Македонија
Првиот меѓународен конгрес за аутизам и АДХД преку онлајн-пренос ќе овозможи пристап до стручни сознанија за пошироката јавност
Фондацијата „Д-р Верица Механџиска“, во соработка со „Зегин“, Здружението на педијатрите на Р. Македонија и здружението „Во мојот свет“ објави дека претстојниот меѓународен конгрес за аутизам и АДХД ќе биде достапен за следење онлајн, во живо.
Конгресот, кој ќе се одржи во хотелот Лимак од 13 до 15 ноември, ќе обедини врвни домашни и меѓународни експерти од САД, Русија, Шпанија, Финска, Турција, Велика Британија, Швајцарија, Србија, Хрватска и Косово, кои ќе придонесат со уникатни сознанија за аутизмот и АДХД. Со богат тематски распоред, тридневниот настан нуди можност за продлабочување на разбирањето и поттикнување на инклузивна иднина за лицата со овие состојби.
„Конгресот за аутизам и АДХД е уникатна можност да се слушнат меѓународни експерти и нови истражувања од областа. Токму затоа, поради ограничениот број на посетители и гости, ќе овозможиме конгресот да се следи и онлајн во живо за сите коишто немаат можност да присуствуваат лично а сакаат да бидат дел од оваа важна дискусија за инклузија и поддршка“ – велат организаторите.
Оваа одлука има за цел да го отвори конгресот за пошироката јавност, овозможувајќи им на здравствените работници, едукаторите, родителите и поддржувачите да ги слушнат најновите истражувања, пристапи за третман и стратегии за застапување. Конгресот е структуриран на начин што е пристапен за научната јавност, но и за пошироката заедница.
Првите два дена, 13 и 14 ноември, се посветени на научни излагања и дискусии од страна на експертите. Темите ќе опфатат истражувања за промените во функцијата на мозокот кај лицата со аутизам, митохондријалната дисфункција, моторните нарушувања, нарушувањата на сонот, епилепсијата, можностите за рана дијагностика, како и можните пренатални фактори што влијаат врз невроразвојот.
Во програмата на 13 ноември ќе бидат опфатени и темите за поврзаноста помеѓу аутистичниот спектар и бременоста, со фокус на можни фактори што би можеле да влијаат на потомството уште за време на бременоста, како и можноста за проценка на невролошкиот развој на детето уште во пренаталниот период.
Во фокус ќе биде и важноста на раната дијагностика и интервенција по раѓањето на детето, а ќе се отвори и темата за „лажниот“ аутизам, прашање кое предизвикува особено внимание.
Исто така, ќе се истражи и возрасната популација со АДХД, при што ќе се дискутираат начини за дијагностика кај возрасни лица, стигмите со кои тие се соочуваат, како и предизвиците поврзани со оваа состојба.
Вториот ден е посветен на генетиката, на улогата и асоцијацијата на цревниот микробиом, исхраната и нутритивен статус кај децата со аутистичен спектар со особен акцент на важноста на пробиотиците. Ќе се разгледаат пристапите кон децата со невроразвојно доцнење, за полот и неуродиверзитетот кај АДХД и АСН. Ќе се даде акцент и на младите и адолесцентите, зависноста од интернетот, самоповредувачко однесување и како да се третира, и секако ќе се разгледа менталното здравје на младите во нашата држава.
Третиот и последен ден од конгресот е наменет специјално за родителите на деца со аутизам и АДХД. Најпрво ќе се разгледа состојбата на АДХД во Европа, а преку панел дискусии и интерактивни работилници ке се разгледуваат теми за рана дијагностика и третман кај невроразвојни нарушувања со акцент на АСН и АДХД, за влијанието на раната изложеност на децата на екраните врз говорно-јазичкиот развој и сензорната интеграција, за практичните вежби со деца со АСН. Ќе се понудат нови можности за терапија кај овие лица, но ќе се зборува и за откривање на потенцијалот, т.е. можности за работно ангажирање и професионален успех кај младите со нарушување од спектар на аутизам.
„Нашата цел е да го поттикнеме нашето општество во правец на поголема поддршка и инклузивност за лица со аутизам и АДХД, со што ќе се отстранат бариерите и ќе се подигне свесноста на овие теми. Овој настан е за нас еден многу сериозен чекор во рамки на пошироката кампања за аутизам и АДХД и среќни сме што експертските излагања ќе бидат достапни за сите што сакаат да ги слушнат“ – објаснуваат одговорните лица од Фондацијата Др. Верица Механџиска.
