Почитувана СДС, среќни новогодишни и Божиќни празници. Иако се надевавме дека оваа година ќе го смените наративот, вие пак по старите стапки, велат од ВМРО-ДПМНЕ.

„Уште зборат за мигранти кои не постојат, за задолжувања кои не постојат, за дупки во Буџет кои не постојат.

Но, знаеме дека на нив уште не им јасно дека ние државата не ја водиме како они што ја водеа.

Ако они сакаа да носат мигранти во 2018 година, ние нема да носиме. Ако они го задолжуваа народот и нашите поколенија, ние нема да ги задолжуваме. Ако они го оставија Буџетот со дупки и празен, ние тоа нема да го правиме.

2026 година ќе биде година на враќање на вашите долгови и заеми.

Но, 2026 година ќе биде и година на унапредување на економскиот раст, зголемување на плати и пензии, подигнување на животниот стандард на граѓаните, како и нови работни места, инвестиции и фабрики.

Затоа, СДС нека не се грижи, Владата ја води партија која мисли добро на граѓаните“, стои во соопштението од ВМРО-ДПМНЕ.

Под влијание на циклонска активност во следните денови времето ќе биде
променливо облачно и потопло со повремени локални врнежи од дожд, соопшти Управата за хидрометеоролошки работи.

Според прогнозата на УХМР, пообилни врнежи се очекуваат кон средината на следната седмица. Ќе дува умерен до засилен ветер од јужен правец.

-Температурите ќе бидат во пораст, особено утринските, кои насекаде ќе бидат позитивни, информира УХМР.

Откупот на тутунот заврши иако законски има уште еден месец. До Новата година се откупени вкупно 23.144 тони по речиси 420 денари за килограм.

Според Сојузот на земјоделските здруженија, остануваат уште околу 1500 тони тутун што треба да ги преземат откупувачите кои ќе работат по празниците.

– За мене е изнанадувачки брзо што заврши откупот на тутунот од ланската реколта. Но, помогнаа и временските услови да се забрза откупот. Во декември беше присутна релативната влажност што овозможи услови за домашната манипулација. Од друга страна, веројатно и на компаниите им требаше тутунот и затоа го прибраа родот многу брзо, објаснува Кире Ристески, претседател на Сојузот на земјоделските здруженија.

За откуп, според Сојузот, има уште најмногу 1 500 тони тутун кои ќе се купат по празниците.

-Тутунарите да не стравуваат. Откупувачите ги поврзаа празниците, а потоа ќе ги преземат заостанатите количества тутун. Инаку, законскиот рок за откуп е до 28 февруари, објаснува Ристески.

Сојузот најавува дека од 15 јануари ќе ги почнат преговорите со откупувачите за цените и договорите за новата реколта тутун.

-Со компаниите од 15 јануари ги почнуваме преговорите за новите цени. Тоа ни е многу битно пред склучувањето нови договори, вели Ристески.

Во меѓувреме, течат разговорите за измени во Законот за тутун за што има работна група и битно е да се воспостави рамноправен однос меѓу производителите и откупувачите.

-Работната група постојано работи со Министерството за земјоделство, со Владата. Се фокусираме на законските измени за скратување на временскиот рок за откупот на тутунот, враќање на ингеренциите на Сојузот на земјоделските здруженија, како и  олеснувањата што се однесуваат на поверениците.Тоа се најбитните измени кои треба да ги донесеме, објаснува Кире Ристески, претседател на Сојузот на земјоделските здруженија.

Инаку, досега се донесени измените во Законот за да нема увоз на тутун додека трае откупот на домашното производство.