Македонија
По повод Светскиот ден на науката за мир и развој УКИМ ги награди најзаслужните за развој на научната дејност
По повод Светскиот ден на науката за мир и развој УКИМ ги награди најзаслужните за развој на научната дејност
Скопје, ноември 2024 – Универзитетот „Св.Кирил и Методиј“ во Скопје, на одбележувањето на Светскиот ден на науката за мир и развој, во знак на признание за посебен придонес за развој на научноистражувачката дејност и интернационализацијата и афирмацијата на Универзитетот за исклучително достигнување во кариерата и објавени повеќе од 100 научни труда афилирани на Универзитетот и индексирани во базата Web of Science додели им плакета на Универзитетот на осуммина професори, како и награда за најдобрите научници и уметник, кои постигнале врвни резултати во текот на изминатата година во одделни научноистражувачки подрачја.
Плакетите беа доделени на академик проф. д-р Валентин Мирчески, редовен професор на Природно-математичкиот факултет, академик проф. д-р Сашко Кедев, редовен професор на Медицинскиот факултет, проф. д-р Владимир Трајковиќ, редовен професор на Факултетот за информатички науки и компјутерско инженерство, проф. д-р Љупчо Пејов, редовен професор на Природно-математичкиот факултет, проф. д-р Ефтим Здравевски, вонреден професор на Факултетот за информатички науки и компјутерско инженерство, проф. д-р Христијан Ѓорески, вонреден професор на Факултетот за електротехника и информациски технологии, проф. д-р Петре Макрески, редовен професор на Природно-математичкиот факултет, и проф. д-р Златко Левков, редовен професор на Природно-математичкиот факултет.
Во посебен контекст плакетата на проф. д-р Мирчески опфаќа и второ остварување за исклучително достигнување во кариерата и меѓународно признаена извонредност преку застапеност во листата на Stanford University World’s Top 2 % Scientists за целокупната кариера.
Од воспоставените инструменти на Универзитетот за поддршка на науката значајна и мотивирачка е годишната награда, која се доделува на најдобрите научници и уметник на Универзитетот „Св. Кирил и Методиј“ во Скопје, кои постигнале врвни резултати во научноистражувачката дејност во текот на изминатата календарска година.
На свеченоста наградата за најдобри научници и уметник на УКИМ за 2023 година им беше доделена на д-р Даниел Велинов, редовен професор на Градежниот факултет во Скопје за најдобар научник во НАУЧНОТО ПОДРАЧЈЕ НА ПРИРОДНО-МАТЕМАТИЧКИ НАУКИ, д-р Димитар Трајанов, редовен професор на Факултетот за информатички науки и компјутерско инженерство во Скопје за најдобар научник во НАУЧНОТО ПОДРАЧЈЕ НА ТЕХНИЧКО-ТЕХНОЛОШКИТЕ НАУКИ, д-р Андреј Николовски, доцент на Медицинскиот факултет во Скопје, за најдобар научник во НАУЧНОТО ПОДРАЧЈЕ НА МЕДИЦИНСКИ НАУКИ, д-р Александар Узунов, редовен професор на Факултетот за земјоделски науки и храна во Скопје за најдобар научник во НАУЧНОТО ПОДРАЧЈЕ на ветеринарни и земјоделски НАУКИ, д-р Александар Стојков, редовен професор на Правниот факултет „Јустинијан Први“ во Скопје за најдобар научник во НАУЧНОТО ПОДРАЧЈЕ НА ОПШТЕСТВЕНИ НАУКИ, и на м-р Зоја Бузалковска, редовен професор на Факултетот за драмски уметности во Скопје за НАЈДОБАР УМЕТНИК.
Ректорката на УКИМ, проф. д-р Биљана Ангелова, упати честитки до сите наградени истакнувајќи го значењето на научната дејност за нашето општество.
Говорејќи за огодинешниот тематски фокус по повод Светскиот ден на науката за мир и развој – „Зошто науката е важна во контекст на ангажирање на умовите и зајакнување на иднината“, Ангелова нагласи дека науката, технологијата и иновацијата се од суштинско значење за поттикнување на економскиот, социјалниот и еколошкиот развој, трите столба на одржливиот развој.
„За поддршка на овие три столба УНЕСКО им помага и ги мобилизира своите земји членки и партнери за создавање погодни средини, кои ќе ги направат истражувањата и иновациите подостапни, транспарентни, инклузивни и поврзани со општествените потреби“, порача Ангелова.
Со одбележувањето на овој ден се истакнува значењето на зајакнувањето на јавната свест за улогата на науката за одржлив развој на општество, како и важноста да се насочи вниманието кон предизвиците со кои се соочува научноистражувачката работа и подигнувањето на поддршката на научните истражувања.
