Македонија

Продолжува изградбата на комплексот Diamond во центарот на Скопје, инвестиција вредна над 250 милиони евра

Објавено пред

1 месец

- 17 декември, 2020

Од

И покрај многуте предизвици што ги наметна Ковид-кризата, подземниот булевар во центарот на Скопје, кој е дел од мултифункционалниот комплекс „Diamond of Skopje“, се гради интензивно.

Овој подземен булевар што го гради Лимак Скопје, ќе има по две сообраќајни ленти во обете насоки, а меѓу нив ќе биде предвиден и простор за две трамвајски линии. Булеварот ќе поминува низ подземен тунел долг 800 метри и широк 37 метри, кој на почетокот и на крајот ќе има кружни текови чија изградба е во надлежност на Град Скопје.

Инаку, во моментов, токму во делот на изградба на подземниот булевар се врши ископ со длабочина од 14 метри и се поставуваат едни од најголемите потпорни ѕидови во земјата, кои се комбинација на т.н. дијафрагма-ѕидови и столбови.

Паралелно со оваа подземна сообраќајница, која ќе биде прва и засега единствена од ваков вид во земјата, продолжува и изградбата на останатите елементи што ќе го сочинуваат комплексот „Diamond of Skopje“, кој по сите свои карактеристики ќе претставува ново уникатно, современо и урбано обележје на Скопје. Па така, во тек е поставувањето на фундаментот од 22 метри, како и бетонска темелна плоча со дебелина од два метри, на која ќе биде изграден резиденцијалниот дел на комплексот што ќе го сочинуваат четири згради со вкупно 772 станови за домување и 24 единици за канцелариски простор. Првите станари во резиденцијалниот дел од комплексот се очекуваат во 2022 година.

Во рамки на комплексот ќе има и затворен паркинг простор за 3.200 возила, како и околу 11.000 метри квадратни зелена површина, што претставува втор по големина зелен појас во Скопје, веднаш по градскиот парк. Од целиот комплекс, засега е целосно завршен и опремен хотелот со пет ѕвезди „Лимак Скопје Хотел“, кој наскоро се очекува да ги пречека и првите гости.

Вкупната инвестиција за изградба на целиот комплекс, вклучително и на подземниот булевар, се проценува на околу 250 милиони евра. Деновиве, инвеститорот на комплексот – Групацијата Лимак од Турција, како што информираат оттаму, успеала да ја заокружи целокупната финансиска конструкција, со што се исполнети сите услови за непречена реализација на целокупниот проект во предвидените рокови. Конкретно, потпишани се договори со пет реномирани банки: Халк банка од Скопје, Japi Kredi Bank и Demir-Halk Bank од Холандија, Halkbank од Белград, Србија и ICBC банка од Турција.

Лимак е интернационална компанија, во која работат 60.000 вработени во градежништво, енергетика, туризам, инфраструктура и други дејности. Во портфолиото на Лимак спаѓаат и светски познати мега проекти, како што е новиот аеродром во Истанбул, мостот Чанак кале 1915 и новиот терминал на меѓународниот аеродром во Кувајт чија вредност е 4,3 милијарди долари и претставува најголемиот договор што е доделен на странска градежна компанија во оваа земја. Во моментов Лимак е ангажиран на проекти во повеќе земји од светот со вкупна вредност од над 10 милијарди долари. Оваа година компанијата е рангирана на 61 место на листата од 250 најдобри градежни компании во светот, што е искачување за шест места во однос на минатогодишното рангирање што го прави ЕНР – Engineering News Records.

(ПР текст)

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Почина најмладата медицинска сестра како последица на Ковид-19

Претходно

СДСМ: Мицкоски да го повлече тврдењето дека е потребен нов договор со Бугарија

Македонија

Општина Центар додели 400.000 денари помош за Петриња и Сисак

Објавено пред

58 минути

- 22 јануари, 2021

Од

Макфакс

Советот на Општина Центар додели парична помош во висина од 400.000 денари на градовите Петриња и Сисак во Хрватска.

