Контакт

Македонија

Полицијата врши претрес во домот на родителите на Бојан Јовановски

Објавено пред

Полицијата вечерва врши претрес во домот на родителите на Бојан Јовановски, познат како Боки 13, во скопската насела Тафталиџе.

Пред семејната куќа на Јовановски има полициско возило, а на влезот од дворот може да се забележи припадник на полицијата со уште две лица.

Бојан Јовановски – Боки 13 попладнево беше уапсен на еден од граничните премини во државата на барање на Обвинителството за организиран криминал. Приведен и е бизнисменот Зоран Милевски, познат како Зоки Кичеец, кој попладнево беше спроведен во Кривичниот суд на распит.

Двајцата се осомничени за примање награда за противзаконито влијание, а едниот од нив се сомничи и за перење пари. Според предистрагата, во периодот од април 2018 до април 2019 година тие барале рекет од бизнисмен, за преку извесен јавен обвинител на кој не му беше соопштен идентитетот, да биде олеснета постапката што се води против него. Од бизнисменот биле барани 8 милиони евра, а добиле 1,5 милиони евра.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Видео) Доделени 20 стипендии „Борис Трајковски“ за постдипломски студии на Сити колеџ од Солун

Објавено пред

Претседателот Стево Пендаровски ги додели стипендиите „Борис Трајковски“ за академската година 2019/2020 година за постдипломски студии за извршни позиции, ЕМБА, на Меѓународниот факултет на Универзитетот Шефилд, Сити колеџ од Солун, Грција. Стипендиите традиционално, 15 години наназад, ги добиваат 20-те најдобри кандидати, односно, како што рече Пендаровски, професионалци со завидно искуство.

„Стипендиите кои денес ги доделуваме имаат повеќе од образовно значење. Тие го носат името на покојниот претседател Борис Трајковски. Имав чест да бидам дел од неговиот тим и лично да се уверам во неговата големина пред сè како човек и да сведочам на неговите квалитети на вистински државник и политичар со визија. Затоа овие стипендии посебно ги обврзуваат нивните носители да ги почитуваат и актуелизираат вредностите кои тој ги промовираше и живееше. Благодарение на Борис Трајковски, во нашето општество се трасираше пат на соработка, пријателство, почитување, скромност и одговорност. Без разлика пред какви лични или колективни предизвици да се наоѓаме, да не скршнеме од патот по кој достоинствено чекореше претседателот Трајковски“, истакна во своето обраќање претседателот Пендаровски.

Воведувањето на стипендиите, подвлече Пендаровски, своевремено било прв чекор во зацврстувањето на нашата соработка со Грција.

„Сега, кога по преспанскиот договор имаме изменета слика во нашите политички односи, очекувам ваквата соработка и воопшто соработката во образованието, културата, економијата да добиваат на интензитет“, заклучи претседателот Пендаровски.

Честитајќи им на добитниците, претседателот Пендаровски изрази уверување дека стипендистите ќе ја оправдаат довербата и дека ќе продолжат да се развиваат и професионално да напредуваат во својата матична земја. Надеж дека стипендистите, применувајќи ги новите знаења и вештини, ќе придонесат за развој на различни сфери во општеството, изрази и министерот за образование и наука, Арбер Адеми.

„Нам ни требаат кадри како вас. Млади, перспективни, со желба и интерес за континуирана надградба за личните капацитети, вештини и способности и најважно со волја својот интелект да го вложат во сопствената земја и да се заложат да и помогнат да продолжи да оди напред. Да помогнат да продолжиме да одиме по патот кој е веќе трасиран, а добар дел и веќе изоден затоа што сме цврсто сплотени речиси сите општествени чинители, но потребни се уште напори за достигнување на крајната цел. Говорам за членството во ЕУ и НАТО, каде токму со индивидуи како вас во што поголем број, ќе покажеме колку вредиме и колку можеме да придонесеме кон одржување на суштината на постоењето на овие глобални семејства“, рече меѓу другото министерот Адеми.

Посакувајќи им добредојде во Сити колеџот, директорот Јоанис Верверидис истакна дека стипендистите се професионалци со одлични биографии и натпросечен капацитет.

