Македонија
Основниот суд Скопје 1 има најмногу нерешени предмети во споредба со другите судови
![](https://makfax.com.mk/wp-content/uploads/2018/05/32207835_1962623823749180_2874649081823625216_n.jpg)
Најголема тенденција за зголемување на бројот на стари, нерешени предмети има Основниот суд Скопје 1 Скопје и Скопје 2 Скопје.
Во периодот на мониторинг од јануари до март 2018 година има зголемен број нерешени предмети од три до седум години за дополнителни 2620 предмети од кои најголем број се прекршочните предмети, односно 2443, информираше Ангела Шумкоска, соработник на Македонското здружение на млади правници, на денешната презентација на третиот извештај за реформи во судството.
Според извештајот, во споредба со претходната година Основниот суд Скопје 2 Скопје има зголемен број нерешени предмети од 3 до 7 години за дополнителни 766 предмети, а и двата судови имаат зголемен број предмети кои се однесуваат од 7 до 10 и над 10 години. Исто така споредбено со претходните мониторинг-извештаи од минатата година може да се увиди дека континуирано за постапки пред Управниот суд на РМ и Основен суд Скопје 2 Скопје има најголем број поднесени барања за судења и констатирана повреда од Врховниот суд.
„Од јануари до март за постапки пред Управниот суд се поднесени 48 барања за заштита на барање за судење во разумен рок, а утвредна е повреда во 19 постапки, додека, пак, за постапки пред Основен суд Скопје 2 Скопје поднесени се 29 барања, а утврдена е повреда во 4 постапки“, вели Шумкоска.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.