Контакт

Македонија

Пендаровски: Институциите мора побрзо и подобро да го препознаваат трудот на младите иноватори

Објавено пред

Претседателот Стево Пендаровски вчера, преку видеоврска, се обрати на завршниот настан на овогодишниот „Generation Unlimited – Младински предизвик”, односно на презентацијата на решенијата на 5-те тимови финалисти.

Осврнувајќи се темата на иницијативата „Како може дигиталната технологија да влијае за поактивно вклучување на децата и младите со попреченост во образованието и во секојдневниот живот“, претседателот посочи дека младите не се доволно застапени во овој сегмент во нашата земја, односно дека најчесто се очекува иновативните решенија да доаѓаат од повозрасните граѓани.

„Ова е вистинскиот пат по кој треба да одиме и кога ќе заврши кризава да не ги заборавиме дигиталните алатки коишто ни помагаат и допрва ќе ни помагаат на сите нам, на сите категории на лица, а посебно на лицата со попреченост. Треба да ги користиме сите алатки и уште повеќе на овие луѓе да им го олесниме пристапот до образованието, но и до сите други институции. На пример, пред да почне пандемијата, незамисливо беше наставата да се одвива онлајн“, истакна Пендаровски.

Потенцирајќи дека секое понудено иновативно решение е многукратно повредно ако може практично да се примени и конкретно да им помогне на лицата со пречки во нивното секојдневие, претседателот рече дека младите коишто го прифатиле предизвикот Generation Unlimited и чии решенија имаат апликативна вредност, многу побргу фаќаат чекор во споредба со постарата генерација.

„Државните институции мораат да ги препознаваат побрзо и подобро, напорите на младата генерација во овој дел на креативни решенија. И да им даваат простор, да им даваат ресурси, да им помогнат конкретно да ги развијат нивните идеи до крај. Но треба и да се поврзат државните институции, приватниот сектор, граѓанските организации и да постои една синергија со една единствена цел – да обезбедиме услови за остварување на младите креативци, иноватори и за многу кратко време да видиме примена на нивните пронајдоци“, заклучи Пендаровски.

„Generation Unlimited – Младинскиот предизвик“ ги повикува младите иноватори во целиот свет да дизајнираат решенија кои ќе ги подобрат образованието, вработеноста и граѓанската вклученост.

Младинскиот предизвик, кој оваа година се одвива во 40 земји, е иницијатива која глобално остава силен впечаток и служи како пример за тоа што сè  може да постигнат младите.

 

Македонија

Велосипедот сè уште најмудра опција за транспорт

Објавено пред

Светскиот ден на велосипедистите оваа година Град Скопје го дочека справувајќи се со предизвиците на светската пандемија на коронавирусот која го наметна велосипедот како најбезбедно превозно средство од аспект на превентивната заштита од Ковид-19.

Во тек е јавниот повик за субвенционирање за купување велосипед за жителите на Скопје кој градот ко распишува веќе неколку години по ред. Средствата што Градот Скопје ќе ги субвенционира се во износ од 50% од вредноста на велосипедот, но не повеќе од 3.000 денари по лице.

Годинава интересот за набавка на велосипеди е драстично зголемен, особено по појавата на епидемијата на коронавирусот, за што говори и фактот дека само во првиот ден од објавувањето на јавниот повик поднесени се 696 барања од граѓаните за субвенции за купен велосипед. Зголемениот интерес и почитувањето на физичката дистанца меѓу граѓаните коишто аплицираа резултираше со формирање редица подолга од 200 метри околу седиштето на Град Скопје.

До крајот на денешниов ден поднесени се вкупно 2.173 барања од граѓаните за субвенции за купен велосипед и 191 барање за купен тротинет. Ги охрабруваме граѓаните кои имаат интерес да поднесат барање за субвенции да го сторат тоа и во текот на утрешниот ден.

Во моментов се работи на изградба на велосипедски ленти на коловоз на улиците Св. Кирил и Методиј и 4 Јули, а велосипедски патеки се градат на булеварите АСНОМ и Киро Глигоров и на улицата Благоја Стефковски.

Новата велосипедска лента на улицата Св. Кирил и Методиј е со ширина од 1,5 метри, а е добиена со стеснување на постојните три коловозни ленти од 3,5 на 3 метри. На тој начин се добива побезбеден сообраќај преку смирување на автомобилскиот сообраќај, бидејќи ширината на сообраќајните ленти од 3 метри е идеална ширина за брзина на движење од 50 км/час колкаво што, впрочем, е законското ограничување на максималната брзина на движење на автомобилски сообраќај на градските улици.