„На предлог на градоначалникот на Општина Центар, Саша Богдановиќ, на вчерашната седница едногласно од страна на сите советници беше изгласана помошта за граѓаните на Петриња и Сисак во Хрватска по разорниот земјотрес кој се случи на 29-ти декември минатата година“, соопштија од Општината.

Земјотресот чиј епицентар беше близу до Петриња, на 50-тина километри од главниот град на Хрватска, Загреб, одзеде најмалку седум животи, многумина ги остави без домови и покрив над главите и целиот град го претвори во рушевина.

Средствата ќе бидат уплатени во Фондот за солидарност на посебната сметка на Црвениот крст на Република Северна Македонија и во најбрз можен рок ќе им бидат достапни на граѓаните на Петриња и на Сисак.

Прикажи повеќе...

Македонија

Османи: Без разлика на предизвиците интеграцијата во ЕУ нема алтернатива

Објавено пред

1 час

- 22 јануари, 2021

Од

Макфакс

Министерот за надворешни работи на Република Северна Македонија Бујар Османи, во рамките на официјалната посета на Црна Гора, оствари средба со црногорскиот хомолог Ѓорѓе Радуловиќ. На средбата беа реафирмирани традиционални и пријателски односи меѓу двете земји, а беше нагласена и подготвеноста да се изнајдат конкретни форми за збогатување на секторската соработка, особено во реалниот сектор – економијата, размената, туризмот итн.

„Секогаш е убаво да се биде меѓу пријатели, во посета на пријателска земја, а Северна Македонија и Црна Гора се добар пример за тоа. Денешната посета на Црна Гора ја сметам за важна, како за нашите билатерални односи, за кои исто така сметам дека се одлични, така и за целиот регион, кој сѐ уште е обременет со сериозни предизвици, особено за неговата европска иднина.“, истакна Османи, упатувајќи благодарност до колегата Радуловиќ за пријатното гостопримство на неговата прва посета на Подгорица.

Покрај билатералните односи, на средбата беа отворени и темите за соработката во рамките на НАТО сојузништвото, како и заокружувањето на европската перспектива на двете земји .

„Процесот на проширување на ЕУ, или да се изразам попрецизно – заокружување или обединување на континентот во еден сојуз – нема алтернатива. Кога се работи за членството на земјите од Западниот Балкан во ЕУ не се поставува прашањето дали, туку како и кога!“, истакна Османи.

Посетата на министерот Османи во Подгорица, продолжува со негови средби со претседателот на државата Мило Ѓукановиќ, претседателот на црногорскиот парламент Алекса Бечиќ, премиерот Здравко Кривокапиќ и потпретседателот на Владата Дритан Абазовиќ.

Прикажи повеќе...

Македонија

Заев и Спасовски земаат највисоки плати во Владата

Објавено пред

1 час

- 22 јануари, 2021

Од

Макфакс

Премиерот Зоран Заев зема највисока плата од 87.813 денари, а министерот за внатрешни работи Оливер Спасовски е втор на списокот со плата од 85.113 денари, покажуваат податоците објавени на веб-страната на Владата за платите на премиерот, вицепремиерите и министрите за декември 2020 година.

Министерката за труд и социјална политика, Јагода Шахпаска, е трета на списокот според висината на платата со 74.273 денари нето-плата.

По неа се министерките за одбрана и култура, Радмила Шекеринска и Ирена Стефоска. Шекеринска зема 72.989 денари, а Стефоска 72.670.

Со плати над 70.000 денари се и вицепремиерот и министер за политички систем и односи меѓу заедниците, Артан Груби (70.102 денари), вицепремиерот за економски прашања Фатмир Битиќи (71.385 денари), вицепремиерот за европски прашања, Никола Димитров (71.385 денари), министерот за надворешни работи Бујар Османи (70.102 денари) и министерот за локална самоуправа, Горан Милевски (70.102 денари).