Македонија
Промовирана монографија по повод 30-годишнината од воспоставувањето дипломатски односи со Италија
![](https://makfax.com.mk/wp-content/uploads/2024/03/IT1.jpg)
Денес, во Министерството за надворешни работи на Република Северна Македонија беше промовирана монографија по повод 30-годишнината од воспоставувањето дипломатски односи меѓу двете земји, во организација на Амбасадата на Италијанската Република во Скопје.
Министерот Бујар Османи изрази задоволство и чест што Министерството за надворешни работи денеска е домаќин на промоцијата на монографијата, која е издание на Амбасадата на Италија и каде што се опфатени најзначајните моменти од историско значење за двете земји. Османи истакна дека со Италија во континуитет градиме пријателски и партнерски релации, кои се одраз на меѓусебно почитување и интензивна соработка во сите сфери на општественото живеење.
„Политичките односи, детерминирани од принципиелната италијанска поддршка на аспирациите за членство на нашата држава во Европската Унија и НАТО, се од особено значење бидејќи поддршката доаѓа токму од еден од стожерите на овие организации сметајќи ја нашата земја за клучен фактор за мирот и стабилноста во регионот“, рече Османи.
Со издавањето на оваа значајна публикација во облик на хронолошки пресек на билатералните релации се заокружува одбележувањето на јубилејот во чии рамки изминатиот период беа одржани серија пригодни настани. Република Северна Македонија и Италија тридеценискиот јубилеј на воспоставени дипломатски односи го гледаат како нова појдовна точка за натамошно продлабочување на дипломатските односи и соработка како идни рамноправни членови на европското семејство.
На денешното промовирање на монографијата свое обраќање имаа и амбасадорот на Италија во Скопје, Андреа Силвестри, претседателот на парламентарна Комисија за надворешна политика, Антонијо Милошоски, претседателот на пратеничката група на Собранието на Северна Македонија за соработка со парламентот на Италија, Елми Азири, како и првиот наш амбасадор во Италија, Виктор Габер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.