Контакт

Македонија

Парични казни за жители на Скопје, Свети Николе и Кавадарци кои не се самоизолирале

Објавено пред

Парични казни за непочитување на здравствените прописи за време на епидемија ќе добијат еден жител на Скопје, три лица од Свети Николе и четири од Кавадарци. Сите се обвинети дека не се самоизолирале откако се вратиле од ризични земји или се сретнале со луѓе кои се вратиле од таму.

Обвинетиот скопјанец, на возраст од 33 години, на 12 март се вратил во земјава по престој во Франција како високоризична земја за ширење на коронавирусот и потпишал изјава дека ќе се самоизолира во период од 14 дена. Сепак, на 21 март, при извршена проверка од страна на овластени полициски службеници, не бил затекнат во неговиот дом.

Основното јавно обвинителство Скопје на Судот му предложи на обвинетиот да му изрече парична казна во висина од 100 дневни глоби со висина на дневна глоба од 20 евра во денарска противвредност.

Основното јавно обвинителство – Свети Николе до надлежниот основен суд поднесе предлог за издавање казнен налог против пет лица.

Тројца од обвинетите пристигнале во земјава од држави со среден и висок ризик за ширење на коронавирусот и согласно мерките биле должни во период од 14 дена да не го напуштаат престојувалиштето што го пријавиле како место каде ќе ја спроведат задолжителната самоизолација. Иако на граничните премини на кои оствариле влез во земјава потпишале изјави за самоизолација, ги напуштиле наведените адреси и оствариле контакт со други лица.

Две лица од Свети Николе, пак, на возраст од 19 и 21 година биле приведени ноќеска во 2:20 часот затоа што прекршиле полицискиот час. Тие во автомобил „сузики сфивт“ без регистерски таблички биле пресретнати од страна на полициски службеници.

Со своите дејствија сите обвинети го сториле кривичното дело што им се става на товар за што обвинителството побара судот да им изрече парична казна во висина од 98 дневни глоби, и тоа за еден од обвинетите во висина на една дневна глоба од 10 евра или вкупна вредност од 60.270,00 денари, а за останатите во висина од 20 евра за една дневна глоба или во вкупна вредност од по 120.540 денари.​

Што се однесува до случаите во Кавадарци, еден од обвинетите пристигнал во земјава на 17 март од Република Србија патувајќи од држави со среден и висок ризик за ширење на коронавирусот. При вршење на контрола од страна на полициските службеници, на 18 март, не бил затекнат дома.

Двајца од обвинетите пристигнале од Република Грција на 18 март, но и покрај обврската за самоизолација не биле затекнати во нивните домови на 19 март, кога надлежните служби извршиле контрола.

Четвртиот обвинет на 19 март на граничниот премин „Деве Баир“ пречекал лице кое се враќало од престој во Соединетите Американски Држави. Согласно Одлуката на домашните органи, обвинетиот потпишал изјава за самоизолација поради тоа што бил во контакт со лице кое дошло од земја со висок ризик од зараза. Но при извршена контрола не бил затекнат во домот каде требало да ја извршува должноста за самоизолација.

Обвинителството за четворицата побара изрекување парична казна во висина од по 2.000 евра во денарска противвредност.

Македонија

ЈСП: Од 9 до 13 часот автобусите нема да сообраќат

Објавено пред

ЈСП информира дека од утре, четврток, 9 април, па секој работен ден, јавниот превоз ќе функционира од 5 до 9 часот, па од 13 до 16 часот, односно од 9 до 13 часот автобуси нема да сообраќаат.

Автобусите ќе возат по саботен возен ред, со исклучок на линиите 9, 19, 20 и 23 часот кои ќе сообраќаат по редуциран делничен возен ред.

Во прилог се термините на поаѓање (првите и последните, согласно рестрикциите).
Останатиот распоред, може да се види на веб страницата, со избор на посакуваниот ден/датум.

Согласно одлуката за забрана за движење oд петок од 16 часот до 5 часот во понеделник, јавниот превоз во посочениот период нема да функционира.

Во истиот период нема да работат билетарниците и центрите за персонализација.

РАБОТНО ВРЕМЕ БИЛЕТАРНИЦИ И ЦЕНТРИ ЗА ПЕРСОНАЛИЗАЦИЈА во РАБОТНИ ДЕНОВИ

Од понеделник до петок, дел од билетарниците и центрите за персонализација ќе имаат скратено работно време, а дел ќе бидат затворени.

Билетарници
Од 7.30 до 14 часот ќе работат билетарниците во Аеродром, Ѓорче Петров, Драчево, Маџари, Бутел, билетарницата на Зелен пазар и таа во Автокоманда, кај Дирекцијата на ЈСП Скопје.

Центри за персонализација
Отворени од 7.30 до 14 часот ќе бидат центрите за персонализација во Карпош 2, на Бит пазар и центарот на Транспортен центар.

„Новиот, изменет режим на функционирање на јавниот превоз и работното време на билетарниците и центрите за персонализација, ќе важи во наредниот период, сѐ до новите препораки на надлежните институции. Во случајов, ЈСП Скопје не одлучува самостојно за режимот на јавниот превоз, туку, тој е согласно мерките, препораките и насоките на сите надлежни институции задолжени за справување и превенција од ширење на коронавирусот“, велат од ЈСП.

