Македонија
Посебен режим на сообраќај денеска во Скопје
![](https://makfax.com.mk/wp-content/uploads/2023/05/348359560_1358552254719702_3272245842681098050_n.jpg)
Министерството за внатрешни работи ја информира јавноста дека денеска, поради одржување марш на мирот во организација на Бошњачкиот национален совет на Република Северна Македонија, Единицата за безбедност на патниот сообраќај при СВР Скопје ќе преземе мерки за посебен режим на сообраќајот.
Имено, со почеток од 18.30 часот, па сè до завршување на маршот, сообраќајот ќе се пренасочува на дел од улицата Христијан Тодоровски-Карпош од крстосницата со улицата Втора македонска бригада, дел од улицата Џон Кенеди со улицата Кемал Сејфула, потегот од улицата Цветан Димов до улицата Џон Кенеди и од улицата Цветан Димов до булеварот Крсте Петков Мисирков“ МВР апелира до граѓаните да ги почитуваат наредбите што ги издаваат полициските службеници на сообраќајниците каде што ќе се одвива маршот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
СДСМ: Минималната плата мора да продолжи да расте, го поддржуваме ССМ во барањата
![](https://makfax.com.mk/wp-content/uploads/2024/03/sdsm4.jpg)
„Не станува збор за тоа колку е долга чергата, туку колку покачувањето на минималната плата е приоритет за оваа Влада. Историјата не учи дека за ВМРО-ДПМНЕ никогаш не е приоритет покачување на минималната плата и грижа за оваа категорија работници, ниту пак дијалог со синдикатите. Седум години СДСМ обезбедуваше пари за плати во време на најголемите економски и здравствени кризи. ВМРО-ДПМНЕ единствено бара изговори за да ја смени политиката на покачување на платите која СДСМ доследно ја спроведуваше. Ова директен удар врз стандардот на граѓаните и враќање кон раст на социјалните разлики во општеството“, велат од СДСМ.
„СДСМ застанува на страна на работниците. СДСМ им дава поддршка на синдикатите да продолжат ревносно да се борат и да ги бараат своите права, исто како што тоа го правеа во време на Владата на СДСМ. Да бидат гласни и доследни, а СДСМ ќе биде нивни сојузник во остварување на правата. Социјадемократскиот Сојуз на Македонија силно верува дека секој работник треба да добие правичен надомест за вложениот труд и од оваа политика нема да се откажеме.
За 7 години минималната плата беше зголемена четири пати, од 8.000 денари на 22.000 денари. Заедно со Синдикатите се утврди и методологија за постојан пораст на минималната плата. Одговорност на Мицкоски и Владата на ВМРО-ДПМНЕ е да продолжи растот на минималната плата и да престане да бара изговори. Работниците тоа го заслужуваат, да имаат достоинствени примања“, пишува во соопштението на опозициската СДСМ.
Македонија
ВМРО-ДПМНЕ: Венко Филипче и Зоран Заев се браќа по криминал и корупција
![](https://makfax.com.mk/wp-content/uploads/2023/01/vmro-dpmne-e1527406133140.jpg)
Венко Филипче и Зоран Заев се браќа по криминал и корупција. Беа живи фатени кога во најголемата здравствена криза во Македонија, Ковид кризата, бркаа провизии за набавка на вакцините, велат од ВМРО-ДПМНЕ.
„Додека илјадници граѓани починаа поради доцнењето на вакцините и Македонија бележеше највисоки стапки на смртност во време на Ковид кризата, Венко Филипче како министер за здравство во владата на Заев договараше вакцини со фирмата Стабри од Хонг Конг по 100% повисока цена од тоа што го плаќаа останатите земји, односно другите влади плаќаа по 30 долари, а Филипче и Заев договараа 62 долари. За 200 илјади вакцини тоа се 6 милиони евра повеќе пари.
Тоа е методот на работа на Венко Филипче, ортакот во бизнисите и матните зделки на Зоран Заев. Тие се лицето и опачината на истата паричка. Сега Филипче седнува на фотелјата во СДСМ мислејќи дека така ќе се заштити од одговорноста од коруптивните зделки за кои постои сериозен сомнеж дека ги направил како министер во владата на Заев. И тој и Заев мислат дека СДСМ ќе ја користат како заложник за да се спасат од евентуални постапки. Но треба да знаат дека таа математика нема да им помине, односно секој кој се огрешил и ќе одговара“, пишува во соопштението на владејачката партија.
Македонија
Левица: 40 проценти од тие што дипломирале, ја напуштиле државата
![](https://makfax.com.mk/wp-content/uploads/2024/05/aerodrom-patnici.jpg)
Македонија се соочува со значителен одлив на високообразовани кадри, што годишно изнесува околу 2500 лица. Според последниот ревизорски извештај на Државниот завод за ревизија (ДЗР), Македонија е една од највисокорангираните земји во светот во оваа категорија. Ова е алармантно и покажува дека државата не ги задржува своите најквалификувани поединци. Ваквата ситуација има тенденција уште повеќе да се влошува, а државата нема ефективна стратегија тоа да го спречи, велат од Левица.
„Во последните години, државата инвестирала значителни средства за високообразовани кадри кои потоа ја напуштиле земјата. Овој одлив има сериозен ефект врз бруто – домашниот производ (БДП) и претставува значителен економски губиток. Односот на државата кон студентите, руинираните образовни институции и студентски домови, кај секој студент предизвикува разочараност од системот, што прави тие во сè поголем број да ја напуштаат државата. Корумпираноста на сите досегашни владеачки гарнитури, наместените конкурси на кои наместо на најквалитетните, работните позиции им се даваат на партиски кадри, прават најдобрите студенти да се принудени да ја напуштат државата за да најдат работно место соодветно на нивното образование надвор од неа. Изминатите влади, без разлика на нивната политичка боја, покажаа неспособност и незаинтересираност да се справат со овој проблем. Сè додека државата е во служба на капиталот, а не на човекот, луѓето нема да ја чувствуваат како своја и ќе ја напуштаат истата, а во голем број случаи и ќе се принудени на тоа. За да се реши овој проблем, неопходно е доаѓање на нови луѓе на власт, чија цел нема да е нивниот личен интерес, и кои со радикални промени потполно ќе отстапат од досегашните практики“, се вели во соопштението на Левица.