Македонија
Проблемите меѓу Скопје и Софија почнуваат по предлогот Орце Камчев да стане почесен бугарски конзул во Охрид, пишува бугарски Фактор
Сите проблемите меѓу Скопје и Софија почнуваат по предлогот Орце Камчев да стане почесен бугарски конзул во Охрид, пренесува бугарски Фактор.
Одлуката на американското Министерство за финансии да го стави најбогатиот македонски бизнисмен Јордан Камчев на листата на санкции отвори многу прашања – не само во Северна Македонија, туку и во Бугарија, која е членка на ЕУ. Според Вашингтон Камчев работел на поткопување и загрозување на стабилноста на Западен Балкан преку корупција, пишува Фактор.бг.
Од соопштението на Канцеларијата за контрола на странски средства на САД до Министерството за финансии на САД, јасно е и дека неговиот имот е замрзнат. Според нив, тој „ја злоупотребил својата положба и учествувал во коруптивни активности, перење пари и други кривични дела од почетокот на 2000-тите“.
Оваа вест брзо стигна до Бугарија, бидејќи во 2019 година тогашната министерка за надворешни работи, Екатерина Захариева, дала предлог до македонската влада, Јордан Камчев да стане почесен конзул на Бугарија во Охрид.
Оваа идеја беше отфрлена од владата на Зоран Заев поради истрагата што во тоа време започна во Северна Македонија за перење пари, злоупотреба на службената положба, шверц, прикривање приходи и организирање на криминална група. Неофицијално, тогаш се тврдеше дека зад идејата на Камчев да стане почесен конзул на Бугарија во Северна Македонија стојат тогашните министри за надворешни работи и одбрана Екатерина Захариева и Красимир Каракачов, пишува Фактор.бг.
Понатаму во написот стои дека Орце Камчев, кого влијателниот магазин „Форбс“ пред извесно време го дефинирал како најбогат Македонец, исто така се изјаснил за виновен во случајот „Империја“, кој е за злоупотреба на службената положба. Орце Камчев е познат како касиерот преку кој минуваат митото на поранешниот премиер на Македонија Никола Груевски и неговиот братучед и поранешен шеф на македонското контраразузнавање Сашо Мијалков. Камчеви и Мијалкови се пријателски семејства кои ја држат својата моќ кај нашиот југозападен сосед до почетокот на 2017 година.
„Не така одамна во Северна Македонија заврши случајот „Рекет“ поврзан со исплата на поткуп од 8 милиони евра, што го бараше Орце Камчев. Сè започна во 2018 година, кога тогашната шефица на специјалното обвинителство, Катица Јанева, отвори истрага против Орце, поради што беше уапсен. Веднаш потоа кај Камчев дојдоа двајца посредници – шоуменот Бојан Јовановски, познат како Боки 13 и Зоран Милевски – Зоки Кичеец. Му нудат на Камчев да го прекине случајот против него, кој ќе го чини 8 милиони евра мито, кои ќе и ги дадат на Катица Јанева, по што се ќе биде заборавено. Но, снимки од нивните разговори и аранжмани се објавени во италијанскиот весник „Ла Верита“. Веднаш по откривањето, Катица Јанева беше отстранета од функцијата“, пишува Фактор.бг.
„Во 2020 година Катица Јанева и шоуменот Бојан Јовановски беа осудени на 7 и 9 години затвор. Случајот кој го поднесе Катица Јанева се вика „Империја“ и се работи за организирана криминална група која перела пари преку компании во Северна Македонија и офшор компании низ светот и вршела измама и злоупотреба на службената положба. Со соборувањето на Јанева, борбата против корупцијата беше прекината, а вниманието од Камчев се префрли на неа“, се додава во објавата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Се запали куќа во Битола, на терен се пожарникари
Денеска избил пожар во куќа во Битола, а на терен веднаш излегле пожарникарите од ТППЕ Битола.
„Примена дојава во 11:55ч. за запалена куќа на ул.Љубојно. ТППЕ Битола интервенираше со 1 возило и 5 пожарникари. Брзата и навремена интервенција спречи пожарот да го зафати целиот објект и соседните куќи“, велат од ТППЕ Битола.