До крајот на годинава се очекува да биде изградена нова велосипедска инфраструктура на булеварот Александар Македонски и на улиците Васко Карангелески, Франклин Рузвелт и Никола Парапунов.

Покрај брзата изградба на нови велосипедски патеки и велосипедски ленти на коловоз, во насока на превентивна заштита од коронавирусот, а со цел ослободување повеќе простор за велосипедски и пешачки сообраќај како најбезбедни од тој аспект, Град Скопје го започна отстранувањето на 240 рекламни објекти (билборди и ситилајти) кои во минатото биле поставени на јавни површини кои го ограничуваат просторот за движење на велосипедистите и пешаците. Најголем дел од овие рекламни објекти биле поставени на јавни површини во централното градско подрачје, а дел од нив биле поставувани и на велосипедски патеки, спротивно на сообраќајните прописи.

Покрај овие рекламни објекти за кои постои договор помеѓу Град Скопје за приватните концесионери, предвидено е и интензивно отстранување на нелегално поставени рекламни објекти на јавните површини на повеќе локации во градот.

Во претстојниот период Град Скопје ќе ги продолжи интензивните активности во насока на развивање нова и унапредување на постојната велосипедска инфраструктура нудејќи практични сообраќајни решенија кои ги мотивираат граѓаните уште помасовно да го користат велосипедот како превозно средство во насока на постигнување одржлива урбана мобилност на долг рок.

Прикажи повеќе...

Политика

Град Скопје направи целосна системска корекција на решенијата за фирмарина за 2020

Објавено пред

Градот Скопје ги известува сите таксени обврзници дека Советот на Град Скопје донесе Одлука за изменување и дополнување на „Одлуката за висината на комуналните такси во Град Скопје“, и започнувајќи од 01.01.2020 година се изврши измена во Тарифниот број 1 на Одлуката, и се намали комуналната такса за фирма, како дополнително олеснување на финансиската состојба на таксените обврзници кои вршат дејност.

Одделението за утврдување и наплата на комунални такси и други надоместоци изврши целосна системска корекција на решенијата за 2020 година по намалени износи, а кои се однесуваат на Тарифниот број 1, согласно со донесената Одлука.

Доколку таксените обврзници сакаат да добијат коригиран примерок од решенијата, истите може да ги испечатат на официјалниот портал на Град Скопје и тоа во ставката ДАНОЦИ, каде што е потребно да се регистрираат и понатаму да ги следат упатствата кои водат до саканиот чекор.

Во однос на тие обврзници кои веќе извршиле уплата со целосниот износ наведен во решението, Ви укажуваме дека натплатениот износ за такса ќе се префрли за наредната година или по завршувањето на вонредната состојба, на барање на таксениот обврзник, ќе се изврши враќање на натплатениот износ.

Прикажи повеќе...

Македонија

ДОМ: Дали со новиот ДУП во Карпош се почитува Законот за урбано зеленило?

Објавено пред

Донесувањето на ДУП-от за Градска четврт З 04, Блок 02, за кој е во тек јавната анкета, треба да се преиспита, бидејќи не е јасно дали го почитува членот 20 од Законот за урбано зеленило што бара примена на минимум 20% зеленило на градежна парцела, соопшти ДОМ.

„ДУП-от опфаќа 7 градежни парцели, од кои повеќето се веќе изградени, а согласно планската документација, зеленило се предвидува на само 0,27 хектари (или 2658 м2), односно на само 9,02% од урбаниот опфат. Притоа не се дава прецизна информација за застапеноста на урбано зеленило на ниво на градежна парцела, што, пак, го бара Законот за урбано зеленило.

ДОМ апелира до сите општини, при носењето ДУП-ови да го почитуваат Законот за урбано зеленило. Изработувачите на урбанистички планови и стручните тела во општините, доследно да ги применуваат одредбите од Законот за урбано зеленило и Правилникот за планирање, проектирање, подигање и одржување на зеленилото.

Така ќе се овозможи „зазеленување” на урбанизмот, намалување на аерозагадувањето и климатските промени и поздрав и поквалитетен живот на граѓаните“, велат од партијата.

Прикажи повеќе...

Најново

jovan-despotovski jovan-despotovski
Економија31 минута

380 компании симнале апликација за брзо закрепнување од Ковид-19, жените прептприемачи имаат предност

За да не изразуваме жалење одново и одново поради тоа што малку компании раководени од жени аплицираат за државна поддршка,...

