Контакт

Македонија

Оштетените штедачи: Нашите пари се во нечии џабови познати на раководните лица на Еуростандард банка

Објавено пред

Здружението на оштетени штедачи на Еуростандард банка обвинуваат дека надлежните во банката дозволиле со години да бидат доделувани кредити, без притоа да има навремена исплата на ратите за нив. Тие велат дека на крајот оштетени се токму тие – физички и правни лица депоненти на банката, чии средства, како што нагласуваат, им се украдени.

Единствено што остана по затворањето на банката се украдените пари на депонентите сместени во нечии џебови добро познати на раководните лица од банката, кои го оркестрирале овој голем криминал, и оправдувањата од Народната банка дека тие направиле сè што можеле, а сепак се случувал грабеж во континуитет повеќе години. И едните и другите се учесници во криминалот. Првите краделе, а вторите ги гледале како крадат и не направиле ништо конкретно за да ги спречат. На крајот, оштетени сме ние, физички и правни лица депоненти на Еуростандард банка чии лични средства ни се украдени.

Состојбата на Еуростандард банка на денот на нејзиното затворање, 12 август оваа година, говори дека во банката има 149 фирми со ненаплатливи и тешко наплатливи кредити во вкупен износ од речиси 55 милиони евра. Ниту една од овие фирми немала платено ниту една рата, а доцнеле со плаќање од неколку стотини до над 1.300 дена. Земени се кредити од стотици илјади до милионски суми во евра. Тоа што е најстрашно е обезбедувањето кај овие фирми. Имено, повеќето од нив имаат обезбедување во станбен и деловен простор, опрема, моторни возила, залог на трговска стока или земјоделско земјиште, чии проценети вредности најчесто се движат од 5 до 50 отсто од износот на кредитот. Според извештајот од стечајот на банката подготвен од стечајниот управник Душко Тодевски, во такви фирми со поголеми разлики меѓу износот на кредитите и делумното обезбедување се вбројуваат: „Екопластик рисајклинг“ ДОО од Скопје (доцни со исплата 803 дена), „Југотрејдинг ДН“ ДООЕЛ од Струмица (доцни со исплата 363 дена), „Багкоп“ (доцни со исплата 438 дена), „Повардарие шпедиција“ ДОО од Неготино (доцни со исплата 864 дена), „Ено-мак“ ДООЕЛ од Скопје (доцни со исплата 742 дена), „Агромел БВ“ ДООЕЛ од Струмица (доцни со исплата 985 дена), „Електроспој“ ДООЕЛ од Скопје (доцни со исплата 923 дена) и други.

Воедно, има и 60-ина фирми чии земени кредити се покриени единствено со меници како обезбедување, а има и кредити што немаат никакво обезбедување. Според извештајот на стечајниот управник, такви фирми се: „Атв Зеус“ (доцни со исплата 409 дена), „Тете-ем“ ДООЕЛ (доцни со исплата 438 дена), „Пинк флај“ ДООЕЛ од Струмица (доцни со исплата 438 дена), „Јанев трејд“ ДООЕЛ од Струмица (доцни со исплата 438 дена), „Зои пер компани“ ДООЕЛ од Скопје (доцни со исплата 347 дена), „Фероспектар“ (доцни со исплата 279 дена), „Бартон“ ДООЕЛ од Кавадарци (доцни со исплата 742 дена), „Фероцем плус“ ДООЕЛ од Струмица (доцни со исплата 348 дена), „ТП конта план ХТЦ“ од Струмица (доцни со исплата 742 дена), „Балкан метал“ ДООЕЛ од Скопје (доцни со исплата 530 дена), „ТРД ТВ-канал Вис“ од Струмица (доцни со исплата 620 дена) и други.

