Македонија

Приказната за чантата „Луј Витон“ добива разрешница – Денеска пресуда за случајот „Рекет“

Објавено пред

2 месеци

- 18 јуни, 2020

Од

Денеска ќе се знае дали Катица Јанева и Бојан Јовановски се виновни или не и дали тргувале за личен бенефит во случајот „Рекет“. Помина речиси една година, а фамозните еден и пол милион евра уредно спакувани во чантатата „Луј Витон“ не се знае каде точно завршиле.

Првично, стануваше збор за шпекулации – почна од Кики, Фрики и Коки, а потоа во јавоста одекна снимка, кон почетокот на август минатата година – стотици илјади евра наредени на маса во „Луј Витон“ чанта, но и Јовановски и Зоран Милески-Кичеец, како си одат од домот на бизнисменот Камчев со чантата во раце.

„Ќе биде сè во ред“. Ова се слушна во вториот сет објавени разговори, а на снимките наводно го кажува тогашната шефица на СЈО, Катица Јанева, за да го смири Камчев, осомничен во „Империја“. И тоа е сè што јавноста можеше да го слушне од Јанева за овој случај.

На 15 август МВР го уапси Јовановски на излез од Македонија на граничниот премин Богородица, а во Скопје е уапсен Зоран Милески – Кичеец.

Неколку часа подоцна Јанева преку соопштение ја информира јавноста дека дава оставка од функцијата шеф на СЈО. Колегите од СЈО не ја штитат, напротив, се обидуваат да го заштитат само угледот на институцијата формирана за да го расветли криминалот и корупцијата, но сето тоа завршува неуспешно – СЈО згаснува, а обвинителите се вратени во матичните обвинителства, каде што продолжуваат да ги водат старите предмети.

На 21 август 2019 година, полицијата влегува на три локации, во СЈО и во домовите на Јанева во Гевгелија и во Скопје. Таа е уапсена и одредена ѝ е мерка притвор. Запленетиот сив кауч најверојатно долго ќе остане во меморијата на македонските граѓани.

Истрагата траеше неколку месеци, информациите се оскудни, а шпекулациите сè погласни. Јанева и Јовановски не даваат искази во истрагата.

Лани во октомври шефицата на Јавното обвинителство за гонење организиран кирминал, Вилма Русковска, го поднесува обвинението против Јовановски, Јанева и Милески. Самоуверено тврди дека се собрани сите докази – Јовановски се товари за примање награда и перење пари, Јанева за злоупотреба на службената положба и овластување, а Кичеец за примање награда.

Зимоска, на 3 декември, почнува судскиот процес за „Рекет“, под будното око на јавноста.

За време на судењето паднаа меѓусебни навреди меѓу двете колешки, тешки зборови кои ја разбрануваа јавноста, но ништо од тоа не одеше во прилог кон обелоденувањето на вистината.

Изненадување беше кога Зоран Кичеец – Милески ја призна вината, а неговиот предмет беше издвоен и тој доби тригодишна затворска казна. Тој никогаш не излезе да сведочи.

Половина година траеше судењето за случајот „Рекет“ – рочиште по рочиште, вкупно четириесетина. Јовановски се жалеше на лоша здравствена состојба, бараше домашен притвор, Јанева со качулка на главата беше пренесена во домашен притвор, а во меѓувреме, за време на судењата, јавноста беше сведок на лични навреди и дисквалификации и препукувања.

Се редеа сведоци, но најголемо внимание предизвикаа Камчев и неговата сопруга Ана, кои тврдеа дека биле жртви на уцена и дека се бореле за правдата во Македонија. Русковска, пак, одеше со спротивна теза, дека Камчев го монтира случајот за да се спаси од случајот „Империја“.

Процесот заврши пред две недели.

Русковска во својот завршен збор кажа дека недвосмилено е докажана вината на Јовановски и Јанева, одбраната на став дека нема никакви докази за сторен криминал и дека целиот обвинителен акт се темели на исказот на Камчев, кој по секоја цена се обидувал да се спаси од затвор.

Судскиот процес финишираше, а трагата на парите, еден и пол милион евра кои Камчев тврди дека му ги дал на Јовановски, не беше откриена.

Во меѓувреме СЈО престана да постои, исто како и приказната за македонските „Чарлиеви ангели“. Судските процеси се во тек, но со видно намалено внимание од страна на јавноста, која очигледно ја загуби вербата во правосудниот систем во државата.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

54 доктори и медицински сестри мобилизирани за борба со коронавирусот

Претходно

Пендаровски: Секој да биде свесен во улогата за ширењето на вирусот

Македонија

Демократски сојуз бара да се нормализира работата на здравствениот систем

Објавено пред

21 минута

- 10 август, 2020

Од

Макфакс

Демократски сојуз смета дека со почитување на здравствените мерки и препораки треба полека да се нормализира животот во целина.

