Македонија
Одржан првиот состанок на политички директори на САД – Јадранската повелба
Во рамките на претседавањето на Северна Македонија со САД – Јадранската повелба (А5) во Скопје се одржа првиот заеднички состанок на политички и одбранбени директори од министерствата за надворешни работи и министерствата за одбрана на земјите членки и набљудувачи на Повелбата.
Нашето претседавање коинцидира со 20-годишнината од основањето на оваа иницијатива, при што на состанокот беа поздравени досегашните постигнувања на А5 рефлектирани во соодветното зачленување на четирите земји од Повелбата во НАТО. Оттука, во фокусот на разговорите на состанокот беа начините за ревитализација и адаптација на иницијативата кон новата безбедносна реалност и актуелната регионална динамика. Целта е да се зајакне политичката улога на Повелбата и да се креираат нови механизми за соодветно адресирање на актуелните безбедносни предизвици во регионот, велат од МНР.
На состанокот, како што информираат, стана збор и за последиците од руската воена агресија во Украина врз регионот, со посебен акцент на сајбер и хибридните закани, ранливоста на критичната инфраструктура и справувањето со дезинформациите. Беа разгледани начините за зајакнување на отпорноста преку заеднички дејства и соработка.
Дополнително, беше усвоен и акцискиот план на претседавањето на Северна Македонија САД – Јадранската повелба во тековната година.
„А5 е уникатен форум на соработка, кој во своите редови, покрај земјите од регионот, ги има и САД како наш стратешки партнер. Поконкретно, во Повелбата членуваат Албанија, Хрватска, Северна Македонија, Црна Гора и Босна и Херцеговина, а Србија, Словенија и Косово имаат статус на земји набљудувачи. Формирана во 2003 година оваа организација две децении генерира безбедност и стабилност во овој дел од Европа“, се додава во соопштението од МНР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сообраќајот на патниот правец Скопје – Велес е нормализиран во двете ленти
Сообраќајот на патниот правец А1 Скопје – Велес е нормализиран во две коловозни ленти, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Дел од Чаир денеска без вода
Од ЈП Водовод и Канализација известуваат дека денеска поради два улични дефекти ф-200 и ф -250 мм на Македонско Косовска Бригада бб (во близина на касарна Илинден), прекинато водоснабдување ќе имаат корисниците на дел од улицата Македонско Косовска Бригада и објектот на касарна Илинден, општина Чаир.
Водоснабдувањето ќе биде прекинато од 09:00 часот до завршување санација на дефектите.
Македонија
Одрон во должина од 80 метри на патот Скопје-Велес: сообраќајот кај Сопот се одвива по една лента
Сообраќајот на патниот правец А1 Скопје – Велес, околу два километри пред Сопот, од 21 часот се одвива по една коловозна лента (десната) поради поголем одрон.
Како што информираат oд АМСМ, одронот е во должина од 80 метри.
Фото: илустрација (depositphotos)