Прикажи повеќе...

Македонија

ЕСЕ: За да се избегне неконтролирано ширење на Ковид-19 во Шуто Оризари, бараме итно да се преземат мерки

Објавено пред

Неколку здруженија побараа итно да се преземат мерки во Шуто Оризари по потврдениот прв случај на заболен од коронавирус во оваа скопска општина.

„По најновите случувања во општината Шуто Оризари, односно по дијагностицираното лице позитивно на Ковид-19, три семејства со повеќе членови се ставени во задолжителна самоизолација. Семејствата живеат во една од најзагрозените населби во општината Шуто Оризари – Брсјачка Буна. Проблем претставува што семејствата живеат во импровизирани живеалишта, во супстандарни услови, без проточна вода, канализација и струја. Воедно, повеќето од нив делат иста просторија, без можност за остварување физичка дистанца. Овие лица немаат никакви можности да ги применат основните мерки за заштита од Ковид-19 при појава на случај на заболен член во семејството, како што се физичка дистанца, редовно миење на рацете, дезинфекција на површините, носење заштитни маски и сл. Доколку не се преземат навремени мерки, постои огромен ризик голем некои од овие лица да заболат од Ковид-19“, велат од здруженијата.

Тие сметаат дека поради тоа што жителите немаат можност да ги применат основните мерки за заштита од ширење на Ковид-19, постои голем ризик за ширење на инфекцијата во целата населба, па и пошироко во општината.

„Со цел да се избегне неконтролирано ширење на епидемијата со Ковид-19 во најзагрозените населби и во целата општина Шуто Оризари, бараме итно да се преземат координирани мерки од страна на Владата, главниот кризен штаб, Министерството за здравство, Министерството за труд и социјална политика, единицата на локална самоуправа на општината Шуто Оризари и кризниот штаб во рамките на Општина Шуто Оризари“, се вели во заедничкото соопштение на Здружението за еманципација, солидарност и еднаквост на жените – ЕСЕ, Здружението за развој и унапредување на ромската заедница – „Романо Чачипе“ и Иницијативата за развој и инклузија на заедниците – ИРИЗ, чија работа е поддржана од Фондацијата „Отворено општество Македонија“.

Тие бараат Владата да обезбеди и опреми соодветни објекти за изолација, да се воспостави протокол со цел при појава на идни случаи на лица заболени од Ковид-19 веднаш да се направи процена на условите во кои живее семејството, да се направи тестирање на Ковид-19 на примерок на лица, соодветно на епидемиолошката процена, од ранливата населба во Шуто Оризари, каде што веќе има семејства во самоизолација, да се обезбеди тим кој редовно ќе им мери температура на лицата од ранливите населби, да се отвори пункт за земање брисови за дијагностика на Ковид-19 во рамките на ЈЗУ Здравствена станица „Шуто Оризари“ и да се спроведува здравствена едукација, особено совети за превенција, правилна самоизолација, грижа за лице заболено од Ковид-19 и сите други потребни информации.

Здрженијата бараат и да се спроведува и редовна дезинфекција на улиците, на жителите што немаат проточна вода во домаќинствата во целата општина редовно да им бидат делени средства за дезинфекција на база на алкохол, а на сите граѓани да им се поделат маски за заштита, со информации за правилна употреба на маските и да се соопштува бројот на заболени и починати лица од Ковид-19 во општината Шуто Оризари, со што ќе се овозможи соодветно преземање превентивни мерки, особено во најранливите населби.

Прикажи повеќе...

Македонија

Медицинска помош од Турција пристигна во земјата

Објавено пред

На Меѓународниот аеродром „Скопје“ пристигна помошта од Турција, која се состои од 50.000 заштитни медицински маски, 1.000 заштитни скафандери и 1.000 дијагностички теста.

Донацијата им беше предадена на министерот за надворешни работи, Никола Димитров, и на заменик-началникот на Генералштабот, Азим Нуредин, од страна на амбасадорот Хасан Мехмет Секизќок.

„Во овие тешки времиња кога светот е соочен со исклучително тежок предизвик за јавното здравје и справување со последиците од пандемијата на Ковид-19, подавањето рака меѓу земјите дава надеж дека заедно побргу ќе бидат надминати. Високо ја цениме и сме благодарни за несебичната поддршка со медицинска и заштитна опрема што денес ни пристигна од пријателска Турција“, рече Димитров.

Турскиот амбасадор, Хасан Мехмет Секизќок, рече дека во овие денови лидерството и меѓународната солидарност имаат особена важност.

„Со ваква перцепција на работите, Република Турција испраќа медицински материјал во земјите од светот со цел справување со епидемијата. Се разбира, нашите народи со векови живееле заедно на Балканот и во Македонија, која е во срцето на Балканот, и секојпат го задржала своето место во срцето на Турција и турскиот народ. Ние ги уважуваме поимите братство и пријателство и сè што е во тој дух. Медицинската опрема што стигна денес во Скопје заедно со себе носи љубов, пријателство и поздрави од почитуваниот претседател и турскиот народ и посакувам да придонесе во заздравувањето на раните на македонскиот народ“, рече тој.

