Либерално-демократската партија најостро го осудува вандалскиот чин на симнување на знамето на Македонската православна црква-Охридска архиепископија од јарболот пред храмот „Свети Наум Охридски“ по што веднаш е поставено знаме на Албанија.

Ова е директен напад кон верниците, но и кон свештенството на МПЦ-ОА и претставува сериозен аларм во државата, особено кога некој се охрабрува да си игра со верските и националните чувства на граѓаните, велат од ЛДП.

Според нив, намерните провокации не придонесуваат кон соживот, толеранција и разбирање на различностите. Оценуваат дека како наближуваат изборите, најголем број од партиите ќе играат на својата најсигурна карта, картата на национализмот и презирот кон сите и сѐ што е поинакво од нив.

„Ваквите немили настани се само еден дел од валкана игра, која одредени политички субјекти се подготвени да ја играат само за да се задржат или да дојдат на власт. Веруваме дека мнозинството Албанци го осудуваат овој варварски чин на сквернавење на црковното знаме и бараме од албанските политички субјекти да го осудат овој варварски чин и со тоа да ги обесхрабрат идните потенцијални провокатори. ЛДП како политичка партија, каде што членуваат и се застапени припадници на сите етнички заедници и религии, смета дека во едно мултиетничко општество треба да се дискутира како да се подобри состојбата во сите сектори на државата и таа да се издигне на рамниште на западноевропските земји“, се истакнува во реакцијата.

Министерот за земјоделство, шумарство и водостопанство, Љупчо Николовски, заедно со претствници на Светската банка, денеска беше на увид на локацијата на новата логистичко-дистрибутивната платформа во Скопје, општина Гази Баба.

Оваа логистичко-дистрибутивната платформа е уште една голема и значајна капитална инвестиција, која станува реалност, со што се исполни уште едено ветување дадено пред земјоделците и пред граѓаните.

Пред само неколку недели беше потпишан договорот и почна процесот за иградба. Ова е голема стратешка инвестиција, која ќе се простира на речиси 30.000 квадратни метри, со огромен потенцијал да процесира приближно 46.000 тони овошје и зеленчук. Платформата овозможува организирање и унапредување во снабдувањето, со безбедни и свежи прехранбени производи. Овозможува поедноставен пристап до пазарот за локална свежа храна и ќе обезбеди логистички и други услуги за земјоделско-прехранбениот сектор за домашниот и меѓународниот пазар.

„Логистичко-дистрибутивна платформа не е само градежен проект, туку симбол за посветла иднина во земјоделскиот сектор во земјата. Како што ќе напредува низ своите фази, новата платформа ветува дека ќе го трансформира земјоделството правејќи го поконкурентно, одржливо и економски просперитетно“, изјави Николовски.

„Еве, денес, токму од локацијата, овде во Скопје, во оптшина Гази Баба, каде што е предвидена изградбата на оваа важна капитална инвестиција, почнува реализирањето на првата фаза од проектот. Ова е голем капитален прокет, кој се реализира првпат во историјата на државата, со огромна важност за развојот и унапредувањето на земјоделскиот сектор“, потенцира Николовски.

Средствата за изградбата на платформата се обезбедени преку проектот за модернизација на земјоделството, финансиран со заем од Светската банка, во износ од 46 милиони евра и дополнителни 4 милиони евра грант од Европската Унија преку ИПА-фондовите. Она што од оваа логистичко-дистрибутивната платформа се очекува е да се вклучи пазар на големо и да биде логистичка област со капацитети за суви и ладни складишта.

Покрај изградбата на логистичко-дистрибутивната платформа во Скопје како дел од проектот за модернизација на земјоделството, се предвидува и изградба на два откупни центра во Струмица и Ресен. Набргу ќе бидат потпишании договорите за овие два значајни проекта, со што можеме да го означиме почетокот на нивната реализација.

Заедно овие три значајни капитални инвестиции на нашите земјоделци им даваат сигурност, подобро организиран и гарантиран пласман и пазар за нашето домашно земјоделско производство.

Рекреативната патека е нова можност за жителите на општината за дружење и рекреација, се создаваат услови за развој на спортот, но и за локалниот развој, преку збогатување на понудата за домашните и за посетителите од странство. Додадена вредност на овој проект е во тоа што е избран од граѓаните на Крива Паланка, во консултативен процес организиран од страна на Општината, рече министерот за локална самоуправа, Ристо Пенов, кој заедно со постојаниот претставник на УНДП, Армен Григорјан, имаше состанок со градоначалникот на општината, Сашко Митовски.

„На задоволство на сите нас, а најмногу на граѓаните на Крива Паланка, денеска се заокружува еден убав проект, кој е резултат на соработката меѓу Министерството за локална самоуправа, УНДП, швајцарската влада и општината. Двата проекта се финансирани со средства од Министерството за локална самоуправа и од швајцарската влада. Имплементатор е УНДП. Со свои средства учествува и Општината, што покажува дека локалните власти се заинтересирани за развојот и за подобрување на квалитетот на живеење на своите граѓани“, рече министерот за локална самоуправа.

Според Пенов, Министерството за локална самоуправа ги поддржува проектите што имаат влијание на локалната демократија. Без локална демократија, нема локална самоуправа и, обратно, без локална самоуправа, нема локална демократија.

„Министерството за локална самоуправа во соработка со УНДП учествува во реализацијата на слични проекти во 40 општини за што за периодот од 2022 до 2026 година се обезбедени 2 милиона долари, со поддршка на швајцарската влада. Овие процеси се заемно условени, а најважно од сѐ е граѓаните да ја препознаат корисноста од сопственото учество и да го валоризираат својот глас преку создавање партнерства со локалните власти и заедничко подобрување на условите за живеење во локалната заедница. Исто така, денеска имав можност да видам како е опремена салата на Советот на Општината. Преку проектот ‘Зајакнување на општинските совети’ е набавена опрема за пренесување на седниците на Советот во живо. На овој начин се зголемуваат транспарентноста и отчетноста на локалните власти“, истакна министерот.

Двата проекта се реализираа во рамките на програмата „Зајакнување на општинските совети“, која ја финансираат швајцарската влада и Министерството за локална самоуправа, а ја кофинансира и спроведува Програмата за развој на Обединетите нации (УНДП) во соработка со национални и локални партнери.

„Министерството за локална самоуправа ги поддржува проектите што имаат влијание на локалната демократија. Без локална демократија, нема локална самоуправа и, обратно, без локална самоуправа, нема локална демократија. Овие процеси се заемно условени, а најважно од сѐ е граѓаните да ја препознаат корисноста од сопственото учество и да го валоризираат својот глас преку создавање партнерства со локалните власти и заедничко подобрување на условите за живеење во локалната заедница“, заклучи министерот.