Вообичаено, банките бараат вредноста на обезбедувањето да биде повисока од износот на кредитот. Во нашата пракса најчесто покриеноста на кредитот со обезбедувањето е најмалку 120 % па нагоре во зависност од видот на обезбедувањето. Тоа значи приложено обезбедување во износ од 120 илјади евра во парични средства може да покрие кредит најмногу во износ до 100 илјади евра.
Праксата со обезбедувањата за издадените кредити од Еуростандард банка била обратна. Не само што се делеле кредити во стотици илјади или милионски суми во евра, кои никогаш не биле исплаќани, туку и обезбедувањето на тие кредити е далеку под износите и спротивно на интерните политики на банката, како и на воспоставената и регуларна пракса на банките во земјата. Па, така, сега кога Еуростандард банка е затворена, впаричувањето на обезбедувањата на така доделените кредити неможе ни од далеку да ја надомести огромната загуба на депонентите кои ги загубија своите пари со пропаѓањето на банката.

Раководните лица од банката заедно со избраните фирми, како и избран круг проценители, адвокати и други вмешани страни, го почнале, развиле и сработиле криминалот што траел со години. На сето ова Народната банка увидела и знаела, но слепо гледала и дозволила да се случува грабежот на нашите пари од депозитите на физички и правни лица. Резултатот од таквото однесување е познат денес. Среде пандемија, голема здравствена и економска криза, криминалците од банката, помогнати од замижувањето и недејствувањето на Народната банка, за време на нејзините вршени контроли, почнувајќи од 2013 година па наваму, нè оставија без нашиот личен капитал, имот, сигурност, здравје, живот, сегашност и иднина.

Уште на самиот почеток, веднаш по затворањето на банката, Народната банка се обиде и до некадае успеа да ја релативизира штетата кон депонентите што ги изгубија својот личен капитал и имот во банката. Па, така, гувернерката Анита Ангеловска-Бежоска побрза да извести дека само 0,6 отсто од депонентите во банката нема да бидат обесштетени во целост. Свесно заборави да каже дека се работи за над 700 физички лица и семејства што загубија повеќе од 24 милиони евра лични пари доверени во банката за која самата гувернерка повеќепати јавно тврдеше дека е сигурна и безбедна како дел од банкарскиот систем во земјата и дека граѓаните не треба да се грижат за своите депозити. Воедно, гувернерката Бежоска заборави да каже и дека речиси 2.000 фирми ги изгубија своите депозити, останаа заробени во банката, а сите овие фирми се законски должни да работат единствено преку банкарскиот систем. Сè заедно, директно погодени повеќе од 2.700 семејства и уште најмалку 12.000 семејства на вработените во ограбените фирми.

Наша поучна лекција од овој криминал до сите други депоненти во банки е дека со вака поставен систем во земјата, само вие лично или Господ може да ве спаси од проневери и грабеж на вашите депозити. Доколку грабеж се случи или случува во следна банка, криминалците би си ги триеле рацете од направениот плен на вашите депозити, а Народната банка би се оправдувала дека направила сè што можела, но дека криминалците сепак биле појаки од нив.

Нашата борба за вистина и правда продолжува до конечната цел – одговорност за сторениот криминал на сите учесници во него и целосно враќање на нашите лични средства, на физичките и правните лица депоненти на затворената Еуростандард банка, се вели во соопштението на штедачите на Еуростандард банбка.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Мицкоски повика на предупредувачки протест за одбрана на македонските црвени линии

Објавено пред

Лидерот на ВМРО-ДПМНЕ, Христијан Мицкоски, преку социјалните мрежи повика на натпартиски протест за одбрана на црвените линии во преговорите со Бугарија, кои како што вели, се последниот бедем на нашиот идентитет.

„Утре во 18 часот, од СЦ Борис Трајковски до Влада. Протестот, поради запазување на здравјето поради коронакризата, ќе биде со автомобили. Овде не се работи за партии, овде се работи за Македонија, за Илинден и АСНОМ, за она што сме и она што сакаме да останеме“, порача претседателот на опозициската партија.

Протест сега, за да не биде предоцна!
Ако нашите дедовци од 1941 до 1944 година се бореле против „администрација” како…

Posted by Hristijan Mickoski on Среда, 25 ноември 2020

Според него, Македонија е за пријателство, но пријателството значи взаемно почитување.

„Ако нема почитување, нема да се разбереме. Да не бидеме неми, да бидеме гласни пред да биде предоцна“, повикува Мицкоски.

„Нашата слобода е дело на народната борба против окупаторот, со многу жртви, падови и победи. АСНОМ е вториот Илинден, а Народноослободителната борба е дел од европската борба за слободни народи“, додава тој.

