со што престанува неговиот ангажман како негов бранител. Обвинетиот Исмаиловиќ се произнесе дека нема пари за нов адвокат, што значи дека на наредното рочиште ќе му биде назначен друг бранител по службена должност.

Обвинетите Алил Демири, Африм и Агим Исмаиловиќ, Фејзи Азири, Хаки Aзири и Сами Љута со правосилна пресуда на Апелациониот суд Скопје беа осудени на доживотна казна затвор за петкратното убиство што се случи на 12 април 2012 година кај Смилковското Езеро. Единствено oбвинетиот Сејди Рами беше ослободен од обвинение бидејќи Судот не пронашол цврсти докази што посочуваат на негова инволвираност во настанот.

Случајот од страна на Врховниот суд е вратен на повторно судење.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Разрешен поглаварот на ИВЗ Сулејман Реџепи

Објавено пред

Риасетот на Исламската верска заедница на денешната седница донел одлука да се разреши Сулејман Ефенди Реџепи од позицијата Рејс Ул Улема претседател на Исламска верска заедница.

Одлуката била донесена со двотретинско мнозинство.

„Врз основа на записникот на вонредната седница на мнозинството на риасетот на ИВЗ на Република Северна Македнија одржана на 27.05.2020 година, со почеток во 10 часот, ние долупотпишаните врз основа на член 36 и 58 на Уставот на ИВЗ, кои ги сочинуваат повеќе од 2/3 мнозинство на риасетот на Република Северна Македонија, едногласно донесовме одлука за разрешување на господин Сумејман Ефенди Реџепи од позицијата претседател на ИВЗ“, рече Ефенди Шаќир Фетаху, кој истовремено е поставен како вршител на должноста претседател на ИВЗ, до подготвување на новите избори за избор на претседател на ИВЗ.

Одлуката стапува на сила од денеска. На неа се потпишани самиот Фетаи, скопскиот муфтија Ќенан Исмаили, тетовскиот муфтиа Ќани Несими, муфтијата на Куманово, Абедин Имери, на Струга, Салим Сулејмани.

Истовремено, на оваа одлука се потпишани и Мустафа Даути, претседател на хуманитарната организација кој функционира во склоп на ИВЗ, „Хилал”, професор Шабан Сулејмани, декан на Факултетот за Исламски Науки, директорот за дијаспората Селвер Џемаили, членот на ријасетот Фадил Рамадани и други.

Прикажи повеќе...

Македонија

Мицкоски: Датумот за избори да биде одреден со консензус

Објавено пред

Претседателот на ВМРО-ДПМНЕ, Христијан Мицкоски, смета дека третата вонредна состојба била прогласена за да се донесе нова уредба, која треба на лидерот на СДСМ, Зоран Заев, да му послужи за да ги поткупи граѓаните за поддршка за следните избори.

Тој го повтори ставот дека вонредната состојба треба да се прогласи по консултација со политичките партии.

Во однос на изборите, Мицкоски и натаму бара датумот да биде одреден со консензус од сите политичари.

„Нашиот принцип е јасен дека датата за следните парламентарни избори треба да биде донесена со консензус на сите политички партии што седеа на таа маса уште на првата лидерска средба што ја организира претседателот Пендаровски, без разлика што во меѓувреме се видоизмени содржината на масата и некои од тие што беа на таа маса се во коалиција, ние стоиме на тој принцип и не бегаме од тој принцип. Исто така, стоиме на тој принцип дека секоја вонредна состојба треба да се носи во консултација со политичките партии иако за време на втората вонредна состојба тој принцип беше напуштен од страна на Владата и претседателот Пендаровски. За втората состојба, ние исто така имавме спротивен став бидејќи ако зборуваме за состојба кога сме ја победиле пандемијата и сме лидери во регионот, не ја гледавме причината за прогласување трета вонредна состојба. Но, очигледно беше јасно дека треба да се донесе нова уредба, која треба на Зоран Заев да му послужи за да ги поткупи граѓаните и да ја добие нивната поддршка за следните предвремени парламентарни избори. Тоа нема да му успее бидејќи граѓаните знаат и никогаш нема да го заборават тоа што го правеше оваа пандемија наречена Зоран Заев и СДСМ во претходните три години, а и овие дополнителни 1.500 евра долг за секое семејство нема да ги заборават граѓаните и жестоко ќе го казнат на следните избори кога и да се одржат“, рече Мицкоски.

Тој рече дека комуникација за одредување на датумот на избори постои, но не сакаше да коментира ништо во врска со неа тврдејќи дека ако има договор меѓу партиите, тоа ќе се соопшти јавно.

