Македонија
„Пред два дена комуницирав со Таравари, а претходно имавме состанок“, рече Ковачевски
![](https://makfax.com.mk/wp-content/uploads/2023/02/kovachevski-taravari.jpg)
Претседателот на СДСМ, Димитар Ковачевски во одговор на новинарско прашање за Алијанса за Албанците, кажа дека за тоа што се случува во таа партија треба да го прашаат Таравари, а не него.
„За односите во Алијанса ќе ги прашате во Алијанса, не можам да одговарам во име на друга партија. Ако доставиле предлог до претседателот на Владата, тогаш ќе го прашате премиерот каков предлог добил, за тоа како ќе гласа пратеничката група на СДСМ, ќе гласа во согласност со предлогот којшто ќе дојде од Владата и врз основа на ставот којшто ќе го имаат пратениците на Алијанса. Јас не ја знам кадровската комисија во Алијанса, како им е структурирана партијата, тоа се прашања на партијата“, одговори Ковачевски.
Тој додаде дека неговата комуникација е официјална и досега комуницирал со Таравари.
„Со Таравари комунициравме и додека се правеше владата која јас ја предводев. Тоа беше мојата комуникација со Таравари. Пред два дена комуницирав со Таравари и пред тоа имавме состанок во седиштето на СДСМ. Јас секогаш имам официјална комуникација. Ние и сега сме во коалиција со партиите кои се за продолжување на европската интеграција за државата.
Изборниот настап е одлука на органите на партиите дали ќе се оди на заеднички листи, дали ќе се оди на листи коишто претставуваат традиционални коалиции на коалиционите партиите, ќе биде одлука на партиите. На крајот од денот ние ќе имаме два блока за ЕУ интеграција и другиот ќе биде за изолација. Процесите се движат накај одржување на фер и демократски избори и победа на проевропската коалиција“, додаде Ковачевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.