„Поаѓајки од фактот дека група научници од академската заедница на УКИМ се истакнуваат со најголем број референтни публикации индексирани во базата на Web of Science, со што особено придонесуваат за афирмација на Универзитетот, а со цел да им се изрази признание за нивните научни достигнувања во кариерата, со интенција ова признание да биде мотив за повеќе и подобро во науката за останатите, а особено за помладите, Универзитетот ‘Св. Кирил и Методиј’ во Скопје го доделува ова престижно признание, единствено во кариерата – плакета за посебен придонес за развој на научноистражувачката дејност и интернационализацијата и афирмација на Универзитетот“, истакна проректорката за наука на УКИМ, проф. д-р Валентина Гечевска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Грипот ја однесе првата жртва: почина 75-годишна жена
Вирусот на грипот ја однесе првата жртва оваа зима. Седумдесет и петгодишна жена починала пред три дена на Клиниката за инфективни болести. Пациентката имала повеќе коморбидитети и не била вакцинирана против грип.
Во моментов на Клиниката се хоспитализирани 25 пациенти со компликации од грип, oд кои повеќето се возрасни лица со хронични заболувања и невакцинирани од грип.
Директорката на Институтот за јавно здравје (ИЈЗ), Марија Андоновска, пред неколку дена кажа дека пикот се очекува да биде во втората половина од овој месец и првата половина од февруари.
„Со враќањето на децата во училиште очекуваме дека и бројот на лица коишто ќе бидат заболени од грип или заболувања слични на грип може да биде зголемен“, рече Андоновска.
Институтот за јавно здравје препорачува оние коишто не се заболени да избегнуваат колку што е можно некакви собири или да престојуваат во простории или трговски центри каде што има голем број на луѓе, да избегнуваат контакт со веќе заболени лица или оние што ќе пројават некакви симптоми на кивање и кашлање. Често да се мијат раце со обичен сапун и вода, да се проветруваат просториите, да се почитуваат здрави животни навики – редовна хидратација со течности односно вода, лесна храна, витамини, минерали.
Македонија
Зајкова: Една изборна единица има смисла само со отворени листи
Претседателката на Либерално-демократската партија (ЛДП), Моника Зајкова, реагираше по одржаната лидерска средба во Клубот на пратеници, оценувајќи дека нејзиниот исход е „0 проценти економија и 100 проценти политика“.
„Очекуваниот исход од ‘лидерската’ средба е 0% економија и 100% политика. Една изборна единица има смисла само со отворени листи. Во спротивно, како и денес, само неколку мажи ќе продолжат да ја дефинираат судбината на Македонија, наместо граѓаните. Моќта и финансиите ќе останат кај нив, а за народот — трошки. Со отворени листи ќе има поодговорни народни избраници, а со тоа и повеќе пари за граѓаните“, напиша Зајкова на својот Фејсбук профил.
Од ЛДП посочуваат дека лидерската средба има смисла само доколку отвори суштински прашања што директно го засегаат животот и животниот стандард на граѓаните, а не доколку се сведе исклучиво на дилемата за укинување или задржување на техничката влада.
Во соопштението се наведува и дека, иако Зајкова е пратеничка и единствена жена-лидер на партија во Македонија, таа не добила покана за учество на средбата. Организаторите, како што се посочува, одлучиле да поканат само претставници на партии кои имаат пратенички групи во Собранието.
„Лидерските средби не треба да бидат поле за дневно-политички надмудрувања и покажување мускули, туку простор за носење решенија и одлуки што ќе придонесат за подобра иднина на сите граѓани“, наведуваат од Либерално-демократската партија.
Македонија
„Пирамид Билдинг Солушнс“ бара извинување по обвинувањата на СДСМ: Работиме повеќе од 15 години без ниту еден скандал
Компанијата Пирамид Билдинг Солушнс ДООЕЛ Скопје бара јавно извинување од Социјалдемократскиот сојуз на Македонија во рок од 24 часа, поради, како што наведува, јавни напади, клевети и тенденциозно пласирани информации изнесени од претставниците на оваа партија на прес-конференциите на Јон Фрчковски и Петар Огненовиќ.
Во однос на обвинувањата за склучени договори со општини под водство на ВМРО-ДПМНЕ, компанијата објаснува дека станува збор за селективно прикажување на факти со кое се создава искривена слика за нејзиното работење и се нанесува сериозна штета врз угледот, интегритетот и деловната репутација.
Оттука истакнуваат дека повеќе од 15 години успешно опстојуваат и работат на македонскиот пазар, без, како што наведуваат, ниту еден скандал, со доследно почитување на законите и процедурите и со континуиран раст базиран на квалитет и професионалност.
Во соопштението се додава и дека во јавните настапи на претставниците на СДСМ не бил спомнат клучен факт – дека токму во периодот на нивното владеење и раководење со институциите, компанијата добила значителен број договори за јавни набавки, кои биле целосно и успешно реализирани во согласност со законските прописи.
Како доказ за транспарентно и законско работење, компанијата доставува и табела со склучени и реализирани договори за јавни набавки по години и институции раководени од функционери на СДСМ.
„Апелираме бизнисот да се остави надвор од дневно-политичките пресметки и да не се користат инсинуации и неосновани обвинувања за политички цели“, се наведува во соопштението.
