Контакт

Македонија

Преку амандманите ВМРО-ДПМНЕ тврди дека СЈО ја постигнало целта и нема потреба повеќе да постои

Објавено пред

Бришење цели членови од предлог-законот за Јавното обвинителство и додавање нови членови кои го позиционираат СЈО само како одделение во состав на Обвинителството за гонење организиран криминал и корупција, со мандат додека траат тековните судски процеси.

Ова се накратко некои од 65-те амандмани кои ВМРО-ДПМНЕ ги поднесе како предлози за иднината на специјалното јавно обвинителство, а до кои дојде „Макфакс“.

Од поднесените амандмани може да се заклучи дека ВМРО-ДПМНЕ инсистира СЈО да биде надлежно само за поднесените обвиненија заклучно со 30 јуни 2017 година и штом правосилно ќе се завршат сите постапки, СЈО да згасне.

Освен што во секој амандман стои „Република Северна Македонија“, забележливо е дека дел од образложенијата се напишани со задебелени букви и извичници за да се потенцира нивната важност, па така на пример, во делот за рокот за поднесување обвиненија, пишува:

„Постапките кои се засноваат на нелегитимно собрани докази од нелегитимен орган не можат да бидат предмет на било каква постапка во македонскиот правосуден систем! Сето претходно наведено дава апсолутен нелегимитет на постапките кои се започнати од страна на Специјалното Јавно обвинителство во периодот од 30 Јуни 2017 година како и доказите употребени после овој период од страна на ова обвинителство!“.

Во образложението на осмиот амандман пишува: „Специјалното јавно обвинистелство ја исполни целта заради која беше формирано и повеќе нема потреба од негово постоење, со што сите одредби во овој закон кои се однесуваат на Специјалното јавно обвинистелство, треба да се избришат“.

ВМРО-ДПМНЕ предлага да не постојат и вишите јавни обвинителства.

„Имајќи предвид малубројноста на основните обвинители, со негово укинување и прераспределување на сега вишите обвинители со еден потег ќе се добијат повеќе придобивки како кон подобрување на функионалноста, така и кон подобрување на ефикасноста и одговорноста во работењето на новото ЈО на РМ“

Во амандманот 48 е образложено дека е неоправдано СЈО да има посебен буџет и платите на специјалните обвинители да бидат на ранг на вишите јавни обвинители.

„Ако веќе СЈО се инкорпорирано во рамки на единствениот јавно обвинителски систем, тогаш која е оправданоста да има посебен буџет. Со оваа одредба се дава автономија и слобода на СЈО сами да изготвуваат предлози за буџет и финансиски план до Министерството за финансии. Исто така спорно е, а пред се` е нееднаков третман во однос на платите на обвинителите во СЈО во споредба со платите на обвинителите во Основните јавни обвинителства. Обемот на работа и видовите на работни активности се исти и на едните и на другите, па зошто обвинителите во СЈО да имаат плата на ниво на јавен обвинител од Вишо Јавно обвинителство. Со ваквото решение многу извесно е дека ќе се створи револт кај обвинителите од основното јавно обвинителство заради нееднаквиот третман“, пишува во образложението на еден од амандманите.

Во образложението на 14 амандман пишува дека амандманот се предлага бидејќи со предложениот членот за надзор над работата на СЈО за кој е надлежен државниот јавен обвинител директно се повредува принципот на хиерархија и субординација.

„Не е јасно зошто има потреба од вакво законско потенцирање дека кај СЈО надзорот не смее да загрозува автономијата на СЈО, а такво нешто не е предвидено кај другите обвинителства. Опстојување на вакво законско решение ќе создаде раздор и несигурност помеѓу самите обвинители без оглед на кое обвинителство припаѓаат, особено ако се има предвид дека условите за избор на обвинители се исти за сите обвинители“, пишува во образложението.

Во амандманот 20 пишува дека со постојниот предлог-закон се испреплетени надлежностите на СЈО и на Основното јавно обвинителство за гонење кривични дела на организираниот криминал и корупцијата. И двете обвинителства се надлежни за кривичното дело перење пари и други приноси од казнено дело од членот 273 од Кривичниот законик.

ВМРО-ДПМНЕ предлага државниот јавен обвинител да биде на предлог на најголемата опозициска партија во државата.

На дуелот меѓу премиерот Заев и претседателот на ВМРО-ДПМНЕ Христијан Мицкоски на Канал 5 телевизија, Заев рече дека „секој амандман што не крие заштита на криминалот е прифатлив за нив“.

Викендов продолжуваат преговорите меѓу претставниците на ВМРО-ДПМНЕ и работната група од Министерството за правда за амандманите во Законот за јавно обвинителство. Во досегашните преговори немаше поголеми поместувања во однос на позициите на двете страни.