Прикажи повеќе...

Најново

Македонија59 минути

Медицинска помош од Турција пристигна во земјата

На Меѓународниот аеродром „Скопје“ пристигна помошта од Турција, која се состои од 50.000 заштитни медицински маски, 1.000 заштитни скафандери и...

Македонија3 часа

Почина родилката од Куманово заразена со коронавирус

Министерството за здравство ја информира јавноста дека денеска починала 27-годишната родилка од Куманово позитивна на Ковид-19. Таа на 30 март...

Македонија4 часа

Маж кој починал во стан во Кавадарци посмртно позитивен на вирусот

Министерството за здравство информира дека на Клиниката за инфективни болести во Скопје во изминативе 24-часа починалo едно лице од Куманово...

Свет4 часа

Стапката на смртност од коронавирус е шест пати помала во земјите коишто ја користат БСЖ-вакцината

Земјите кои имаат широко распространета програма за вакцинирање со БСЖ имаат стапка на смртност од коронавирус речиси шест пати пониска...

Економија4 часа

Од 10 до 12 часот приоритет во банките ќе имаат лицата над 67 години

Народна банка заради заштита на јавното здравје апелира филијалите и експозитурите на банките да се посетуваат само кога тоа е...

Свет8 часа

Сопственикот на „Твитер“ издвои една милијарда долари за борба против коронавирусот

Основачот и сопственик на „Твитер“, Џек Дорси, ќе даде 1 милијарда американски долари за борба против пандемијата на коронавирус. Во...

Свет8 часа

ЕУ: Лажните вести за коронавирусот доаѓаат од Русија

Потпретседателката на Европската комисија, Вера Јурова, вели дека Европската Унија идентификувала лажни информации за пандемија на коронавирус коишто доаѓаат од...

Македонија9 часа

Скопјанец потпишал изјава за изолација, па отишол да пазари во маркет

Скопското основнo јавно обвинителство предлага казна за човек кој ја прекршил мерката за самоизолација, откако од Словенија се вратил во...

Свет9 часа

Главниот научник во ЕУ поднесе оставка

Главниот научник во Европската Унија поднесе оставка, обвинувајќи го Брисел поради одговорот на кризата со коронавирусот, нарекувајќи го „разочарувачки“, објави...

Свет9 часа

Борис Џонсон е во стабилна состојба

Британскиот премиер Борис Џонсон ја помина и втората ноќ на интензивна нега, каде прима соодветна терапија поради коронавирусот. „Господинот Џонсон...

Свет9 часа

(Видео) Вухан излезе од изолација, луѓето ја пееја химната на мостовите

По речиси 11 недели или точно 76 дена, кинескиот град Вухан, каде почна пандемијата на коронавирусот, излезе од изолација. Кинеските...

Свет10 часа

Трамп ги шокира Американците: Ќе го прекинеме финансирањето на СЗО

Американскиот претседател Доналд Трамп синоќа одржа ретко видена прес-конференција во Белата куќа, на која се пресмета со противниците на најлошиот...

Регион10 часа

Вучиќ: Полициски час преку цел викенд, вонредна состојба уште еден месец

Српскиот претседател Александар Вучиќ оцени дека вонредната состојба во Србија поради пандемијата на коронавирусот, би можела да биде укината во...

Македонија21 час

Вработените во јавниот сектор, кои се ослободени од работа, нема да имаат лански одмор

На оваа седница Владата ја донесе уредбата со законска сила за примена на Законот за вработените во јавниот сектор за...

Македонија22 часа

45-годишен скопјанец почина од коронавирус на пат кон болница

Четириесет и петгодишен пациент од Скопје заболен од коронавирус починал на пат кон болницата „8 Септември“. Според информација од Институтот...

Економија22 часа

Македонската банкарска асоцијација апелира: Плаќајте преку интернет, користете картички место кеш

Македонската банкарска асоцијација информира дека банките и штедилниците интензивно преземаат активности за заштита на здравјето на клиентите. „Апелираме до граѓаните,...

Економија24 часа

ССМ: Поради солидарност, старите одмори да ги искористат сите вработени во приватниот сектор

Сојузот на синдикатите на Македонија и Државниот инспекторат за труд не ја толкуваат исто уредбата за користење на годишните одмори...

Свет24 часа

Крај на блокадата, Вухан отворен по 76 дена изолација

Кинеските власти ја укинаа блокадата на Вухан и ги одблокираа сите излези од градот кој беше жариште на епидемијата од...

Македонија1 ден

Коронавирусот и кај нас ќе се лекува со крвна плазма од оздравени пациенти

Изготвен е протоколот за лекување заболени од коронавирус со крвна плазма од излекувани пациенти, информира министерот за здравство, Венко Филипче....

Македонија1 ден

Филипче: Се влошува состојбата на родилката од Куманово

Се влошува состојбата на родилката од Куманово, која е заболена од коронавирусот, а чие бебе е негативно на Ковид-19, информира...

Досие