Прикажи повеќе...

Македонија

1.288 новозаразени од Ковид-19, починаа 39 лица

Објавено пред

Министерството за здравство информира дека во последните 24 часа се направени 3.349 тестирања, а регистрирани се 1.288 нови случаи на Ковид-19 во Скопје-570, Куманово-57, Дебар-8, Штип-44, Прилеп-78, Тетово-56, Струга-28, Велес-32, Битола-53, Охрид-30, Кавадарци-30, Гостивар-85, Гевгелија-21, Струмица-34, Крива Паланка-5, Радовиш-13, Кочани-28, Пробиштип-10, Демир Хисар-7, Македонски Брод -3, Берово-3, Валандово-2, Виница-11, Делчево-9, Кратово-3, Свети Николе-12, Кичево-22, Ресен-11, Неготино-22 и еден во Крушево.

Институтот за јавно здравје денеска регистрира 1.078 оздравени пациенти од: Скопје-407, Куманово-33, Штип-32, Прилеп-36, Тетово-36, Струга-63, Велес-30, Битола-144, Охрид-52, Кавадарци-27, Гостивар-19, Гевгелија-10, Струмица-19, Крива Паланка-7, Радовиш-5, Крушево-4, Кочани-11, Пробиштип-5, Демир Хисар-3, Македонски Брод-2, Берово-3, Валандово-2, Виница-6, Делчево-7, Кратово-3, Свети Николе-12, Кичево-72 и по 14 во Ресен и Неготино.

Починати се 39 лица, шеснаесет пациенти од Скопје (79г., 80г., 54г., 70г., 68г., 54г., 68г., 82г., 84г.,68г., 76г., 75г., 71г., 60г., 73г., 56г.), двајца од Куманово (70 и 62 години), еден пациент од Дебар (87), еден од Штип (71), тројца од Прилеп (86, 76 и 68 години), четири пациенти од Тетово (53, 72,67 и 66 години), двајца од Струга (68 и 69 години), двајца од Велес (67 и 78 години), двајца од Охрид (68 и 73 години), еден пациент од Струмица (72), еден од Демир Хисар (65), еден од Берово (79), двајца од Кичево (60 и 41 година) и еден пациент од Неготино (40).

Вкупната бројка на ковид дијагностицирани во нашата земја од почетокот на епидемијата изнесува 57.451, бројката на оздравени пациенти е 34.970, на починати е 1.600, а бројот на активни случаи изнесува 20.881. Од вчера се евидентира еден контролен тест, а според досега завршените епидемиолошки анализи во моментов статистиката по градови е следна:

• Скопје 25.228, активни 10.130
• Куманово 3.541, активни 939
• Дебар 438, активни 87
• Штип 2.510, активни 526
• Прилеп 2.766, активни 1021
• Тетово 3.638, активни 965
• Струга 1.334, активни 406
• Велес 1.812, активни 711
• Битола 1.813, активни 808
• Охрид 1.460, активни 597
• Кавадарци 1.109, активни 432
• Гостивар 2.296, активни 862
• Гевгелија 693, активни 229 (50 лица од ПЕ Гевгелија се жители на Дојран, 126 на Богданци и 12 се странски државјани)
• Струмица 1.598, активни 580
• Крива Паланка 402, активни 120
• Радовиш 407, активни 125
• Крушево 116, активни 70
• Кочани 1.187, активни 307
• Пробиштип 336, активни 74
• Демир Хисар 185, активни 83
• Македонски Брод 151, активни 34
• Пехчево 95, активни 25
• Берово 339, активни 92
• Валандово 196, активни 71
• Виница 359, активни 174
• Делчево 415, активни 184 (114 лица од ПЕ Делчево се од Македонска Каменица)
• Кратово 148, активни 63
• Свети Николе 770, активни 212
• Кичево 1178, активни 492
• Ресен 424, активни 173
• Неготино 507, активни 289 (56 лице од ПЕ Неготино се жители на Демир Капија)

Направените 3.349 теста се преку: ИЈЗ-1068, ЦЈЗ Скопје-60, Авицена-345, Биотек-272, МАНУ -263, Жан Митрев (Филип Втори)-211, Систина со PCR метода -259, лабораторија Лаор –40, ЦЈЗ Битола-72, Инфективна клиника-2, ГАК-7, Синлаб-87, Ремедика-32, лабораторија болница Козле-17, ЈЗУ (рапид тест) -594. Досега во земјата се направени вкупно 320.011 тестирања на Ковид-19.

