Прегласување за парламентарните избори во седум избирачки места, до 9 часот гласале 326 луѓе, односно 7,22 отсто

Денес, во 7 часот наутро почна прегласувањето за парламентарните избори во седумте избирачки места во Желино, Крушево, Охрид, Струга и во Долнени.

Како што соопшти Државната изборна комисија, до 9 часот, од вкупно запишани 4.514 гласачи на избирачките места, гласале 326, односно 7,22 %.

Во ИМ 2101 во Желино гласале 101 гласач, односно 10,17 %;

Во ИМ1194 во Крушево гласале 57 гласачи, односно 12,15 %;

Во ИМ 1202 во Крушево гласале 22 гласачи, односно 7,38 %;

Во ИМ 1272 во Охрид гласале 54 гласачи, односно 7,59 %;

Во ИМ 1470 во Долнени гласале 22 гласачи, односно 3,34 %;

Во ИМ 1470/1 во Долнени гласале 14 гласачи, односно 2,22 %;

Во ИМ 1844 во Струга гласале 56 гласачи, односно 7,44 %.

Во споредба со гласањето на 8 мај 2024, до 9 часот, на ова прегласување се забележува зголемен одѕив за 4,07 % на овие избирачки места, велат од ДИК.