Македонија
Мицкоски ги повика граѓанските организации да учествуваат во градењето на поквалитетен национален образовен систем
Премиерот на Република Северна Македонија Христијан Мицкоски во соработка со ИРИ, како дел од проектот за дијалог со граѓанските организации оддржа средба со повеќе невладини организации.
„Образованието е столб на општеството и затоа е поставено високо меѓу владините приоритети. Без квалитетно образование, нема ниту квалитетни доктори, наставници, економисти и така натаму. Одлучни сме да направиме крупни промени и го повикувам граѓанскиот сектор активно да учествува во креирањето и спроведувањето. Заедничка обврска е да создадеме подобри услови за едукација на младите, а со тоа и подобра иднина во сопствената земја.“
Ова е пораката која премиерот Христијан Мицкоски ја испрати до младинските организации кои беа дел од денешниот настан во рамки на дијалогот помеѓу Владата и граѓанскиот сектор на тема образование и младинско учество, што го организираше Меѓународниот републикански институт.
„Жал ми е што морам да констатирам дека образованието во минатото ни е значително опаднато. Секоја идеја е добредојдена и затоа ги организираме овие тематски дискусии со граѓанскиот сектор“, рече Мицкоски.
Тој додаде дека Владата работи транспарентно и создава услови за услови за граѓанските организации уште поактивно да учествуваат во развојот на државата.
Повика да поддржат процес и заеднички да биде креирана стратегија за развој на државата, со временска рамка која ќе биде доволно голема, за како што рече, да можеме да трасираме пат и да оствариме резултати на тој пат по кој ќе одлучиме да се движиме.
За време на дебатата, дел од младинските организации изнесоа свои предлози за мерки, проекти и системски решенија со кои, како што рекоа, ќе се задржат младите во својата земја и тука ќе го градат и реализираат својот потенцијал.
Беа повикани и сите останати здруженија да достават свои иницијативи во одделението за соработка со граѓанскиот сектор при Владата, како и до надлежните министерства.
Обраќања имаа и министерката за образование и наука Весна Јаневска, министерот за социјална политика, демографија и млади Фатмир Лимани и министерот за локална самоуправа Златко Перински. Заеднички став е дека односите со граѓанскиот сектор се развиваат во добра насока и се очекува политиките кои се креираат преку меѓусебната соработка, да дадат позитивен исход.
Македонија
Фетаи повикува на создавање заеднички фронт против криминалот
Заменик претседателот на Владата задолжен за политики на добро владеење, Арбен Фетаи, денеска повика на создавање заеднички фронт против организираниот криминал и корупцијата. Зборувајќи на Стратешката работилница на меѓупартиска параламентарна група против корупција, организирана од НДИ во Скопје, Фетаи го повика Парламентот, граѓанското општество и меѓународните партнери да работат заедно со Владата за поуспешно справување со криминалот.
Тој рече дека реформската агенда, усвоена од Европската унија, е водилка во активностите на владата во борбата против криминалот и корупцијата. Во тој контекст, го спомна изготвувањето на Регистарот за евиденција на државниот имот и новата Стратегијаза јакнење на капацитетите за водење финансиски истраги и конфискација на имот за периодот 2024-2028
Стратегија за јакнење на капацитетите за водење финансиски истраги и конфискација на имот за периодот 2024-2028, кои треба да спречат злоупотреба на државниот имот и ефикасна конфискација на незаконски стекнат имот.
Зборувајќи за подобрувањето на транспарентоста на институциите, Фетаи најави брзи резултати во спроведување на Акцискиот план за транспаретност, изработка на веб страни за јавните институции и обука за персоналот за одржување на страниците. Според него, и измените на Законот за слободен пристап до информациите од јавен карактер одат во правец на зголемување на транспаретноста и отчетноста на институциите.
Фетаи истакна дека Владата е расположена активно дс го вклучи граѓанскиот сектор во процесот на донесување на одлуки. Како илустративен пример, го спомна именувањето на член од невладиниот сектор со право на глас во Меѓуресорското тело за координација на антикорциските активности.