Македонија
Пендаровски: Македонско-американското пријателство е на добра основа и нема елементи кои можат да го загрозат
![](https://makfax.com.mk/wp-content/uploads/2023/06/Foto-1-1-1.jpeg)
Претседателот Стево Пендаровски се обрати на конференцијата „Односите на Соединетите Американски Држави и Северна Македонија во ера на геополитички превирања“ во организација на Претседателскиот центар за политичко образование. На конференцијата се обрати и Анџела Прајс Агелер, амбасадорка на Соединетите американски држави во Република Северна Македонија.
Осврнувајќи се на меѓусебните односи претседателот Пендаровски истакна дека Северна Македонија во САД секогаш гледа како на стратешки партнер. Земјава, како што истакна претседателот Пендаровски е една од неколкуте држави којашто со САД има потпишано Договор за стратешко партнерство. Во таа насока, додаде претседателот Пендаровски, националниот интерес на САД е Северна Македонија да остане во овие граници, да биде демократска и функционална, мултиетничка држава.
„Нашето партнерство со САД е засновано на јасни премиси, јасни вредности кои ги споделуваме. Нашите граѓани во огромен број, и Македонците и Албанците, бидејќи тука има разлика во перцепции, сепак не гледаат друг геополитички актер кој би требало да ја замени улогата кои сами ја имаат како модел на демократија на која се угледуваме“, истакна Пендаровски.
Говорејќи за влијанието на трети земји во државата, но и воопшто во регионот, претседателот Пендаровски подвлече дека истите не се закана за разнишување на партнерството на САД со Северна Македонија.
„Македонско-американското пријателство, стратешко пријателство е на добра основа и тука нема елементи кои можат да го загрозат до степен некој да размислува, следна Влада, следен Парламент, да размислуваат за фундаментална промена на стратешкиот курс на Македонија“, заклучи претседателот Пендаровски.
Според амбасадорката Агелер, нашата земја е несомнено побезбедна како членка на НАТО, има безбедносна гаранција од САД и од другите меѓународни партнери. Придонесот на Северна Македонија од приклучувањето во Алијансата, како што посочи Агелер е извонреден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.