Македонија
Осуда за сквернавењето, споменикот и иконите ќе ги обновиме, порача градоначалникот Стефковски за вандалскиот чин врз бистата на Стојменовиќ
Најостра осуда за вечерашното сквернавење на споменикот на загинатиот бранител во борбите во Диво Насеље, Горан Стојменовиќ, како и на иконите што се дел од осветениот крст поставен во истиот парк во Инџиково, напиша на социјалните мрежи градоначалникот на општина Гази Баба, Бобан Стефковски.
Ваквиот сторен чин, како што вели, на големиот македонски празник Илинден и христијански празник Св. Илија преставува срамен и кукавички чин, кој е за најостра осуда.
„Како градоначалник на општина Гази Баба барам итно и неодложно преземање на сите законски дејства од страна на Министерството за внатрешни работи и што побргу сторителите на овој чин да бидат изведени пред лицето на правдата“, пишува Стефковски.
На граѓаните им порачува да бидат спокојни.
„И споменикот и иконите ќе ги обновиме, а традицијата на оддавање почит на херојот Горан Стојменовиќ, како и чествувањето на соборот на 12-те апостоли во Инџиково ќе продолжи“, порачува во напишаното Стефковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски очекува граѓаните да ги остават автомобилите откако ќе се изгради проектот Градски воз
Претседателот на Владата, Христијан Мицкоски одговарајќи на новинарско прашање во врска со прогресот на проектот Градски воз, изјави дека проектот е исклучително важен и оти првата фаза веќе е отпочната.
– Градски воз е исклучително важен проект за приградските населби и општини до центарот на главниот град. Во три фази ќе биде. Првата фаза веќе е отпочната, реконструкција на пругата и електрификација, ќе сообраќа електрична локомотива, електричен воз. Вредноста на проектот е 360 милиони денари, истакна Мицкоски.
Премиерот нагласи дека со трите делници од проектот очекува драстично да се намали користењето на патничките моторни возила.
– Првата делница е од Зелениково преку Драчево, Лисиче, Кисела Вода, Аеродром, до центарот на Скопје, главната железничка станица. Втората делница е од Миладиновци, Илинден, Маџари, до главната централна железничка станица, а третата делница е од централната железничка станица преку Скопје Север, Ѓорче до Волково. Отприлика ова ќе биде рутата и цениме дека на овој начин ќе се растовари сообраќајот во Скопје. Голем број жители на општините околу Скопје и приградските општини ќе можат да ги користат овие линии, ќе бидат навистина брзи, удобни и јас очекувам драматично да се намали користењето на патничките моторни возила, повеќе да се користи овој Градски воз како проект, рече премиерот Мицкоски.
Македонија
До крајот на неделата врнежливо, од петок постудено
Под влијание на нестабилна воздушна маса, до крајот на неделата времето ќе биде променливо облачно со повремени локални врнежи од дожд, кои наместа ќе бидат над 15 литри на квадратен метар.
Според прогнозата на УХМР, до среда ќе дува умерен, а долж Повардарието повремено засилен ветер претежно од јужен
правец.
-Во четврток и петок ветерот ќе го смени правецот во северен, што ќе услови пад на температурата.
Македонија
Мицкоски денес пак ќе отвора нова градинка
Премиерот Христијан Мицкоски денеска во Сопиште ќе присуствува на отворање на градинка во која има ќе има можност за згрижување на 84 дечиња.
Градинката „Сонце“, како што информира владината прес-служба, се наоѓа на локација која одговара за жителите од Долно и Горно Соње, Добри Дол и Ракотинци.
Во неа се предвидени јасли за згрижување на дечиња до двегодишна возраст, како и две хетерогени групи за дечиња од две до четиригодишна возраст и група за дечиња од четири до шестодишна возраст.
– Објектот е со вкупна нето квадратура од 362 м2 поделена во три занимални, дел за манифестации, административен дел, како и помошно технички дел. Средствата за изградба на оваа детска градинка се обезбедни од Владата преку Министерството за социјална политика, демографија и млади во висина од 21.000.000,00 денари, информира владината прес-служба.
Премиерот и вчера ја отвораше детската градинка „Кокичиња“ во село Таринци, Општина Карбинци. Станува збор за објект во кој ќе се сместат допонително уште 50 дечиња, со што капацитетот на целата детка градинка ќе биде двојно зголемен на 100 деца.