„Прво, треба здравствениот систем да започне со работа со сите капацитети, за граѓаните да можат да добиваат здравствена заштита во сите јавни здравствени установи, посебно во врвните установи. Второ, да се подготви образовниот систем за да може наставата за учениците и студентите да се одвива во специфични здравствени услови и со највисоки стандарди за заштита на учениците, студентите и професорите.Трето, надлежните државни институции да ги зголемат кадровските потенцијали и остваруваат целосна контрола за спроведување на здравствените мерки“, соопшти партијата.

Демократски сојуз апелира и до сите компании и граѓани да ги почитуваат здравствените мерки и препораки, со што во голема мерка ќе придонесат за спречување на ширење на коронавирусот.

Прикажи повеќе...

Македонија

Утре без струја делови на Кисела Вода и Сарај

Објавено пред

2 часа

- 10 август, 2020

Од

Макфакс

Поради технички зафати во дистрибутивната електромрежа, утре без електрична енергија ќе останат:

– од 8.30 до 13 часот објектите на фирмите во кругот на поранешната фабрика „Стаклара“ (општина Кисела Вода);

– од 9 до 12.30 часот улицата Методија Патчев, од бр. 27 до бр. 33, и улицата Антон Димитров, од бр. 134 до бр. 154, во населбата Драчево (општина Кисела Вода);

– од 9 до 14 часот селата: Семениште, Буковиќ, Чајлане, Арнакија, Ласкарци, Паничари и Раовиќ (општина Сарај).

Прикажи повеќе...

Македонија

МВР: Актите за двојазичните унифoрми треба да се достават до Владата

Објавено пред

2 часа

- 10 август, 2020

Од

Макфакс

Министерството за внатрешни работи се повикува на Законот за употребата на јазиците откако денеска министерот Агим Нухиу потпиша правни акти за воведување двојазични натписи на униформите на полицијата, како и правно толкување во однос на тоа што треба да преземе Министерството за внатрешни работи во идниот период.

Од МВР соопштија дека актите за двојазичните униформи треба да се достават до Владата.

„Во Законот за употреба на јазиците („Службен весник на Република Македонија“ бр. 7/19) во членот 1 е утврдено дека на целата територија на Република Северна Македонија и во нејзините меѓународни односи службен јазик е македонскиот јазик и неговото кирилско писмо. Во продолжение на истиот член се утврдува дека друг јазик што го зборуваат најмалку 20 % од граѓаните (албански јазик) исто така е службен јазик и неговото писмо во согласност со овој закон.

Во согласност со член 8 став (3) од наведениот закон, униформите на полицијата, пожарникарството, здравството, и тоа во Скопје и во општините во кои најмалку 20 % од граѓаните зборуваат службен јазик поинаков од македонскиот јазик, се напишани на македонски јазик и неговото кирилско писмо, како и на јазикот што го зборуваат најмалку 20 % од граѓаните во Република Македонија и неговото писмо.

Во членот 23 е утврдено дека во рок од една година од денот на влегувањето во сила на овој закон сите надлежни институции се обврзани да ги донесат подзаконските акти за спроведување на овој закон. Во истиот член е предвидено и дека во рок од една година одредбите од другите закони се усогласуваат со одредбите на овој закон, а во случај на неусогласеност на одредбите на овој закон со јазичните одредби на друг закон органите се должни да ги применуваат одредбите од овој закон.

Во таа насока постапувајќи по цитираните законски одредби, на 11.7.2019 година во рамките на Министерството за внатрешни работи формирана е работна група со задача да изврши анализа и усогласување на прописите за униформата на полицијата со одредбите од Законот за употреба на јазиците („Службен весник на Република Македонија“ бр. 7/19) и со уставниот закон за спроведување на амандманите од XXXIII до XXXVI на Уставот на Република Македонија („Службен весник на Република Македонија“ бр. 6/19).

Како резултат на работата на наведената работна група, изготвени се текстови на уредба за изменување и дополнување на уредбата за униформата и ознаките на униформата на полицијата и правилник за изменување и дополнување на правилникот за носењето, времето на траење и распределбата на униформата и ознаките на униформата.

Имајќи го предвид изнесеното, објавата на министерот Нухиу се однесува на потпишување на актите што треба да се достават до Владата. Имено, уредбата за изменување и дополнување на уредбата за униформата и ознаките на униформата на полицијата ја носи Владата на Република Северна Македонија, а по нејзиното донесување, се носи правилникот за изменување и дополнување на правилникот за носењето, времето на траење и распределбата на униформата и ознаките на униформата од страна на министерот за внатрешни работи“, нагласува МВР во соопштението.

Прикажи повеќе...