Тридневниот меѓународен конгрес во областа на аутизмот и АДХД ќе може да се проследи преку YouTube канал на следниве линкови за секој ден поединечно
Ден 1 https://youtube.com/live/dREUCAEeyFs?feature=share
Ден 2 https://youtube.com/live/Wkvd1IpZBUM?feature=share
Ден 3 https://youtube.com/live/QpWle6CgzaY?feature=share
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Левица: Синот на газдата на „Пулс“ поднел тужба против осум лица за кршење на кафулето „Класик“ – системот е изопачен
Михаил Јованов, синот на Дејан Јованов – Деко, газдата на дискотеката „Пулс“ во Кочани поднел приватна кривична тужба против осум лица и други непознати лица од Кочани за оштетување на туѓи предмети, велат од Левица утрово преку соопштение.
Во тужбата, како што се наведува, станува збор за оштетувањата на кафе барот „Класик“, исто така сопственост на Јованов, што настанаа на протестите на 17 март лани, еден ден по трагичниот настан со пожарот во дискошталата „Пулс“ во која животот го загубија 62 лица, а повеќе од двеста се со тешки повреди и до ден денес се лекуваат.
„Фактот дека синот на газда Деко поднел приватна кривична тужба против осум лица и непознати сторители за оштетување на имот, која сама по себе повлекува и обештетување доколку се утврди вина, претставува врв на безобразието и цинизмот во оваа трагедија.
Да потсетиме, Левица на лидерската средба минатата недела побара државата да ги обештети семејствата на починатите во пожарот во „Пулс“, но државата експресно се прогласи за ненадлежна со образложение дека трагедијата се случила во приватен објект. Во истата таа држава, денес газдата на истиот објект што изгоре, кој е осомничен и против кого се води кривична постапка, бара кривичен прогон на млади луѓе и сопствено обештетување за настани кои се директна последица на неговото криминално и неодговорно работење, потпомогнато од системот на државата која е ненадлежна да ги обештети жртвите од пожарот затоа што бил на приватен имот.
Ова е слика на изопачен систем во кој жртвите се оставени без правда и поддршка, а осомничените добиваат простор да ги тужат граѓаните, па дури и деца, за да наплатат штета. И, не е случајно што сето ова се случува токму сега, кога победи партијата која со години го толерираше безредието, криминалот и клиентелизмот. Таа победа очигледно беше „ветер во грб“ за криминалните структури да се чувствуваат недопирливи и охрабрени да удираат по народот кој бара правда.
Порачуваме дека нема да дозволиме трагедијата во Кочани да се претвори во фарса каде виновните ќе се прикажуваат како жртви, а жртвите како виновници. Одговорност мора да има и кривична, и институционална и политичка. Секој обид за заплашување на граѓаните и лицата кои протестираа и протестираат ќе го сметаме како директен напад врз правото на правда и достоинство.
Правдата за Кочани не смее и нема да се задуши со уцени, закани, тужби и молк“, се вели во соопштението на политичката партија.
Македонија
Храна со истечен рок, лоши хигиенски услови, недостиг на санитарни книшки затекнаа инспекторите во маркетите низ државата
Приближно четириесет илјади евра во денарска противвредност е вкупната вредност на 22 казни кои ги изрекоа инспекциските служби на Агенција за храна и ветеринарство (АХВ) на оператори со храна, во рамки на спроведените вонредни надзори во маркети и хипермаркети на целата територија на државава. Со акцијата која се спроведе од 13 до 16 јануари годинава, контролирани беа 188 оператори со храна од оваа категорија.
Кај 10 оператори, со контролите утврдени се полесни повреди од областа на безбедноста на храната (неселектираност на разладни уреди, нејасни и нечитки декларации на производите и слично), за што се изречени мерки опомена, а во 2 маркета констатирано е дека вработените лица немаат санитарни книшки.
Кај 6 од контролираните меркети утврдено е дека немаат имплементирано процедури за примена на правилата на Добра призводствена и Добра хигиенска пракса, а кај 14 маркети затекната била храна со изминат рок на траење.
Како небезбедени во рамки на оваа акција на Агенцијата, од операторите одземени и нештетно уништени се над 253 килограми храна (месо и преработки од месо, млечни, кондиторски и други видови производи).
Македонија
Променливо облачно време со врнежи од дожд и снег
Времето денеска ќе биде променливо облачно со слаби локални врнежи од дожд и снег, а на повисоките места и на планините од слаб снег. Ќе дува слаб до умерен ветер претежно од североисточен правец.
Максималната температура ќе биде во интервал од 1 до 7 степени, јавува УХМР.
Во Скопје, променливо облачно со слаб ветер од североисточен правец. Максималната температура ќе достигне до 6 степени.
Поранешниот шеф на НАТО: Освојувањето на Гренланд би значело крај на светскиот поредок
Насилното преземање на Гренланд од страна на САД би значело „крај на светскиот поредок каков што го познаваме“, изјави поранешниот...
Храна со истечен рок, лоши хигиенски услови, недостиг на санитарни книшки затекнаа инспекторите во маркетите низ државата
Приближно четириесет илјади евра во денарска противвредност е вкупната вредност на 22 казни кои ги изрекоа инспекциските служби на Агенција...
