Во изминатите 24 часа во државава се потврдени 89 нови случаи на коронавирус и седум смртни случаи, соопшти Министерството за здравство.

По двајца починати пациенти се од Скопје, Куманово и Тетово и еден смртен случај во Струга.

Во ГОБ „8 Септември“ починаа шест лица, двајца од Скопје на возраст од 83 и 80 години, двајца од Куманово на возраст од 73 и 66 години, еден пациент од Струга на 44 години и еден од Тетово на 65 години.

На Клиниката за инфективни болести и фебрилни состојби почина еден пациент од Тетово, на 54-годишна возраст.

Направени се 727 тестирања. Во Скопје се потврдени 35 нови случаи, Куманово-12, Штип-27, Тетово-седум нови случаи, во Кочани се потврдени четири нови случаи и по еден случај во Гостивар, Струмица, Свети Николе и Прилеп.

Денеска Институтот за јавно здравје регистрира 17 оздравени пациенти, и тоа во: Скопје-2, Прилеп-12, Велес-3.

Вкупната бројка на ковид-дијагностицирани во нашата земја од почетокот на епидемијата изнесува 2.315, бројката на оздравени пациенти е 1.569, на починати е 140, а во моментов бројот на активни случаи во земјата изнесува 606.

Последната дистрибуција по градови е следната:

• Скопје – 876, активни 298
• Куманово – 467, активни 55
• Дебар – 51, активни 0
• Штип – 103, активни 68
• Прилеп –212, активни 30
• Тетово – 217, активни 83
• Струга – 84, активни 13
• Велес – 130, активни 27
• Битола –28, активни 3
• Охрид –23, активни 6
• Кавадарци – 5, активни 0
• Гостивар –27, активни 7
• Гевгелија – 4, активни 0
• Струмица – 4, активни 2
• Крива Паланка- 6, активни 0
• Радовиш – 4, активни 0
• Крушево – 3, активни 0
• Кочани – 37, активни 6
• Пробиштип – 2, активни 0
• Кичево – 3, активни 1
• Неготино -12, активни 3 (7 заболени лица од ПЕ Неготино се жители на Демир Капија)
• Демир Хисар – 1, активни 0
• Македонски Брод – 2, активни 0
• Пехчево- 3, активни 0
• Делчево-1, активни 0
• Валандово -2, активни 1
• Виница – 3, активни 1
• Кратово-2, активни 0
• Берово-1, активни 0
• Свети Николе-2, активни 2.

Направените 727 теста се преку: ИЈЗ –446, ЦЈЗ Скопје-53 , Филип Втори (Жан Митрев) –9, Систина со PCR-метода -117 и МАНУ -102.

Досега во земјата се направени вкупно 30.302 тестирања на кКовид -19.

Од вкупниот број направени тестови во изминатото деноноќие, 312 теста се во рамките на скринингот во градинки и геронтолошки установи.Тестирањата се направени преку Центрите за јавно здравје Прилеп и Скопје, а регистрирани се три позитивни случаи во геронтолошка установа во Скопје.

На Клиниката за инфективни болести и фебрилни состојби во изминативе 24 часа примени се 2 пациенти, хоспитализирани се вкупно 45 пациенти. Потешко болни и на кислородна поддршка се 16 пациенти, нема пациенти на механичка вентилација.

Во ГОБ „8 Септември“ примени се 5 нови, а вкупно хоспитализирани 30 пациенти. На респираторна машина се 3, a со потешка клиничка слика се 9 пациенти.

Во болницата во Битола се хоспитализирани 5 пациенти, а на домашно лекување се следи 1 пациент. Во болницата во Штип се хоспитализирани 15 пациенти, а на домашно лекување се следат 15 пациенти во стабилна состојба. На инфективните одделенија во Охрид, Велес, Куманово и Прилеп се хоспитализирани 27 пациенти – позитивни и сомнителни на Ковид-19.

Независниот академски синдикат го обвини ректорот на УКИМ, Никола Јанкуловски, дека распишал избори за Сенатот во спротивност со Статутот на УКИМ и уредбата на Владата и поднесе претставка до Државен просветен инспекторат.

