Македонија
Прераспределени судии во Кривичниот суд
Повеќе судиите во скопскиот Кривичен суд кои одобрија некое барање на Специјалното јавно обвинителство или пак јавно се жалеа на работата на судот се преместени на нови позиции.
Така, судијката која на тимот на Катица Јанева му одобри претрес во Управата за безбедност и контраразузнавање и во станот на Коста Крпач, Весна Димишкова, место во претходна постапка сега ќе суди премети со малолетници. Од позицијата судија во претходна постапка е остранета и Славица Андреевска која му одреди притвор на битолскиот градоначалник Владимир Талески, па сега ќе суди во Кривичниот оддел, и тоа стари предмети.
И судијата Ѓоко Ристов, кој имал издвоено мислење при едно барање на СЈО е преместен од организиран криминал во кривичниот оддел.
Други позиции добијаа и судиите Васил Динковски и Седат Реџепаѓиќ, кои беа дел од 15-те судиите кои поднесоа петиција до Судскиот Совет против работењето на поранешниот претседател на судот Владимир Панчевски.
Од Основниот суд Скопје 1 велат дека распоредот и преместувањата се право на претседателот на судот и дека не е вистина дека критериум било поведението на овие судии во врска со СЈО или нивните јавни критики.
„Судот во целост ги демантира наводите … дека со Годишниот распоред за работа на судот се прераспоредени само судии кои биле потпишани на петиција против поранешниот претседател или судии кои постапуваат само по предмети на СЈО или судии кои се ’подобни или неподобни’ со оглед да судиите се распоредуваат согласно Закон и потребите по оддели и одделенија зависно од бројот на предмети кои се во работа во судот со цел да не се дозволи било каков застој во постапувањето и одолговлекување на постапките“, соопштуваат од Основен суд Скопје 1
На нивно место доаѓаат други судии, па така судијката Лидија Петровска која го суди предметот на СЈО против вработени во УБК ќе суди за организиран криминал.
Во истиот оддел, организиран криминал, ќе суди и доскорешниот претседател на судот Владимир Панчевски, па имајќи предвид дека најголем дел од предметите на СЈО се од областа на организираниот криминал, тоа значи дека новите обвиненија на Катица Јанева ќе доѓаат токму и кај Панчевски и кај Петровска./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Потпишан Меморандум со највисоко рангираните универзитети во Македонија за соработка во рамки на проектот „Европска престолнина на културата – Скопје 2028“, објави Ѓорѓиевски
Градоначалникот на Град Скопје, заедно со највисоко рангираните универзитети во Македонија потпишаа Меморандум за соработка во рамки на проектот „Европска престолнина на културата – Скопје 2028“, со што академската заедница официјално се вклучува како активен и рамноправен партнер во овој значаен европски културен процес, информираат од Град Скопје.
Со Меморандумот се потврдува јасната европска ориентација на универзитетите и нивната улога како двигатели на знаење, креативност и иновации, како и нивната општествена одговорност во развојот на заедницата. Вклучувањето во „Скопје 2028“ отвора можности за интеграција на културата во наставните и истражувачките програми, поттикнување на студентската креативност и младинскиот ангажман, развој на интердисциплинарни и меѓународни партнерства и зголемување на академската видливост на европско ниво.
Академската заедница останува посветена на активна, професионална и визионерска улога во реализацијата на „Скопје 2028“, со цел зајакнување на европските вредности, продлабочување на интеркултурниот дијалог и создавање одржлива, солидарна и креативна иднина за Скопје и Македонија.
Македонија
Сиљановска-Давкова: „Извозот на мозоци“ остава длабоки лузни, најдобрите си заминуваат поради недостиг на правдата при вработувањето и напредувањето
Претседателката на државата, Гордана Сиљановска -Давкова денеска присуствуваше на презентацијата на проектот „Партнерства за вештини за одржливи и праведни модели на миграција“ (Skills4Justice), спроведен во рамките на програмата на ЕУ за истражување и иновации Хоризонт Европа (HORIZON Europe). Настанот се одржа на Економскиот факултет при УКИМ, како национален координатор на истиот.
Во своето воведно излагање, таа истакна дека одливот на младите високообразовани и компетитивни македонски кадри е една од најголемите закани за македонскиот општествен развој, со сериозни демографски, економски, политички, научни и културни последици.
Според неа, со сè помалубројна и послаба епистемолошка заедница (професори, истражувачи, новинари-аналитичари, културни дејци), тешко е да се креираат добри политики во различни области.
Најдобрите си заминуваат во потрага по подобар живот, но и заради недостиг на меритократија (потценето знаење, талент, вештина и креативност), како и отсуството на владеење на правото и правдата при вработувањето и напредувањето, смета таа.
За неа, напливот на високообразовни институции со сомнителен квалитет, како и партизацијата и непотизмот, продуцираат некритична и послушна ,,интелигенција”.
Таа истакна дека борбата со егзодусот на најдобрите треба да почне со реформи во основното и средно образование, преиспитување на високообразовната мрежа и заострени критериуми при избор и кариера.
На крајот, претседателката укажа на потребата од воведување дуално образование во сите степени, преиспитување на преоптоварената високообразовна мрежа, организирање заеднички студии и проекти со други универзитети, ангажирање на македонските умови од дијаспората со помош на вештачката интелигенција и дигитализација.
Македонија
СДСМ: Македонија сака во ЕУ а ВМРО изолација
Македонските граѓани во големо мнозинство, над 70% сакаат членство во ЕУ. Додека Мицкоски и ВМРО намерно ја туркаат земјата кон изолација, далеку од ЕУ, истакнуваат од СДСМ.
„Известувачот за Македонија, Томас Вајс денеска изјави дека мора да се исполнат реформи и условот со уставни измени за да продолжи европскиот пат на земјата, при презентирањето на нацрт-извештајот за 2025 година.
Евроамбасадороот Михалис Рокас вчера беше дециден дека нема членство во ЕУ без право на глас и без право на вето.
Со ова, приказните на Мицкоски се разобличени целосно.
Исто како и празната националистичка реторика која веќе не поминува“.
Граѓаните, додаваат од СДСМ, го гледаат Мицкоски седнат во авион како се лукзуора на нивна сметка, со скапи часовници од 60.000 евра, со тендери како томбола за бизнис.
Тоа, како што оценуваат, е личен финаниски патриотизам.
„Зборува за меко ткиво а не знае дека и мозокот е меко ткиво.
Мицкоски, граѓаните имаат мозок“.

