Нема крај на луксузите на ВМРО-ОКГ, велат од СДСМ.

Според оваа партија, сопругата на градоначалникот на Скопје од како што го нарекуваат, ВМРО-ОКГ, Орце Ѓорѓиевски, вчера на партиска промоција се појавила со брендирана чанта „Хермес“.

„Станува збор за еден од најекслкузивните и најскапи бренд чанти во светот.

Вакви чанти, Hermes mini Kelly 2 (20 cm) чинат од 28.000 до 33.000 долари.

Додека работниците едвај врзвуваат крај со крај и мора да проестираат по улиците за поголеми, достоинствени плати, ВМРО-ОКГ парадира пред нивните очи.

Скопје се дави во ѓубре, автобуси нема, граѓаните со часови чекаат за превоз, се возат во распаднати и небезбедни автобуси.

Очигледно за ВМРО-ОКГ нов и поголем авион не оди со стари или евтини чанти“.

Според опозициската партија, луксузирање со авиони врз грбот на народот оди, како што додаваат, со часовници од 60.000 евра и со чанти од 30.000 долари.

Прашуваат, што мислат граѓаните на Скопје за овој „луксузно-моден патриотизам.

„Што мислат работниците, земјоделците, граѓаните за оваа аздисаност?

Само нека не се вадат на то, е фејк или поклон. Може да биде поклон само од Орце.

После толку криминални тендери поврзани со „Пирамид билдинг“ и „Ленди груп“, нивните омилени фирми тоа е секако очекувано“.

Денес, во просториите на Клубот на пратеници, беше одбележан Меѓународниот ден на мајчиниот јазик, со присуство на претставници на државните институции, академици, универзитетски професори, истражувачи и други поканети гости.

Во своето обраќање пред присутните, заменик-претседателот на Владата задолжен за добро владеење, Арбен Фетаи, ја истакна важноста на мајчиниот јазик како темел на културниот, институционалниот и општествениот идентитет, ставајќи посебен акцент на правилната и јасна употреба на јазикот во администрацијата, образованието и медиумите.

Тој нагласи дека албанскиот јазик на овие простори поминал долг историски пат, останувајќи жив и функционален и покрај предизвиците. Во таа насока, истакна дека изработката и промоцијата на новиот речник претставуваат важен чекор кон стандардизација и усогласување на терминологијата во службените документи, учебниците и јавната комуникација.

„Нејаснотиите во терминологијата и во службените формулации често стануваат извор на недоразбирања, одолговлекување на постапките и различни толкувања. Затоа, јазичната јасност не е само прашање на норма, туку и прашање на институционална функционалност и почит кон граѓанинот“, истакна заменик-претседателот на Владата Фетаи.

Тој додаде дека во време на непосредна комуникација и брзо ширење на информации, одговорноста за правилна и професионална употреба на јазикот е уште поголема, особено кај јавните институции и медиумите.

Во завршницата на својот говор, заменик-претседателот на Владата изрази благодарност за трудот и ангажманот на професорите, истражувачите и експертите кои придонеле во подготовката на новиот речник, изразувајќи уверување дека истиот ќе стане секојдневна референца во институционалната, образовната и медиумската практика.

„Остануваме посветени на поддршка на иницијативи што го зајакнуваат правилното, еднакво и функционално користење на јазиците во Северна Македонија, во согласност со законските стандарди и принципите на повеќејазичен соживот“.

Членот на Извршниот одбор на СДСМ, Андреј Жерновски, поднесува претставка до Судскиот совет поради изнесните информации од страна на портпаролката на Владата на Мицкоски, Марија Митева, во кои таа јавно соопштува исход од судска постапка која сè уште е во тек, информираат од СДСМ.

„Признавањето како истата поседува информации дека „жалбата против претседателката е одбиена како неоснована“ е крајно сериозно и скандалозно, бидејќи второстепена одлука (од Виш управен суд) сѐ уште не е донесена. Понатаму, преку соопштение, во нов обид да манипулира со јавноста, повторно изнесе податоци поврзани со исходот од сѐ уште незавршената судска постапка, со што направи долнителен прекршок“, вели во својата објава на социјалните мрежи, Жерновски.

Притоа, Жерновски нагласува дека уште поскандалозeн е фактот дека конкретната судска постапка воопшто и не се води против Владата, туку против Претседателот на државата.

„Прашањето е едноставно, како портпарол на Владата располага со информации за тековен судски процес во кој не се јавува како странка во постапка? Како истата располага со информации дека воопшто е донесена првостепена одлука, дека има жалба и дека истата е неоснована, во услови кога воопшто не е донесена второстепена одлука? Ова не се „гласини кои кружат во јавноста“. Тоа може да биде единствено информација добиена директно од самиот суд“, вели Жерновски.

Тој додаде дека на овој начин се потврдува влијанието и недозволивото мешање на извршната во судската власт, спротивно на уставните принципи на владеење на правото и поделба на власта.

Поради сериозноста на ситуацијата, поднесувам претставка до Судскиот совет. Политичка и судска одговорност за овој скандал мора да има. И ќе има“, посочи Жерновски.