Контакт

Македонија

Русковска за акцијата во Грчец: Најдовме многу помалку дрога од очекуваното, наркобосовите се во бегство

Објавено пред

Акцијата за пронаоѓање дрога при сузбивањето на криминалните групи била пробиена во Грчец, а најголемата количина дрога е пронајдена во Гази Баба. Уапсени се 21 лице, шест лица се во бегство, а од нив, пет се главни кои ја воделе криминалната група.

Обвинителката Вилма Русковска кажа дека на локациите каде што знаеле дека има дрога, била отстранета. Најдени се само 800 грама кокаин на двете локации. Меѓу криминалната група има и малолетно лице. Русковска потенцираше дека не можат да ги најдат ни луксузните возила кои ги поседувале водачите на групите, бидејќи биле сокриени.

„Немаме доказ дека се меѓусебно поврзани, затоа поединечно беа собирани и доказите. Откако сметавме дека имаме доволно докази за сите лица, се организираше акција за нивно лишување од слобода. Во село Грчец се извршени претреси на 26 локации, лишени се од слобода 13 лица, од кои за 9 лица има мерка притвор, за три има мерка куќен притвор и за едно лице мерки на претпазливост. Од оваа група, пет лица ни се недостапни. Можете да ја видите шемата, односно организаторите и сите кои одат под нив и нивната меѓусебна комуникација. Во шемата има и едно малолетно лице во криминалната група во село Грчец“, рече обвинителката.

Таа посочи дека фатени се само продавачите, но не и, како што кажа Русковска, „наркобосовите“. Дополнително со вештачење на телефоните ќе се утврдува дали акцијата е пробиена со помош на вработени во полицијата.

„Што се однесува до криминалната група од Гази Баба, извршени се претреси на девет места, од кои осум лица се приведени и се наоѓаат во притвор, а по едно лице се трага. Можам да ви кажам дека од двете групи се одземени повеќе од 80.000 евра, повеќе од 300.000 денари, 500 франци. Што се однесува на пронајдената наркотична дрога, ќе ви кажам дека е околу 5 кг мархуана и некаде околу 600-700 грама кокаин. Сè уште не се извршени вештачења. Најголем дел од парите и дрогата се најдени при претресите во Гази Баба, а многу малку во село Грчец бидејќи според посебните истражни мерки, кои се завршуваат денеска, а кои се однесуваат на овие шест лица по кои се трага, имаме сознанија дека акцијата во село Грчец е пробиена. Таму за каде што имавме сознанија дека има дрога, беше исчистено. Тука на три локации се пронајдени некад околу 100 грама кокаин. Без разлика на количината, обвинителството располага со цврсти докази за сите лица за кои е издадена наредба за спроведување истражна постапка. Од самиот почеток знаевме дека нема да успееме да најдеме поголема количина дрога. Одземени се само три возила, и тоа две од Грчец и една од Гази Баба. Со тоа што најлуксузните возила кои ги поседуваат водачите на Грчец беа сокриени, што значи дека негде се пронајдени само клучеви, некаде ни тоа“, додаде Русковска.

Акцијата се одвивала една година, се следеле комуникации, но се правело и физичко следење на осомничените. Обвинителката тврди дека има докази и за лицата кои се во бегство, што значи дека од слобода не можат да ги уништат.

„Пред една година со двајца обвинители и со тимот истражители кои се во Обвинителството решивме да се обидеме да собереме доволно докази со кои ќе се оневозможат понатамошно делување на две криминални групи, и тоа една од село Грчец, а другата во населба Гази Баба. Уште на почетокот бевме свесни дека за секој од членовите на овие криминални групи мора да собираме поединечни докази бидејќи тие дрогата што ја продаваа ја чуваат на безбедни места и дека постои мала веројатност сека при спроведување на акција за нивно лишување на слобода ќе се најдат големи количини наркотична дрога, а во најголем број случаи се работи за кокаин. Се побараа наредби за посебни истражни мерки, следење на комуникации и тајно следење и снимање надвор од приватен имот. Истражителите на Обвинителството беа во техниката каде што се вршеше прислушувањето, односно следењето на комуникациите кога имаа сознанија дека одредени лица ќе вршат продажба на наркотична дрога, се координираа со другите истражители, а овие со службата за следење при што откако ќе се документираше продажбата со помош на одбрани лица на интервентната полиција се вршеше запирање на возилото, запирање на улица при што им беше одземана наркотичната дрога која ја имаа купено. Кривични пријави за поединци одеа по основните обвинителства, ако купувачите ја препродаваa дрогата“, додаде Русковска.

Македонија

Стигнаа 10.530 дози од „Фајзер“, од среда ќе бидат распределени на пунктовите за вакцинација

Објавено пред

Попладнево стигна првата пратка од вакцините на „Фајзер“, која властите ја обезбедиjа cо директни преговори со овој производител, информираат од Министерството за здравство.

Станува збор за 10.530 дози од вакцината, кои веќе од среда ќе бидат распределени на вакциналните пунктови во државата, каде што се одвива вакцинацијата во согласност со Националната стратегија за ковид-имунизација.

