Македонија
Променливо облачно со најава за дожд

Времето денеска ќе биде променливо облачно во централните делови со повеќе сончеви периоди. Кон крајот на денот облачноста ќе се зголемува и особено од југ ќе има нови врнежи од дожд, на планините од снег, а преку ноќта повремен снег ќе има во западните делови понекаде и на повисоките места. Ќе дува слаб до умерен југоисточен ветер, поизразен долж Повардарието. Максималната температура ќе биде во интервал од 8 до 13 степени.
Во Скопје претпладне со повремен дожд. Потоа ќе е променливо облачно со сончеви периоди и слаб до умерен југоисточен ветер. Од вечерните часови облачноста ќе се зголеми и ќе има врнежи од дожд. Максималната температура ќе достигне до 10 степени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Царовска на средба со СОНК: Реформите во образованието се прават транспарентно и со вклученост на сите страни

Министерката за образование и наука Мила Царовска денеска се сретна со претседателот на СОНК, Јаким Неделков, и други претставници од синдикатот.
Како што информираат од ресорното министерство, на состанокот се разговарало за претстојниот реформски процес во основното образование и за предложената нацрт-концепција.
Претставниците на СОНК и министерката се согласиле дека реформите во образованието се нужни и треба да се направат, но и потенцирале дека синдикатот е важен парнер во носењето на новата концепција и спроведувањето на реформите.
„Со предложената концепција за секое дете во државата ќе бидат достапни позитивни и современи модели на учење кои во моментот може да си ги дозволат само дел од граѓаните, а наставниците ќе добијат слобода во организирањето на наставата, но и кариерен развој и можности за унапредување“, рекла Царовска додавајќи дека за првпат во последната деценија во нашата држава во делот на образованието се прават реформи на исклучително транспарентен начин и со вклученост на сите страни.
Во дебатата за концепцијата од самиот почеток се вклучени раководството на СОНК и регионалните претставништва на СОНК, експерти, професори и други засегнати страни и меѓународни организации и институции како УНИЦЕФ, Светска банка, УСАИД, британска и швајцарска амбасада, Делегација на ЕУ, потенцираат од МОН.
Македонија
Од понеделник лабораториски анализи на Д-димери и ЦРП во поликлиниките „Јане Сандански“, „Бит-пазар“ и „Драчево“

Министерството за здравство информира дека од понеделник во скопските поликлиники „Јане Сандански“, „Бит-пазар“ и „Драчево“, пациентите ќе можат да направат лабораториски анализи со проверување на вредностите на Д-димерите и ЦРП.
Овие анализи се важни во следењето на здравствената состојба на ковид-пациентите.
Од МЗ велат дека во трите поликлиники, од следната недела ќе има посебен план, лицата кои треба да ја направат потребната лабораториска анализа ќе доаѓаат во темини кои ќе бидат наменети само за нив за да не бидат во контакт со другите пациенти.
„Со овој начин им олеснуваме како на матичните лекари, така и на пациентите да не мора да одат во ковид-центрите и болничките установи за да ги направат потребните анализи. Партиципацијата за ваквата здравствена услуга ќе се наплаќа по ценовникот за здравствени услуги на Фондот за здравствено осигурување“, изјави директорот на Здравствен дом Скопје, д-р Виктор Исјановски.
Поликлиниките „Јане Сандански“, „Бит-пазар“ и „Драчево“ се подготвени со биохемиска апаратура и реагенси за изработка на бараната здравствена услуга.
Македонија
Новите членови на ДИК дадоа свечена изјава во Собранието

Новите членови на Државната изборна комисија дадоа свечена изјава пред претседателот на Собранието, Талат Џафери.
Нови членови на највисокото изборно тело во државата, кои беа избрани на 12 јануари, се: Александар Даштевски, претседател; Дитмире Шеху – потпретседателка и членови: Борис Кондарко, Оливер Ристовски, Радица Ристеска, Бобан Стојаноски и Кренар Лога.
Даштевски, кој беше предлог на ВМРО-ДПМНЕ, изјави дека тој е најнепартиски претседател на ДИК затоа што не е член на некој партиски орган, а ниту бил дел од некои партиски активности.
- Книги4 недели
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Македонија3 недели
Возачот на „бентлито“ што „влета“ на плоштад казнет со 45 евра, објавена фотографија од записникот
- Спорт3 месеци
Гетџи: По мечот со Хабиб, мојата мајка конечно ќе може да се пензионира