(Видео) Поплави во Австралија, евакуации во Сиднеј
Австралиските власти соопштија дека 20 лица се спасени од надојдени води во источната сојузна држава Нов Јужен Велс, поради обилните...
Намалена видливост поради магла кај Плетвар, Крушево, Стража
Сообраќајот на државните патишта се одвива непречено по претежно влажни коловози. Врнежи од снег на планинските премини Ѓавато и Буково...
„Политико“ Европскиот парламент го замрзнува трговскиот договор со САД поради најавата за царини и барањата за Гренланд
Пратениците во Европскиот парламент нема да го одобрат историскиот трансатлантски трговски договор откако американскиот претседател Доналд Трамп најави нови царини...
(Видео) Филипче и Заев сакале да му ја земат болницата на Жан Митрев, Обвинителството да истражи, порача Стојаноски од ВМРО-ДПМНЕ
Пратеникот на ВМРО-ДПМНЕ, Бојан Стојаноски, на денешната прес-конференција обвини дека поранешниот министер за здравство Венко Филипче и поранешниот премиер Зоран...
Филипче го повика Жан Митрев да оди кај обвинител и да поднесе кривична, најави и тужби: „Ова не е политика, сега ќе ги тужам“
Претседателот на СДСМ, Венко Филипче, на прес-конференција обвини дека ВМРО-ДПМНЕ спроведува, како што рече, јавен линч против него преку лаги,...
Вандализиран паркот „Бановина“ во Аеродром – искршена урбаната опрема, оштетена фонтаната, а провалено е и во чуварската куќа
Општина Аеродром најостро го осуди вандалскиот чин што се случил синоќа во паркот Бановина, каде што била сериозно оштетена јавната...
Обвинение за помагачите во бегството на 18-годишникот што со автомобил усмрти жена на Народен фронт
Обвинителството поднесе обвинение против маж и жена кои како соизвршители се товарат за помагање, во случајот со 18-годишникот од Скопје...
Предлог-законот за пушењето не е удар по угостителството, туку заштита на здравото работно место, велат од Министерството за здравство
Предлог-законот за заштита од пушењето, подготвен од Министерството за здравство, предвидува забрана за пушење во затворени јавни и работни простории,...
„Не го чепкајте Гренланд“: Масовни протести во Данска и Нуук против плановите на Трамп
Големи протести против најавите на американскиот претседател Доналд Трамп за преземање на Гренланд се очекуваат денеска во повеќе градови во...
Украинска делегација заминува во САД за појаснување на условите за можен мировен договор со Русија
Украинските преговарачи патуваат во Соединетите Американски Држави за да ги разјаснат условите за евентуален мировен договор со Русија, изјави претседателот...
Македонија со пораз од Данска го започна Европското првенство
Ракометната репрезентација на Македонија, со пораз го започна настапот на 17-то Европско првенство во Данска, Шведска и Норвешка. Во првото...
Италијански министер ги исмева европските сили во Гренланд: „15 Французи, 15 Германци – звучи како почеток на виц“
Италија одби да се придружи на европската мисија во Гренланд, а министерот за одбрана на земјата, Гвидо Кросето, отворено ја...
Трамп им се закани на сите земји кои нема да го поддржат за Гренланд
Претседателот на САД, Доналд Трамп, се закани дека ќе воведе царини на земјите кои не го поддржуваат неговиот план САД...
МВР ќе ги тестира поставените камери: од 20 до 31 јануари на местата каде ќе се вршат активностите, нема да биде дозволен сообраќај
Министерството за внатрешни работи известува дека во рамки на проектот „Безбеден град“, во периодот од 20.01.(вторник) до 31.01.(сабота) ќе се...
Ја удирал по главата и телото, ја давел за вратот и скршил ребро: скопјанец осомничен за физички напад и загрозување на сигурноста на жена
Јавен обвинител од Основното јавно обвинителство Скопје поведе постапка против 51-годишен скопјанец за кого постои основано сомнение дека сторил кривично...
Mицкоски очекува добри вести во наредните денови од САД
Премиерот Христијан Мицкоски изјави дека очекува наскоро добри вести за македонските граѓани од САД. Тој појасни дека суспендирањето на визите...
Преку фирми и даночни измами биле извлечени 4,8 милиони евра од државата – Обвинителството гони 20 лица, вмешани службеници од УЈП
Под раководство на јавен обвинител од ОЈО ГОКК, истражителите од Истражниот центар при обвинителството, со асистенција на МВР, вчера до...
Планoт за брз влез на Украина во ЕУ предизвика загриженост во Брисел
Брисел разгледува можност за напуштање на досегашниот модел на проширување на Европската Унија и воведување т.н. двослоен модел на членство,...