Со новиот Закон за Јавно обвинителство треба да се регулира статусот на Специјалното јавно обвинителство во рамки на редовното обвинителство и е еден од условите за почеток на преговорите за членство во ЕУ.

Македонија

(Видео) Интервју со Села: 18 години не одговарал ниеден функционер од ДУИ

Објавено пред

Претседателот на Алијансата за Албанците, Зијадин Села, во интервју за „Макфакс“ рече дека не може да се оочекува ЕУ да испорача датум за преговори со осомничен вицепремиер за евроинтеграции каков што е Бујар Османи. „Човекот кој ги води евроинтеграциите е осомничен во истрагата „Пациент“, рече Села.

Лидерот на партијата кажа дека ќе присуствува на лидерската средба која што ќе се одржи в недела со претседателот на државата, Стево Пендаровски. „ЕУ  бара конкретни реформи“, дополни претседателот на Алијансата за Албанците.

Села кажа дека ниту еден функционер на ДУИ не одговорал за корупција и криминал, а биле на власт 18 години. Разочарувањето за недоделувањето датум за преговори, како што рече, е големо не само кај Албанците, туку и кај сите граѓани.

„СДСМ почна пријателите и другарите кои Сашо Мијалков ги имаше кај Албанците, да се спријателува со нив, а тие немаат поддршка кај Албанците“, рече Села. На прашањето дали има политички пандан на Али Ахмети во политичка тежина, Села рече: „Не дај Боже да биде некој пандан на Али Ахмети“.


За инспекцијата на двојазичните табли на вицепремиерот Османи, Села одговори дека станува збор за театар: „Бујар Османи е добар актер, филмаџија. Тој е дел од власта. Тоа можел да го направи со комуникација, преку допис, а не мора на телефон“.

Села во интервјуто рече дека на следните избори ќе ги поразат ДУИ и дека според нивните анкети се во водство пред водечката партија од албанскиот политички кампус. Би коалицирале со сите партии, освен со Али Ахмети.

Села одговри и на други прашања, како што се понудата на неговата партија за граѓаните кои не се Албанци, за коалицирањето со БЕСА и ВМРО-ДПМНЕ, за промената на изборниот модел…

Прикажи повеќе...

Македонија

Влада: Во тек се консултации, Заев носи одлуки во интерес на граѓаните и државата

Објавено пред

Во тек се интензивни консултации после заклучоците на Европскиот совет, премиерот Зоран Заев носи одлуки водејќи се исклучиво од интересите на граѓаните и на државата, соопшти попладнево Владата.

Како што се наведува, премиерот Заев во текот на денот спроведува интензивни консултации на различни нивоа, имајќи ги предвид заклучоците донесени на Европскиот совет со кои се одложува носењето одлука за почеток на преговорите за членство на Северна Македонија со Европската Унија. Низ текот на консултациите, одлуките се носат исклучиво согласно највисоките интереси на државата и на граѓаните. Штом бидат донесени какви било конечни одлуки, истите веднаш ќе бидат изнесени пред јавноста.

„Во текот на денешниот ден премиерот Заев оствари комуникација и со првите луѓе на владите на Германија, Шведска, Бугарија, Словенија, Малта и со други европски лидери, вклучително и со еврокомесарот Хан.Од сите европски лидери стигна јасна порака со поддршка, за Северна Македонија и граѓаните да продолжат по патот на реформите и интеграциите.

Европските лидери оддадоа јасно признание и потврда за сите чекори кои ги презеде Северна Македонија и потенцираа дека земјата и граѓаните беа целосно подготвени за почеток на преговорите, но дека неколку земји на ЕУ не биле подготвени за тоа“, се вели во соопштението.

Прикажи повеќе...

Македонија

ОМ: Не ја злоупотребувајте моменталната ситуација за ситни политички поени

Објавено пред

Во овие моменти за добивање преговори со Европската Унија, Обединети за Македонија ги повикува сите политички партии и организации да не ја злоупотребуваат моменталната ситуација за политички поени.

„Јасно е кажано од денешната прес-конференција на Советот на Европа дека Македонија ги исполни сите услови за почнување на преговорите со Европската Унија. Пречка се внатрешните несогласувања меѓу земјите-членки за кои сме сигурни дека во Мај наредната година ќе се
надминат.

Влезот на Македонија во Унијата е за доброто на сите граѓани на македонската држава. Тоа е надпартиско и сите сме одговорни за иднината на оваа држава.Затоа ги повикуваме сите партии: Ако сте искрени и се борите за подобра иднина на македонската држава, не ја злоупотребувајте моменталната ситуација за ситни политички поени.Вистинскиот патриотизам се гледа на дело. За резултатот во иднина одговорни сме сите. Затоа, сите заедно и сложно да работиме за подобра иднина на нашата татковина“, се вели во соопштението на партијата.

Прикажи повеќе...