Според новите податоци, бројот на активни случаи по скопските општини денеска е следен:

• Чаир – 639
• Гази Баба – 1.490
• Аеродром -1.474
• Карпош – 1.186
• Центар – 1.173
• Кисела Вода – 1.245
• Ѓорче Петров – 874
• Бутел – 584
• Шуто Оризари – 206
• Студеничани – 52
• Сарај – 160
• Арачиново -31
• Илинден – 251
• Сопиште – 66
• Чучер Сандево – 99
• Петровец –128
• Зелениково -83
• Странец – 175
• Нераспределен- 214

Прикажи повеќе...

Македонија

Кај Тумбе Кафе има околу 10.000 гранати од Првата светска војна, уништувањето ќе почне во декември

Објавено пред

Дирекцијата за заштита и спасување (ДЗС) соопшти дека во декември ќе започне уништувањето на неексплодираните гранати од Првата светска војна што на 26 октомври годинава беа пронајдени кај стадионот „Под Тумбе Кафе“ во Битола.

ДЗС информира дека нејзините пиротехничари се постојано на терен и оти до денеска од полското складиште се извадени 4.000 парчиња артилериски гранати 76 мм, а оти се очекува до завршувањето да се извадат околу 10.000 гранати што се со минимална тежина од 70 тони.

Овие 4.000 артилериски гранати што се извадени од под Тумбе Кафе се неиспукани и без запалки и не претставуваат опасност за транспорт, навдуваат од ДСЗ.

„Бидејќи се работи за огромна количина на неексплодирани убојни средства за истите уништувањето ќе почне во текот на месец декември и ќе продолжи до завршувањето на уништување на истите. При отстранувањето дополнително се пронаоѓаат се поголем број на неексплодирани убојни средства, за да се исчисти теренот ќе се работи и под земјениот пат кој минува зад стадионот во Битола, истиот ќе се затвори за да се продолжи со работа и поради безбедноста на населението“, се наведува во информацијата од Дирекцијата за заштита и спасување.

Според планот на спроведување на активноста за отстранување на гранатите ДСЗ има Стандардни оперативни процедури за заштита на неексплодирани убојни и други експлозивни средства, што опфаќаат: Мерки за безбедност на лицата вклучени во процесот на активноста на отстранување на неексплодирани убојни средства (НУС); Лична заштита опрема за секој пиротехничар согласно Стандардна оперативна процедура (СОП) за НУС; Одговорното лице на терен за сите активности има должност за планирање и координација за работата на пиротехничарите, соработката со претставниците од единиците на локалната самоуправа – општината, градоначалникот, Армијата, полицијата, болниците и другите соодветни организации.

ДСЗ врз основа на укажаната потреба доставила барање до Министерството за одбрана и за вклучување на пиротехничари на Армијата поради обемноста на активностите за транспорт и уништување на гранатите, а се информирани и меѓународните претставници од ОБСЕ, НАТО и ЕУ во земјава.

Прикажи повеќе...

Најново

Македонија6 часа

Мицкоски повика на предупредувачки протест за одбрана на македонските црвени линии

Лидерот на ВМРО-ДПМНЕ, Христијан Мицкоски, преку социјалните мрежи повика на натпартиски протест за одбрана на црвените линии во преговорите со...

Македонија7 часа

1.288 новозаразени од Ковид-19, починаа 39 лица

Министерството за здравство информира дека во последните 24 часа се направени 3.349 тестирања, а регистрирани се 1.288 нови случаи на...

Македонија8 часа

Кај Тумбе Кафе има околу 10.000 гранати од Првата светска војна, уништувањето ќе почне во декември

Дирекцијата за заштита и спасување (ДЗС) соопшти дека во декември ќе започне уништувањето на неексплодираните гранати од Првата светска војна...