„Ова програма е дизајнирана исклучиво за менаџери и други професионалци и истата ќе биде реализирана од ценети меѓународни професори и експерти. Целта на програмата е да ги подобри вашите лидерски и вештините за управување и да стекнете знаење и познавања за тековните состојби во полето на бизнисот. Преку програмата ќе имате можност да ја комбинирате теоријата со практиката и можноста да учите, да се сретнете и да се поврзувате со своите врсници од 25 други земји“, истакна од своја страна Јоанис Верверидис, директор на Меѓународниот факултет на Универзитетот Шефилд, Сити колеџ од Солун, Грција.

Доделувањето на стипендиите е резултат на соработката помеѓу кабинетот на претседателот на Република Северна Македонија, Министерството за образование и наука и Сити колеџ од Солун. Досега стипендии имаат добиено повеќе од 200 граѓани и тие придонесуваат во општествено-економскиот напредок на државата.

Прикажи повеќе...

Македонија

Заев до министерката Охисало: Негативниот сигнал од ЕУ влијае врз политичките случувања во земјава

Објавено пред

Премиерот Зоран Заев денеска се сретна со делегација од Финска предводена од министерката за внатрешни работи, Марија Охисало, која е во посета на нашата земја и учествува на дводневниот Министерски форум за правда и внатрешни работи ЕУ – Западен Балкан.

Заев на министерката Охисало и изрази благодарност за поддршката на Финска, која во моментов претседава со Европската Унија и напорите кои оваа скандинавска земја ги прави за Северна Македонија да добие датум за почеток на преговори.

„Владата е целосно посветена да ги иницира и практично ги спроведува сите процеси со цел воспоставување на владеењето на правото, демократијата, борбата против корупцијата и обезбедување стабилност и безбедност. Без почитување и применување на овие принципи е невозможно да се зборува за европска и евро-атлантска интеграција на нашата земја“, посочи премиерот подвлекувајќи дека реформите во земјата ќе продолжат и покрај тоа, како што рече, негативниот сигнал од ЕУ влијае врз внатрешните политички случувања во земјата и закажани се предвремени избори.

Како што информираат од владината прес-служба, на средбата станало збор и за новата методологија за преговори предложена од Франција, за која Северна Македонија е подготвена активно да се вклучи во нејзиното донесување за да се забрза остварувањето на единствената перспектива за земјата – членство во Европската Унија.

 

Прикажи повеќе...

Македонија

Обезбедени нови 40 автоматски агитатори за Институтот за трансфузиона медицина

Објавено пред

На Институтот за трансфузиона медицина, во согласност со европските препораки за квалитет во крвната банка, обезбедени се 40 автоматски агитатори.

Функцијата на овие агитатори се состои во следење на процесот на дарување крв (времетраење, количина, кој пунктер, регистрација на неусогласености при дарување), регистрација на сите податоци за кесата која се употребува за крводарување и онлајн миграција на сите податоци директно во националниот информатички систем за крвна банка e-Delphyn.

Агитаторите се поделени на стационарни за Институтот за трансфузиона медицина, Центрите за трансфузиона медицина во Штио, Битола и Тетово, како и мобилни во рамките на мобилните екипи за собирање крвни единици. Со ова, се заокружува процесот на усогласување на работа според европските директиви.

Како што велат од Министерството за здравство, во Институтот за трансфузиона медицина реновирани се просториите, обезбедени се нови комбиња, фрижидери и апарат за харвестрација на матични клетки.

Прикажи повеќе...

Најново

Економија1 час

Бензините поевтинуваат

Бензините од ноќеска на полноќ ќе поевтинат за половина денар, додека цената на дизелот ќе остане иста, соопшти Регулаторната комисија...

Македонија4 часа

(Видео) Таткото на Боки 13 осуден на шест месеци затвор

Миле Јовановски, таткото на Бојан Јовановски, познат како Боки 13, е осуден на казна затвор во траење од шест месеци,...

Македонија5 часа

Серија земјотреси ја погодија Битола

Вчера и денеска регистрирани се серија земјотреси со епицентри во пограничното епицентрално подрачје Битола – Лерин во Грција, соопшти Сеизмолошката опсерваторија...

