Македонија
Пријави против градоначалниците на Скопје, Гази Баба, Кисела Вода и Шуто Оризари денеска пред антикорупционерите

Државната комисија за спречување на корупцијата (ДКСК) денес ќе одлучува по пријавите за изборни прекршувања на градоначалниците на Скопје, Гази Баба, Кисела Вода и Шуто Оризари. На дневен ред на дванаесеттата седница на ДКСК е и приговор против Јавното комунално претпријатие Гази Баба за можни изборни злоупотреби.
Сите пет приговори се поднесени од Игор Јанушев, генерален секретар на ВМРО-ДПМНЕ.
Антикорупционерите денес ќе ја одржат и 13. седница на која ќе се постапува по предмети за кои се отворени постапки по службена должност за можен судир на интереси.
Седниците ќе се одржат во просториите на ДКСК од 11 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ристоска: Измените на Кривичниот законик ги доживувам како навреда на сите професионалци

Последните измени на Кривичниот законик ги доживувам како навреда на сите професионалци кои се вложија, пред се’, во борбата против корупцијата, изјави денеска обвинителката Ленче Ристоска.
Според неа, Обвинителството сега е ставено пред неблагодарна и тешка задача, роковите се куси, а таму каде што не е застапена застареноста, тоа експресно да се заврши.
„Предметите во кои сме вложиле многу и ресурси и енергија веќе застаруваат, голем дел од нив. Барем за предметите по кои јас постапувам, во тек ни е анализа да видиме точно која ќе биде импликацијата од овие измени на Кривичниот законик. Меѓутоа, самите измени јас лично ги доживувам како навреда на сите професионалци кои сме се вложиле во борбата, пред се, против корупцијата, бидејќи овие измени најчесто ќе ги афектираат коруптивните кривични дела“, рече Ристоска.
Обвинителката смета дека измените ќе ги афектираат коруптивните кривични дела.
Македонија
„Се што ми напрaви мене, сега ти го прават тебе“: му порачува Георгиевски на Груевски

Лидерот на ВМРО-Народна партија, Љубчо Георгиевски во објава на социјалните мрежи му упати порака на неговиот поранешен сопартиец Никола Груевски, дека се што тој му правел нему, сега му се враќа.
„Порака до Груевски: Се што ми напрви мене сега ти го прават тебе. По учебникот кој им го остави. Само очигледно тие што ми беа лојални беа далеку помногубројни“, пишува Георгиевски.
Упатува пoрака и до како што вели, ВМРО-Шумадија.
„Порака до ВМРО-Шумадија: Многу мал чекор треба да направите за да му помогнете на вашиот довчерашен лидер, што единаесет години ви даваше власт“, вели Георгиевски.
„Да им помогнете на уште петнаесетина ваши сопартијци кои лежат по затворите вклучувајки ги и од 27. Да и помогнете на Македонија на патот до Европа“, порачува поранешниот лидер на ВМРО-ДПМНЕ.
Македонија
„Средба силна колку Горде“ – Мицкоски објави фотографија со Гордана Јанкулоска

Лидерот на ВМРО-ДПМНЕ, Христијан Мицкоски, денес оствари средба со поранешната министерка за внатрешни работи, Гордана Јанкулоска.
„Средба силна колку Горде. Неправдата никогаш не нè скршила!“, напиша Мицкоски во описот на фотографијата.
Јанулоска издржува затворска казна во „Идризово“ за предметот „Тенк“, а во моментот го користи вториот дел од годишниот одмор.
Средбата се случува во момент кога лидерот на ВМРО-ДПМНЕ, Христијан Мицкоски, влезе во фејсбук-војна со експремиерот, Никола Груевски, кој своевремено важеше за близок со Јанкулоска.