Најново

Македонија2 минути

(Видео) Интервју со Села: 18 години не одговарал ниеден функционер од ДУИ

Претседателот на Алијансата за Албанците, Зијадин Села, во интервју за „Макфакс“ рече дека не може да се оочекува ЕУ да...

Македонија30 минути

Влада: Во тек се консултации, Заев носи одлуки во интерес на граѓаните и државата

Во тек се интензивни консултации после заклучоците на Европскиот совет, премиерот Зоран Заев носи одлуки водејќи се исклучиво од интересите...

Македонија2 часа

Лидерската средба ќе се одржи в недела во вилата на Водно

На иницијатива на претседателот Стево Пендаровски, в недела – 20 октомври во кабинетот на претседателот во „Вилата Водно“, со почеток...

Европа2 часа

Макрон: Земјите од соседството на ЕУ не е нужно да бидат нејзини членки

Францускиот претседател, Емануел Макрон, во првото обраќање во јавноста откако стави вето за пристапните преговори за Северна Македонија и Албанија...

Македонија3 часа

Туск: Верувам дека ова е кратка криза, а не крај на проширувањето на ЕУ

По завршувањето на самитот на ЕУ во Брисел, претседателот на Европската комисија, Жан-Клод Јункер, и претседателот на Европскиот совет, Доналд...

Македонија4 часа

Конте: Одлуката на ЕУ за Северна Македонија и Албанија е историска грешка

Италијанскиот премиер, Џузепе Конте, изјави дека одлуката на Европската Унија да не го отвори пристапниот процес за Северна Македонија и...

Македонија4 часа

(Видео) Пендаровски свика лидерска: Не е време за разочарување, туку за обединување

По одлуката на Советот на Европската Унија да не даде датум за почеток на преговорите за членство на нашата држава...

Јоханес Хан Јоханес Хан
Македонија4 часа

Хан: Одговорноста за овој неуспех не е на Северна Македонија, туку на ЕУ

Еврокомесарот за проширување, Јоханес Хан, вели дека одговорноста за одлуката да не им се додели датум за преговори на Северна...

Македонија4 часа

(Видео) Мицкоски: Предвремени парламентарни избори за да се надмине кризата

Одлуката за недобивање датум е пораз, но не пораз на народот, туку на политиките на Заев и оваа власт, навлезена...

Македонија5 часа

Димитров: ЕУ јасно да каже дали е отворена за европска иднина на Западен Балкан

Министерот за надворешни работи, Никола Димитров, преку својот налог на „Tвитер“ побара од Европската Унија да биде директна со земјите...

Европа7 часа

Пучдемон им се предаде на белгиските власти

Поранешниот лидер на Каталонија, Карлес Пучдемон, им се предаде денеска на белгиските правосудни органи кога Шпанија издаде нов налог за...

Топ8 часа

Воз удри во автомобил во Прилеп, повредени четири лица

Четири лица се повредени во железничка несреќа што се случила во близина на меѓуградската автобуска станица во Прилеп. Според информациите на...

Свет9 часа

Трамп во нова трговска офанзива, воведе царини на многубројни европски производи

Дополнителни царини во вредност од 7,5 милијарди американски долари за низа европски производи денеска воведоа САД, што претставува нова трговска...

Свет9 часа

Eксплозии и пукање во Сирија еден ден по договорот за прекин на огнот

Експлозии на гранати и пукање во областа на градот Рас ел-Ајн во североисточна Сирија на само еден ден по договорот...

Европа10 часа

(Видео) Барселона во пламен, протестите излегоа од контрола

Илјадници луѓе синоќа излегоа на протест на улиците на Барселона, четврти ден по ред. Како што пренесуваат локалните медиуми, на...

Свет21 час

Турција ги прекинува воените операции во Сирија

Американскиот потпретседател Мајк Пенс изјави дека постигнал договор со турскиот претседател Реџеп Таип Ердоган за прекин на огнот во северна...

Регион23 часа

Рама: Направивме сè што побараа од нас

Го направивме тоа што го бараа, изјави албанскиот премиер Еди Рама., по состанокот со комесарот на ЕУ за соседска политика...

Македонија1 ден

Францускиот сенат го ратификуваше Протоколот за членство во НАТО

Францускиот Сенат го усвои предлог-законот за ратификација на Протоколот за членство на Република Северна Македонија во НАТО. Предлог-законот беше усвоен...

Свет1 ден

Лајен: Длабоко жалам, но најверојатно и денеска нема одлука за проширување

Нема сигнал дека на состанокот на лидерите на ЕУ во Брисел ќе биде постигната одлука за процесот на проширување на...

Регион1 ден

(Видео) Борисов: Македонија е колку Софија, каков ризик може да биде?

Бугарскиот премиер Бојко Борисов пред почетокот на самитот на лидерите на ЕУ рече дека Македонија и Албанија треба да добијат...

Досие