Економија5 часа

(Видео) Финансии дава 33.000 евра за маркетинг-стратегија за „МојДДВ,#МојаНаграда“

Министерството за финансии одвои половина милион евра за награди за скенирање сметки во рамки на акцијата „Мој ДДВ“. Предвидени се...

Македонија6 часа

Завршни зборови во „Тврдина 2“, в среда втора пресуда за Горан Грујевски

Во кривичниот суд во Скопје в среда судијката Елена Илиевска-Јосифовиќ треба да ја изрече по вторпат пресудата за ексначалникот на...

Свет7 часа

Ноќ на насилство во Хонг Конг: големи судири меѓу демонстрантите и полицијата

Полицијата во Хонг Конг употреби солзавец и гумени куршуми за да приведе стотици антивладини демонстранти кои се обидоа да излезат...

Свет8 часа

(Видео) Пукање во Калифорнија – застрелани десет лица додека гледале фудбал

Во масовно пукање на забава во Калифорнија се застрелани десет лица, од кои четворица починале. Пукањето се случило околу 18...

Економија9 часа

Првпат во историјата глобалниот долг надминува 250 милијарди долари

Комбинираните долгови на националните влади, претпријатија и домаќинства на глобално ниво се зголемиле за 7,5 милијарди долари во текот на...

Македонија9 часа

Приватните специјализанти на протест, бараат повисоки плати

Кофинансираните приватни специјализанти најавија протест за денеска пред Министерството за здравство за да побараат повисока плата и поради тоа што...

Екологија20 часа

Џиновска панда од Вашингтон ќе патува за Кина со приватен лет

Беи Беи, џиновската панда во Националната зоолошка градина Смитсонијан во Вашингтон неделава патува за Кина – и тоа со приватен...

Свет20 часа

Трамп: Бајден е поспан и бавен, но е подобар од бесно куче

„Џо Бајден е нешто подобар од бесно куче“, изјави американскиот претседател Доналд Трамп критикувајќи го неговиот политички ривал. Трамп на...

Европа21 час

Штетите од поплавите во Венеција изнесуваат околу една милијарда евра

Штетите од поплавите во Венеција изнесуваат околу една милијарда евра.Ова го изјави градоначалникот Луиџи Бруњаро откако плоштадот Свети Марко во...

Свет22 часа

Папата организираше ручек за 1 500 бездомници

Папата Франциско организираше ручек за 1 500 бездомници и лица во неволја. Римокатоличката црква денеска го одбележува денот на сиромашните, а...

Македонија1 ден

Франција е за влез на Балканот во ЕУ, но со нова постапка во седум етапи

Земјите од Западен Балкан треба да влезат во Европската унија, но преку нов, постепен процес на пристапување во седум фази,...

Свет1 ден

Русија ѝ ги враќа запленетите воени бродови на Украина

Русија започна да ги враќа украинските воени бродови запленети на 25. ноември минатата година во Керчкиот проток, соопштија руските власти....

Свет1 ден

(Видео) Бојно поле на улиците на Хонгконг, полицаец погоден со стрела

Полицаец од Хонгконг денеска бил погоден со стрела в нога, отакако полицијата употребила солзавец за да ги растера демонстрантите кои...

Македонија1 ден

Во републичка акција, за една вечер казнети 203 возачи под дејство на алкохол

За откривање на возачи под дејство на алкохол, полициските сектори од цела држава, спровеле акција која траела синоќа од 22...

Регион1 ден

Српскиот министер за здравство: Животот на Вучиќ беше во опасност

Српскиот министер за здравство, Златибор Лончар, денеска во изјава за „Танјуг“ нагласи дека претседателот на државата, Александар Вучиќ, имал хронични,...

Европа1 ден

Британскиот принц Ендрју негира дека злоупотребувал малолетничка на имот на осуден педофил

Британскиот принц Ендрју првпат во интервју за Би-би-си, одговори на прашања за наводната поврзаност со осудениот педофил Џефри Епстајн, при...

Македонија1 ден

Десет лица приведени при контроли во седум скопски локали

Викендов, во периодот од 23 до 04 часот наутро од страна на скопската полиција, Управата за јавни приходи, Државниот пазарен...

Досие