„Нашите позиции поврзани со предвремените парламентарни избори ги знае македонската јавност. Нашата позиција дека компромис треба да се постигне во интерес на граѓаните, во интерес на државата, но тоа не треба да биде по цена на здравјето на граѓаните. Канална комуникација постои. Јас не би сакал денеска да изнесувам дополнителни коментари поврзани со тој канал за комуникација што постои бидејќи не сме сите исти и не се занимаваме сите со ваков тип брифинзи. Доколку има договор и кога ќе има договор, ќе ѝ го соопштиме тоа на јавноста. Но, повторно ќе кажам, здравјето на граѓаните треба да биде водилка за сите нас“, додаде Мицкоски.

Прикажи повеќе...

Македонија

Тројца починати и 25 новозаболени од коронавирус

Објавено пред

Тројца починати и 25 новозаболени се регистрирани денеска во државата.

Министерството за здравство информира дека денеска Институтот за јавно здравје регистрира 17 оздравени пациенти, и тоа во: Скопје – 11, Куманово – 4, Тетово – 1 и Велес – 1.

На Клиниката за инфективни болести и фебрилни состојби почина пациент од Струга (58) и пациент од Скопје (47) и двајцата долго време поставени на механичка вентилација. Во ГОБ „8 Септември“ почина пациент од Тетово (41), хоспитализиран на 19 мај.

Во последните 24 часа направени се 622 тестирања, а регистрирани се 25 нови случаи на Ковид-19, и тоа во: Скопје – 14, Куманово – 2, Штип – 4, Прилеп – 1, Тетово – 2, Струга – 1, Велес – 1.

Вкупната бројка на ковид-дијагностицирани во нашата земја од почетокот на епидемијата изнесува 2.039, бројката на оздравени пациенти е 1.470, на починати е 119, а во моментот бројот на активни случаи во земјата изнесува 450. Последната дистрибуција по градови е:
• Скопје – 747, активни 210
• Куманово – 438, активни 33
• Дебар – 51, активни 0
• Штип – 50, активни 15
• Прилеп – 211, активни 47
• Тетово – 179, активни 70
• Струга – 77, активни 9
• Велес – 128, активни 40
• Битола – 28, активни 7
• Охрид – 23, активни 8
• Кавадарци – 5, активни 0
• Гостивар – 22, активни 4
• Гевгелија – 4, активни 0
• Струмица – 3, активен 1
• Крива Паланка – 6, активни 0
• Радовиш – 4, активни 0
• Крушево – 3, активни 0
• Кочани – 31, активни 0
• Пробиштип – 2, активни 0
• Кичево – 2, активни 0
• Неготино – 10, активни 3 (7 заболени лица од ПЕ Неготино се жители на Демир Капија)
• Демир Хисар – 1, активни 0
• Македонски Брод – 2, активни 0
• Пехчево – 3, активни 0
• Делчево – 1, активни 0
• Валандово – 1, активни 0
• Виница – 3, активен 1
• Кратово – 2, активен 1
• Берово – 1, активни 0
• Свети Николе – 1, активен 1

Направените 622 теста се преку: ИЈЗ – 278, Ветеринарниот факултет – 24, „Авицена“ – 20, „Биотек“ – 48, „Филип Втори“ („Жан Митрев“) – 79, „Систина“ со PCR-метода – 54 и МАНУ – 119. Досега во земјата се направени вкупно 26.463 тестирања на Ковид -19.

Од вкупниот број направени тестови во изминатото деноноќие, 251 тест се во рамките на скринингот во градинките и геронтолошките установи. Тестирањата се направени преку центрите за јавно здравје во Кочани, Куманово и во Скопје, а регистриран е еден позитивен случај во геронтолошка установа во Скопје. Досега преку скринингот направени се 2.680 тестирања на Ковид-19, а регистрирани се вкупно три позитивни случаи на вирусот.

На Клиниката за инфективни болести и фебрилни состојби во изминатите 24 часа нема нови приеми, хоспитализирани се вкупно 50 пациенти. На кислородна поддршка се 25, на механичка вентилација е 1 пациент.

Во ГОБ „8 Септември“ примени се 7 нови, а вкупно хоспитализирани 26 пациенти. На респиратор се 6, a со потешка клиничка слика се уште 8 пациенти.

Во болницата во Битола хоспитализирани се 4 пациенти, а на домашно лекување се следат уште 4 пациенти. Во болницата во Штип хоспитализирани се 7, а на домашно лекување се следат 2 пациенти. На инфективните одделенија во Велес, Куманово, Прилеп и во Охрид хоспитализирани се 40 пациенти позитивни и сомнителни на Ковид-19.

Прикажи повеќе...

Најново

Европа29 минути

Европската комисија предлага 1.850 милијарди евра за заздравување на економиите

Европската комисија предложи инструмент за заздравување на економиите од коронакризата, вреден 750 милијарди евра и повеќегодишна финансиска рамка (ВФО) од...

