“Недела неработен ден е уште реализирано ветување од страна на Владата предводена од СДСМ кое е во насока на унапредување на работничките права”, истакна на денешната прес-конференција, Снежана Калеска Ванчева, претседателка на Форум на жени на СДСМ и пратеничка.

Таа додаде дека рамнотежата помеѓу личниот и професионалниот живот е важна, затоа со законските измени недела е дена за неделен одмор за 92 отсто од работниците. Останатите осум отсто кои работат во неделите, добиваат од 50 до 100 отсто повисоки дневници, а со тоа добиваат и повисоки месечни примања.

Според Ванчева преку оваа мерка, во Буџетот се слеваат два отсто повеќе даноци кои ќе завршат во посебен фонд од кој ќе се инвестира во изградба на детски градинки.

СДСМ останува посветена на грижа за работниците и унапредување на нивниот економскиот стандард.

За само четири години минималната плата порасна за над 6.000 денари, односно од 9.000 на 15.200. Преку отворен дијалог со сите засегнати страни, наскоро ќе следува ново зголемување на минималната плата.

Како Влада, како парламентарно мнозинство, преку конкретни мерки и политики, продолжуваме да ги унапредуваме правата на работниците и да го зајакнуваме економскиот стандард на сите граѓани,додаде Ванчева.

За укинување на техничка Влада потребен е консензус, предвремени избори нема да има, ВМРО-ДПМНЕ прави театар изјави на денешната прес-конференција Јован Митрески, координатор на пратеничката група на СДСМ и коалицијата.

Тој додаде дела техничката Влада беше формирана после Пржинскиот договор за да се одржат фер и демократски избори во 2016 година и според тој договор таа техничка Влада или пржинската Влада требаше да биде активна само за изборите 2016 година.

После губењето на власта ВМРО-ДПМНЕ беше против укинување на пршинската Влада и мора да констатирам дека прво добро е што ВМРО-ДПМНЕ после толкав период признава дека нашата држава има институции коишто можат да спроведат фер и демократски избори и за разлика од 2016 година кога нашата држава беше категоризирана како заробена држава денес е држава којашто може да спроведе такви избори признаени од сите, фер, демократски и слободни кредибилни избори.

Митрески наведе дека во врска со тоа што го наметнува ВМРО-ДПМНЕ како прашање и како теза тие спорат две работи.

Првата работа иако на одговор на прашање дека техничката Влада не е условена со одржување на предвремени парламентарни избори јасно е на стартот и на сите изјави дека условувањата се со предвремени парламентарни избори. Затоа сакам да спорам две работи за овој нивни предлог. Првата е начинот на којшто е доставен овој предлог а тоа значи дека и според договорот пржински значи дека измените на Законот за влада треба да биде консензус помеѓу четирите најголеми политички партии во Собранието а не на ваков начин со еднострано изразена волја на една партија.

И второ, тајмингот на поднесување на овој закон кога сите знаеме дека предвремени парламентарни избори нема да има, има редовни избори во 2024 година и фактички има време четирите најголеми политички партии да дискутираат и да имаат консензус во врска со техничката Влада. Очигледно безидејноста на ВМРО-ДПМНЕ во овој период , во овој тежок период кога државата се соочува и со енергетска криза и со кризата предизвикана од пандемијата, со борбата за зачувување на животниот стандард на граѓаните нема што друго да понуди освен да прави политички театар за јавноста, додаде Митрески.

Majorel, водечки глобален провајдер на сеопфатни решенија за корисничкa поддршка, отвoра прва канцеларија во Скопје, дополнително проширувајќи го својот глобален географски печат. Новата компанија ќе отвори стотици нови работни места во регионот, потпирајќи се на висококвалификуваната работна сила во земјава, која зборува повеќе јазици, како и на образованите млади генерации во земјава.

За таа цел Томас Мекенброк, извршен директор на Majorel изјави:

„Со нетрпение очекуваме да го зголемиме присуството на Majorel во Северна Македонија во текот на следните години. Гледаме голем потенцијал во овој регион, кој отсекогаш бил дел од нашите амбициозни планови за понатамошно проширување. Би сакал да ја искористам оваа прилика да им посакам добредојде на сите нови членови на Мајорел семејството во тимот во Скопје и да им посакам успех додека заедно се впуштаме во оваа нова возбудлива авантура“.

Повеќејазичниот контакт центар на компанијата е лоциран во срцето на Скопје, со одлични транспортни линкови, во модерен четирикатен канцелариски комплекс. Новата канцеларија на Мајорел има капацитет да прими 350+ вработени.

Тимот во Скопје ќе обезбедува услуги за корисничка поддршка на клиенти преку чет, телефон и електронска пошта за еден од нивните клиенти, глобален бренд од туристичката индустрија.

Комуникациските и јазичните вештини се главните квалификации што компанијата ги бара кај кандидатите и нуди дополнителни обуки за развој на своите вработени. Сите работни позиции се на веб-страницата на компанијата.

„Еден од клучните фактори во одлуката на Мајорел да влезе во Скопје, е квалификуваната работна сила со силни јазични вештини, особено со познавање на германски, англиски, италијански и турски јазик. Мајорел има за цел да постави нови стандарди на локалниот пазар на труд, обезбедувајќи извонредни пакети за вработување и работна средина која промовира безбедност, благосостојба, раст и можности за професионален развој на вработените – Изјави Џос Доренбуш, Менаџер за глобална експанзија во Majorel.

ЗА МАЈОРЕЛ

Ние дизајнираме, градиме, и испорачуваме целосна корисничка поддршка за дел од најценетите компании во светот, родени од дигиталната ера и вертикално-брендирани. Нашиот сеопфатен глобален печат во 34 земји на пет континенти, со повеќе од 66.800 членови на тимот и 60 јазици, докажува дека можеме да испорачаме флексибилни решенија кои ја користат нашата уникатна експертиза во културолошка повеќеслојност, што е од суштинско значење за вистински извонредно корисничко искуство.

Имаме длабока експертиза во доменот на корисничка поддршка од Front до Back Office. Покрај тоа нудиме, Digital Consumer Engagement, CX консалтинг и иновативен пакет на сопствени дигитални решенија за разни индустрии. Ние сме глобален лидер во содржински сервиси, доверба и сигурност. Ние веруваме дека токму заради целата оваа разновиднот Мајорел може да направи огромна разлика во оваа индустрија.

Главното седиште на Мајорел е во Грузија.