Свет9 часа

Кинески експерти тврдат дека коронавирусот не потекнува од Кина

Кинескиот државен весник „Пиполс дејли“ тврди, повикувајќи се на изјави на кинески експерти, дека коронавирусот не потекнува од Вухан, град...

Меѓународен10 часа

Почина Диего Армандо Марадона

Легендарниот аргентински фудбалер, Диего Армандо Марадона (60) почина од срцев удар во родната земја, јавуваат тамошните медиуми. Легендарниот фудбалер починал...

Македонија13 часа

Заев: Бугарија не е фашистичка земја, туку наш пријател

Бугарија не е фашистичка земја, таа е наш пријател, вели претседателот на Владата, Зоран Заев, во интервју за бугарската новинска...

Македонија15 часа

Судот го опомена Бојан Јовановски, одбиено е барањето за изземање на судијката

Претседателот на Кривичниот суд, Иван Џолев, го одби барањето на обвинетиот Бојан Јовановски за изземање на судијката Софче Гаврилова-Ефремова од...

Македонија15 часа

Се очекува зелено светло од Пендаровски за војниците од утре да почнат да ги обезбедуваат болниците

Припадниците на Армијата ќе може уште утре да бидат распределени во здравствените институции, изјави министерката за одбрана, Радмила Шекеринска. „Вчера,...

Култура16 часа

Eкипата на „Медена земја“ тврди: На Атиџе ѝ обезбедивме дом, храна и лекови – здружението „Бекирлија“ и донациите ќе бидат затворени

Екипата на „Медена земја“ реагира по тврдењата што се појавија во јавноста дека Атиџе Муратова е заборавена од сите, без...

Европа17 часа

(Видео) Автомобил удри во оградата на канцеларијата на Меркел

Автомобил управуван од непознато лице удрил во оградата на канцеларијата на германската канцеларка Ангела Меркел во Берлин. Деталите за оваа...

Свет17 часа

Сингапур го искорени коронавирусот

Некогаш имаше најголема стапка на Ковид-19 во Југоисточна Азија, но кога во вторникот пријави 14 дена без нови локални случаи,...

Македонија17 часа

Во ковид-центрите во Скопје за 24 часа хоспитализирани 39 пациенти, слободни уште 20-ина места

Во изминатите 24 часа во ковид-центрите во Скопје хоспитализрани се 39 нови пациенти поради компликации од коронавирусот. Вкупно 486 лица...

Македонија17 часа

(Видео) Пендаровски: Пандемијата покажа дека домот не е најбезбедно место за многу жени и деца

Претседателот на државата, Стево Пендаровски, се вклучи во глобалната кампања „16 дена активизам против родово базирано насилство“ на Обединетите нации,...

Регион17 часа

Од денес стапува во сила полициски час во Црна Гора

Во Црна Гора од денес угостителските и услужните објекти ќе работат од 7 до 18 часот, а забраната за напуштање...

Европа18 часа

Финцитe мајстори во борбата против коронавирусот

Финска, со население од нешто помалку од 6 милиони жители, е една од земјите што најдобро се справуваат со пандемијата...

Свет18 часа

Трамп ќе го помилува поранешниот советник за безбедност, кој го лажеше ФБИ

Американскиот претседател, Доналд Трамп, планира да го помилува поранешниот советник за национална безбедност Мајкл Флин, кој во 2017 година призна...

Свет19 часа

Бајден: Сè уште не сум разговарал со Трамп

Новоизбраниот американски претседател, Џо Бајден, изјави дека сè уште не разговарал со актуелниот претседател Доналд Трамп. Бајден во првото интервју...

Свет19 часа

Макрон најави попуштање на мерките

Франција следниот викенд ќе почне со олабавување на мерките против ширењето на коронавирусот за до Божик продавниците, театрите и кината...

Свет19 часа

Австралија ги ублажува мерките, со денови нема нови заразени

Австралиската федерална држава Нов Јужен Велс ќе ги олесни ограничувањата за физичка дистанца и ќе ги отстрани условите за компаниите...

Свет19 часа

Голем метеж на аеродромите и во центрите за тестирање во САД во пресрет на Денот на благодарноста

Метежот на аеродромите и редиците пред центрите за тестирање покажуваат дека многу Американци планираат да го прослават Денот на благодарноста...

Досие