Вакцините ќе бидат чувани во специјалните фрижидери кои постигнуваат температури под -70 степени, што државата ги набави во јануари токму за вакцината на „Фајзер“, која мора да биде складирана под посебни услови.

На почетокот од годинава Владата објави дека министерот за здравство, Венко Филипче, во директни преговори со американскиот производител договорил 800.000 дози од вакцината против Ковид-19, кои ќе се доставуваат во повеќе пратки во текот на 2021.

Прикажи повеќе...

Македонија

Груевски: Тие си знаат чиј имот замрзнале, но мој сигурно не е

Објавено пред

Денес дознав дека деновиве ОЈО објавило дека замрзнале наводен мој имот, односно земјиште и два помали стана што ги бев изнајмил, а некои од нивните апологети во медиумите тоа го објавиле како сигурна информација, пишува на „Фејсбук“ поранештниот премиер во бегство, Никола Груевски.

„Невозможно е да замрзнале мој имот што го немам и никогаш не бил моја сопственост, кој никогаш не сум го купил, ниту сум го платил, ниту поседувал ниту бил на нечие друго име или слично. Тие си знаат чиј имот замрзнале, но мој сигурно не, и под кои услови и околности кон лицата чиј имот го замрзнале, кој им е договорот и со што ги уцениле, па како резултат на тоа ги знаат и причините поради кои тие лица ‘не се жалеле’“, стои во објавата на Груевски.

Денес дознав дека деновиве ОЈО објавиле дека замрзнале наводен мој имот, односно земјиште и два помали стана кои ги бев…

Posted by Nikola Gruevski on Понеделник, 19 април 2021

Поранешниот премиер, кој доби азил во Унгарија, обвинува дека ОЈО под директива на власта, со цел негова дискредитација, има извршено уцени и жестоки притисоци.

„Некаде и со изрекување притвори, некаде со закана за долг притвор и потоа долгогодишен затвор, уништување бизниси и жесток прогон кон одредени бизнисмени, нивни вработени и други, дел за мене познати, а дел непознати лица, со цел да направат конструкција на база на изнудени лажни сведочења дека наводно тајно сум купил таков вид имот“, наведува експремиерот.

Тој тврди дека списокот на лица врз кои се вршеле и понатаму се вршат тортури е долг.

„Како што стојат работите, повторно како во комунизмот ќе водат постапки со неколку уценети и од нив преплашени сведоци, кои се под големи закани и на кои подолг период им се барани слабости, грешки или што било со што може да бидат уценети во смисла да не се поведе прогон за нив, а за возврат тие да ги потврдат конструираните тези на Обвинителството“, пишува Груевски.

На крајот од својата подолга објава тој посочува дека ќе дојде време кога, како што вели, на сето ова беснеење ќе има ревизија, но и ревизија на работењето и криминалот на актуелната власт.

„Од ден на ден нивниот страв расте. И ќе расте. Има причина за тоа. Доаѓа време кога сведоците, ама не лажни или уценети, туку реални и без страв, поткрепени со матерјални докази, ќе застанат наспроти нив“, заклучува поранешниот премиер во бегство.

Викендов беше објавено дека Кривичниот суд замрзнал новооткриен имот на Никола Груевски од два стана и плац на Водно од 3.000 квадратни метри како дел од истрага на Обвинителството за организиран криминал и корупција.

Државниот јавен обвинител Љубомир Јовески посочи дека имотот не фигурирал на името на Груевски, кој во моментот е политички азилант во Унгарија, но сознанијата говорат дека суштински е негов.

Прикажи повеќе...

Македонија

Мицкоски на средба со директорот на ИРИ: Власта целосно потфрли со пандемијата и заглави во криминал

Објавено пред

Претседателот на ВМРО-ДПМНЕ, Христијан Мицкоски, генералниот секретар на партијата, Ѓорѓија Сајкоски, и членот на ИК, Стефан Андоновски, денеска остварија средба со Овен Паун, директор на Меѓународниот републикански институт (ИРИ) за Македонија.

Како што информираат од партијата, на средбата Мицкоски потенцирал дека власта потфрлила да ги заштити граѓаните и навреме да обезбеди вакцини против Ковид-19.

„Поради тоа, заостануваме зад Европа и регионот, а Македонија често се наоѓа во врвот на земји со најмногу починати на листите на милион или 100.000 жители“, посочил Мицкоски.

Во однос на политичката ситуација, лидерот на партијата рекол дека власта со многуте коруптивни афери ја нарушила довербата кај меѓународната заедница.

„За коруптивноста на власта и инволвираноста во криминали доказ се последните случувања со заплена на дрога и коруптивни афери во кои осомничени се владини функционери и лица блиски до власта“, рекол Мицкоски.

На средбата се дискутирало и за соработката помеѓу ИРИ и ВМРО-ДПМНЕ, при што било нагласено дека во иднина се планира проширување на соработката во подготовка на програмата и работата пред следните избори.

Прикажи повеќе...