„Ректорот на УКИМ, проф. д-р Никола Јанкуловски, повторно прави обид за манипулација на изборен процес и го прекршува Статутот на УКИМ. Овој пат, се работи за избор на новите членови на Сенатот на УКИМ – највисокиот орган на одлучување на Универзитетот. Поради ова, НАкС денеска достави претставка до Државниот просветен инспекторат, од кој очекуваме брза реакција“, се наведува во соопштението.

Од НАкС велат дека на 22 мај,ж е испратен допис до единиците на универзитетот со насоки да се изберат нови сенатори, најдоцна до 8 јуни. Со ова, додаваат од таму, е прекршен членот 155 од Статутот на УКИМ во кој е децидно наведено дека постапката за избор на сенатори треба да почне најмалку 60 дена пред истекот на мандатот на постојниот состав.

„Она што особено загрижува е фактот што на некои единици на УКИМ професорите и студентите, од страна на нивните декани и директори, сè уште не се ни известени дека треба да изберат нови сенатори во овој краток рок. Сосема е веројатно дека тоа се истите оние декани и директори кои немаа проблем да гласаат за оглас за избор на ректор во кој рокот за пријавување на кандидатите е само пет дена и кои не гледаат проблем во тоа да тече постапка за избор на ректор во вонредна состојба, кога не постојат основни услови за коректен и фер натпревар меѓу потенцијалните кандидати за ректор“, велат од Синдикатот.

Според НАкС, со отпочнувањето на постапката минатата недела и наложувајќи им на единиците да изберат сенатори најдоцна до 8 јуни, покрај тоа што го прекршува Статутот на УКИМ, ректорот Јанкуловски им го ускратува правото на кандидатите за сенатори да се претстават пред своите колеги, а на професорите и на студентите можноста во разумен рок да одлучат кои се нивните колеги што во идниот состав на Сенатот ќе работат во најдобар интерес на единицата, но и на целиот универзитет.

„Но, можеби целта и на оваа скратена постапка за избор на сенатори е сосема спротивната, односно ректорот Јанкуловски набрзина да си ја избере и својата идна гласачка машина. Имено, со оглед на фактот што ректорот Јанкуловски сметаше дека може да се почне постапка за спроведување избори за ректор во вонредна состојба и истата ја почна на крајот на март, нема никакво друго логично образложение зошто постапката за избор на сенатори не е почната најдоцна на 27 април, односно 60 дена пред истекот на мандатот на постојниот Сенат согласно Статутот на УКИМ. Дотолку повеќе што согласно Уредбата на Владата се продолжува мандатот на телата и органите на универзитетите за кои не е извршен избор за времетрање на вонредната состојба, а постапката за избор на нов состав треба да почне по завршувањето на вонредната состојба. Оваа уредба е донесена со цел да се заштити здравјето на академската заедница, но и да се задржат основните начела кои обезбедуваат разумни услови и рокови за избор на членовите на органите и телата на универзитетите“, пишува во соопштението.

Од НАкС го повикуваат Јанкуловски веднаш да ја поништи постапката за избор на сенатори и да поведе нова постапка, почитувајќи го минималниот рок од 60 дена за одржување на изборите, а до тогаш, согласно Уредбата на Владата, мандатот на Сенатот може да биде продолжен.

Лагата излегува на површина. Коста Начевски, директор на „Дрисла“, поставен од Петре Шилегов, брутално вчера ја излажа јавноста дека не планира купување  луксузен џип за своите потреби како директор, обвини Советничка група на ВМРО-ДПМНЕ на Град Скопје.

„Еве и доказ и признание за тоа. На онлајн седницата на Советот на град Скопје претставникот испратен од Начевски и ‘Дрисла’, Дијана Велјаноска-Живановиќ, изјави: ‘да, се купуваат три џипа, од кој еден е за потребите на директорот’, затворен цитат. Таа додава дека багери нема да се купат, но пари за џипови има.

Во прилог доставуваме и аудиоснимка од нејзиното обраќање и признание во отворениот дел од седницата. Ова аудиоснимка е доказ за ненормалната ситуација и забеганоста на Шилегов.

Лажгото Шилегов и манипулаторот Начевски се фатени во лага и треба да ѝ се извинат на јавноста.

Но она што е многу поважно, тоа е да ја стопираат одлуката за купување  џипови за луксузирање на Шилегов и Начевски.
Тоа не е потреба на која треба да се мисли во состојба кога државата е во економска криза. Наместо решавање на проблемите, кадарот на Шилегов се фати за подновување со џипови“, додаваат.