Економија1 час

Граѓаните на интернет ќе треба да проверат дали се меѓу корисниците на домашната платежна картичка

Граѓаните кои ќе бидат корисници на домашната платежна картичка нема потреба да аплицираат или да се пријават за да ја...

Македонија2 часа

Османи во Штип: Во компаниите ќе има ковид-координатори кои ќе го следат спроведувањето на мерките

Вицепремиерот задолжен за европски прашања, Бујар Османи, во улога на главен координатор на кризните штабови за одбрана од Ковид-19, оствари...

Македонија3 часа

Четворица починати и 101 случај на новозаразени од Ковид-19

Во последните 24 часа се направени 974 тестирања, а регистрирани се 101 нови случаи на Ковид-19, информираат од Минитерството за...

Свет6 часа

Тајна снимка на СЗО откри како Кина го прикрила коронавирусот

Снимки од интерни состаноци во Светската здравствена организација покажале дека СЗО едвај ги добила најпотребните информации од Кина на почетокот...

Европа6 часа

Главниот шведски епидемиолог призна дека од денешен аспект би имал друг пристап кон пандемијата

Главниот шведски епидемиолог, кој стои зад стратегијата земјата да не применува строги мерки поради пандемијата на коронавирусот, призна дека требало...

Свет6 часа

(Видео) Бајден: Полицијата треба да пука во нозе

Полицајците кои пукаат во луѓето кои претставуваат закана треба да им пукаат во нозете, а не во срцето, соопшти поранешниот...

Свет7 часа

Војска распоредена околу Вашингтон, трупите се во состојба на засилена готовност

Околу 1.600 американски војници се распоредени во пошироката област на Вашингтон и се во состојба на засилена подготвеност, објави Пентагон...

Европа8 часа

По тримесечната блокада, Италијанците од денеска може да патуваат низ земјата

Италија денеска ги отвори регионалните граници по тримесечна блокада поради пандемијата, со што е овозможена поголема слобода на движење за...

Регион19 часа

Црна Гора прогласи крај на епидемијата

Националното координативно тело за заразни болести, по предлог на Институтот за јавно здравје, прогласи крај на епидемијата на Ковид-19 во...

Свет20 часа

Трамп се закани дека ќе ја испрати војската за да стави крај на протестите

Трамп се закани дека ќе ја испрати војската за да ги угасне протестите во САД, поради смртта на Афроамериканецот Џорџ...

Свет21 час

Путин: На напад со конвенционално оружје Русија ќе возврати со нуклеарно

Рускиот претседател, Владимир Путин, донесе уредба со која се утврдува дека руската војска може да употреби нуклеарно оружје како одговор...

Македонија21 час

Не се 67 новозаболени, туку 76 – покажуваат новите бројки на Министерството за здравство

Од Министерството за здравство информираат дека бројот на новозаболени е 76, а не како што претходно беше објавено дека се...

Македонија23 часа

Од денес во изолација 60 полицајци на служба во Гевгелија поради позитивен колега странец

Шеесетина полицајци, кои ја чуваат јужната граница на Македонија поради постојаната опасност од нов мигрантски бран, од денес се во...

Македонија1 ден

Случај „Рекет“: Навреди и критики кон Русковска и Камчеви во завршните зборови на Јанева

Со критики и навредливи зборови за Орце и Ана Камчеви, обвинетата Катица Јанева ги даде своите завршни зборови во судот...

Македонија1 ден

На 18 јуни пресуда за случајот „Рекет“

За две недели, односно на 18 јуни судот ќе ја изрече пресудата за случајот „Рекет“ во кој обвинети се Бојан...

Македонија1 ден

Бухова: Завршени се 100 од 485 тестови на вработени во конфекциските фабрики во Штип

Директорката на Државниот здравствен и санитарен инспекторат Ирина Бухова вели дека будно се следи состојбата со кластерите на новозаразени од...

Регион1 ден

Цело одделение во Марибор во карантин, еден ученик позитивен на коронавирус

Сите ученици од една паралелка од трето одделение во основно училиште во Марибор, Словенија, се во 14-дневен карантин, откако на...

Македонија1 ден

Портпаролката на СДСМ во самоизолација

Портпаролката на СДСМ, Богданка Кузеска, е во самоизолација затоа што имала средба со директорката на УЈП, Сања Лукаревска, која е...

Регион1 ден

Црна Гора 28 дена без нови случаи, исполнети се условите за крај на епидемијата

Во Црна Гора се исполнети условите за прогласување крај на епидемијата на коронавирус, изјавил Сенад Бегиќ, помошник-директор на Институтот за...

Досие