Најново

Македонија5 часа

Стигнаа 10.530 дози од „Фајзер“, од среда ќе бидат распределени на пунктовите за вакцинација

Попладнево стигна првата пратка од вакцините на „Фајзер“, која властите ја обезбедиjа cо директни преговори со овој производител, информираат од...

Европа5 часа

Шведски доктор: Секој ден фрламе стотици дози „астра зенека“

Стотици дози од вакцината на „Астра зенека“ против Ковид-19 се фрлаат секој ден во Стокхолм затоа што жителите одбиваат да...

Македонија6 часа

Груевски: Тие си знаат чиј имот замрзнале, но мој сигурно не е

Денес дознав дека деновиве ОЈО објавило дека замрзнале наводен мој имот, односно земјиште и два помали стана што ги бев...

Европа9 часа

Политичките лидери за Суперлигата: Богатите не може да ја присвојат убавината на фудбалот

Дванаесет големи европски фудбалски клубови синоќа објавија дека ќе стартуваат нова Суперлига, затворено натпреварување, во кое ќе играат само најсилните...

Македонија9 часа

35 починати и 135 нови случаи на Ковид-19

Oд Министерството за здравство информираат дека во последните 24 часа се направени 841 тестирањe, а регистрирани се 135 нови случаи...

Македонија10 часа

Рестриктивните мерки продолжуваат и во наредните седум дена, препорача Комисијата за заразни болести

Главниот кризен координативен штаб на денешната седница ги разгледуваше предлозите пристигнати од Комисијата за заразни болести и врз основа на...

Македонија11 час

Џафери тврди дека ги консултирал институциите – заразените пратеници гласале според дополнителен протокол

Претседателот на Собранието, Талат Џафери, на денешната прес-конференција рече дека бил приморан да се потпре на дополнетиот протокол со кој...

Економија13 часа

Угостителите утре излегуваат на протест, бараат спас за секторот

Туристичко-угостителскиот сектор се наоѓа во исклучително тешка положба, а за негов спас е потребна сериозна и континуирана финансиска помош каква...

Македонија13 часа

Филипче: Состојбата со новозаразени е стабилна, бројот на пациенти намален

Министерот за здравство, Венко Филипче, информираше дека имал состанок со директорите на клиниките и на ковид-центрите на кој била направена...

Македонија15 часа

Границата со Грција останува затворена за македонските граѓани, Србите можат да патуваат преку Бугарија

Грчките граници остануваат затворени за влез на државјани на трети земји, меѓу кои и Северна Македонија. За нив, владата во...

Регион16 часа

Словенија ги ублажува мерките, до 100 луѓе ќе можат да се соберат на едно место

Словенија полека ги олеснува мерките, па од денес е во сила одлуката на владата дека можат да се соберат до...

Македонија16 часа

Денеска во Македонија пристигнуваат 10.000 вакцини на „Фајзер“

Попладнево се очекува да стигнат 10.000 вакцини на „Фајзер“, а според најавите, уште толку ќе пристигнат и следната недела. Вакцините...

Европа16 часа

Макрон: Санкциите не се доволни за Русите, треба остро да се разговара со нив

Тензиите на руско-украинската граница се неприфатливи, смета францускиот претседател Емануел Макрон, тврдејќи дека санкциите против Русија не се доволни. „Денешната...

Свет1 ден

Убиецот кој застрела осум луѓе во „Федекс“ го купил оружјето легално

Момчето кое уби осум лица со огнено оружје во објект на „Федекс“ во Индијанаполис, САД, а потоа изврши самоубиство, купил...

Свет1 ден

Келин: Руските власти нема да дозволат Навални да умре во затвор

Рускиот амбасадор во Велика Британија, Андреј Келин, изјави денеска во интервју за Би-Би-Си дека власта нема да дозволи Алексеј Навални...

Македонија1 ден

Заев: Со згрозување ја примив информацијата дека за Мицкоски гласањето во Собрание било тероризам

Со згрозување ја примив информацијата дека за Христијан Мицкоски овој чин бил тероризам. Мицкоски се дрзна гласањето помош за граѓаните...

Македонија1 ден

Мицкоски за болните пратеници во Собранието: Ова е тероризам, а не 27 април

Лидерот на ВМРО-ДПМНЕ, Христијан Мицкоски, го коментира доаѓањето на пратениците болни од коронавирус во Собранието. „Ова во Собрание е тероризам,...

Македонија1 ден

Во Македонија 364 нови случаи на коронавирус, починаа 24 лица

Во последните 24 часа во Македонија се потврдени 364 нови случаи на коронавирус, 24 лица починаа, а оздравеа 689 заболени,...

Македонија1 ден

Изгласан петтиот пакет мерки, гласаа и двајца пратеници позитивни на Ковид-19

Собранието го изгласа петтиот пакет економски мерки за помош на стопанствениците и економијата погодени од пандемијата. Изгласани се Законот за...

Македонија1 ден

ВМРО-ДПМНЕ: Заев го загрозува јавното здравје и тера пратеници болни од ковид да одат во Собрание

Зоран Заев го загрозува јавното здравје и тера пратеници болни од КОВИД во изолација, во скафандери да одат во Собрание,...

Досие