Од Пирамид Билдинг Солушнс порачуваат дека, доколку не добијат јавно извинување во наведениот рок, ќе бидат принудени да ги искористат сите расположливи правни механизми за заштита на своите права, углед и деловен интегритет.
Грипот ја однесе првата жртва: почина 75-годишна жена
Вирусот на грипот ја однесе првата жртва оваа зима. Седумдесет и петгодишна жена починала пред три дена на Клиниката за...
И Македонија на листата на земји во кои САД ја запираат обработката на имигрантски визи, според „Фокс Њуз“
Администрацијата на американскиот претседател Доналд Трамп ја запира обработката на имигрантски визи за апликанти од 75 земји, соопшти во средата...
Филипче: Нема услови за укинување на техничката влада
Претседателот на опозициската СДСМ, Венко Филипче, на прес-конференција изјави дека укинувањето на техничката влада треба да се случи дури кога...
(Видео) Мицкоски: Техничката влада треба да замине во минатото, но ако СДСМ мислат дека е потребна за следните избори, во ред, прифаќаме
Претседателот на Владата, Христијан Мицкоски на прес-конференцијата по завршување на лидерската средба извести дека сите присутни се согласиле дека техничката...
Мој ДДВ не се укинува – налозите за исплата во февруари се подготвуваат, извести УЈП
Управата за јавни приходи ги демантира написите во дел од медиумите дека се укинува мерката „МојДДВ“. „Јасно и недвосмислено истакнуваме...
Загина маж во пожар во стан во Тетово: со изгореници се здобило уште едно лице
Вчера во 19:20 часот во СВР Тетово е пријавено дека на улицата „180“ во Тетово настанал пожар во стан, сопственост...
Oбјавена листата на најмоќните пасоши за 2026 година: Македонија бележи напредок
Азиските земји продолжуваат да доминираат на рангирањето на најмоќните пасоши во светот, според најновиот извештај на „Henley Passport Index“. Сингапур...
(Видео) Димитријевиќ: Кој оди на средба со Мицкоски легитимира криминал и изолација на земјата
Сите што денеска ќе одат на средба со Мицкоски за укинување на техничката стануваат соучесници во легитимирање на криминалот и...
За новогодишно украсување, општините дале 785 илјади евра – најмногу пари потрошила Општина Штип
За новогодишно украсување, општините потрошиле 785 илјади евра, а 78 отсто од вредноста е концентрирана кај една фирма. Ова го...
Вељаноски за техничката влада: Eксперимент кој предизвикува штета за државата
За поранешниот претседател на Собранието Трајко Вељаноски, техничката влада е експеримент кој како што оценува, предизвикува повеќе штета од корист...
Денешниот состанок во Вашингтон ја одлучува судбината на Гренланд
Денес во Белата куќа се одржува состанок кој би можел да ја одреди иднината на Арктикот, но и на самиот...
Трамп: Сакам да победам во Иран, обожавам да победувам
Претседателот на САД, Доналд Трамп, се закани дека ќе „преземе многу силни мерки“ ако иранските власти почнат да ги бесат...
Лидерска средба за техничката влада, СДСМ одби да учествува
Во Клубот на пратениците денеска треба да се одржи лидерска средба на премиерот и претседател на ВМРО-ДПМНЕ, Христијан Мицкоски, со...
(Видео) Премиерот на Гренланд: Ако треба да избереме помеѓу САД и Данска, ја бираме Данска
Премиерот на Гренланд изјави дека доколку неговиот народ мора да избере „тука и сега“, ќе ја избере Данска пред САД....
Поранешни вработени го обвинија Хулио Иглесијас за сексуална злоупотреба, откриени детали
Шпанскиот пејач Хулио Иглесијас е обвинет за сексуален напад од страна на две поранешни вработени, кои тврдат дека биле подложени...
(Фото) Тошковски на проштална средба со амбасадорката Агелер: САД остануваат клучен стратешки партнер во безбедноста
Министерот за внатрешни работи на Република Северна Македонија, Панче Тошковски, денеска оствари проштална средба со амбасадорката на Соединетите Американски Држави...
Зеленски се обиде да го назначи поранешниот премиер за министер за енергетика, парламентот го одби
Украинските пратеници го отфрлија назначувањето на министерот за одбрана во заминување Денис Шмихал за министер за енергетика, што е ретка...
Бројот на жртви варира во голема мера: „Иран Интернешнл“ тврди дека најмалку 12.000 луѓе се убиени во протестите
Се појавуваат извештаи за илјадници жртви во немирите во Иран, што би претставувало најголем број смртни случаи во протестите од...
Каја Калас: Историјата е полна со примери за паѓање на режими, но прашањето е што следува потоа
Високиот претставник на Европската Унија за надворешни работи и безбедносна политика, Каја Калас, изјави дека е неизвесно што ќе се...
Времето утре – сончево со мала до умерена облачност, максималната температура до 10 степени
Времето утре ќе биде сончево со мала до умерена облачност. Ќе дува слаб до умерен ветер од западен и северозападен...