Регион34 минути

Во Хрватска трет ден нема нови случаи, се укинува забраната за свадби

Трет ден по ред во Хрватска не е потврден ниту еден нов случај на коронавирус. Со ова вкупниот број на...

Македонија1 час

Разрешен поглаварот на ИВЗ Сулејман Реџепи

Риасетот на Исламската верска заедница на денешната седница донел одлука да се разреши Сулејман Ефенди Реџепи од позицијата Рејс Ул...

Македонија2 часа

Тројца починати и 25 новозаболени од коронавирус

Тројца починати и 25 новозаболени се регистрирани денеска во државата. Министерството за здравство информира дека денеска Институтот за јавно здравје...

Македонија2 часа

Бектеши: Угостителите ќе работат до 20 часот, на една маса само по четири лица

На една маса во угостителски објект може да седат до четири лица, а угостителите ќе работат до 20 часот, соопшти...

Македонија3 часа

Чулев: Владата да ја усвои уредбата со која е предвидена награда за полицајците

Министерот за внатрешни работи, Наќе Чулев, ја повика Владата да ја усвои уредбата со која е предвидена награда за полицајците....

Македонија3 часа

Чулев: Пријавите за семејно насилство за април-мај зголемени 44,6 отсто за разлика од лани

Министерството за внатрешни работи регистрира зголемен број поплаки од граѓани за извршено семејно насилство. Техничкиот министер, Наќе Чулев, рече дека...

Македонија5 часа

Активистката Моника Ристеска објави дека татко ѝ сакал да ја убие, полицијата го уапси

Активистката Моника Ристеска, која минатата година беше уапсена бидејќи јавно пушеше марихуана, објави на социјалните мрежи дека вчера била натепана...

Свет5 часа

ЕК ќе го објави планот за заздравување на економиите од пандемијата

Претседателката на Европската комисија, Урсула вон дер Лаен, денеска попладне ќе го објави долгоочекуваниот план за заздравување на економијата од...

Свет6 часа

Јужна, Централна и Северна Америка се светско жариште на пандемијата на коронавирусот

Јужна, Централна и Северна Америка станаа жариште на пандемијата на коронавирусот, изјави директорката на Панамериканската здравствена организација (ПАХО), Кариса Етиен....

Македонија6 часа

Маските, дезинфекцијата и растојанието од два метра остануваат задолжителни

Граѓаните мора во целост да ги почитуваат мерките и препораките на Министерството за здравство за заштита од коронавирусот покрај олабавувањето...

Економија7 часа

Србија забрани слетување на „Монтенегро ерлајнс“ на аеродромот во Белград

На авионите на црногорската авиокомпанија „Монтенегро ерлајнс“ ќе им биде одземена дозволата за слетување на белградскиот аеродром „Никола Тесла“, потврдиле...

Македонија7 часа

Од денеска нема полициски час, од утре со работа почнуваат кафулињата

По 66 дена, од денеска се укинува полицискиот час во земјата воведен поради коронавирусот. Владата вчера на седница донесе и...

Забава9 часа

Андреа Бочели: Мојата сопруга, децата и јас оздравевме од коронавирусот и дониравме плазма

Италијанскиот пејач, текстописец и продуцент Андреа Бочели (61) беше заразен со коронавирус, но оздраве, пишуваат локалните медиуми. Музичарот вели дека...

Македонија19 часа

Караџовски: Изминатите 14 дена беше намален бројот на новозаболени затоа препорачавме олеснување

Жарко Караџовски од Институтот за јавно здравје, член на Комисијата за заразни болести ги објасни причините зошто Комисијата се одлучила...

Македонија20 часа

Филипче: Да бидеме одговорни, за да не се вратиме пак на рестриктивните мерки

Министерот за здравство, Венко Филипче по седницата на Владата за олабавување на мерките, рече дека граѓаните мора да ги почитуваат...

Македонија20 часа

Османи: И покрај пропустите, државата добро се справи со коронавирусот

Вицепремиерот Бујар Османи рече дека и покрај тоа што имало одредени пропусти, прекршувања на мерките и одредени критики, државата добро...

Македонија20 часа

Спасовски: Лицата кои се во државен карантин може да бидат во домашна самоизолација ако имаат негативен тест

Техничкиот премиер Оливер Спасовски кажа дека состојбата со коронавирусот е под контрола, при што ги соопшти новите одлуки на Владата....

Македонија20 часа

Од утре нема полициски час, задутре се отвораат рестораните и кафулињата

На денешната владина седница е донесена одлука да се укине полицискиот час во земјата. Одлуката ја соопшти техничкиот премиер Оливер...

Регион1 ден

Во Хрватска и Словенија нема нови случаи на коронавирус

Во изминатите 24 часа во Хрватска и Словенија не се потврдени нови случаи на коронавирус. Во Хрватска втор ден по...

Досие