Времето денеска ќе биде претпладне по одделни котлини со појава на магла и ниска облачност, преку денот сончево со умерена облачност.

Минималната температура ќе биде во интервал од 1 до 6, а максималната ќе достигне од 8 до 13 степени.

Во Скопје претпладне со услови за слаба магла, преку денот сончево со умерена облачност и претежно тивко.

Минималната температура ќе се спушти до 3, а максималната ќе достигне до 10 степени.

Тајната коалиција Ковачевски – Арсовска излезе на површина. И самиот Ковачевски призна дека имал средби со Арсовска во Влада. СДС и Арсовска стојат позади целиот хаос во главниот град. Ковачевски и Арсовска заедно се виновни за грабежот над скопјани кои здружно го прават. Нивната коалиција е само за бизнис зделки и тендери во четири очи, се вели во соопштението од ВМРО-ДПМНЕ.

Од партијата додаваат дека Арсовска постави кадар на СДС за директор на ЈСП. Директорот на ЈСП, Стојковски, лично ја потпиша набавката од 27 милиони евра за гориво по цена од 2 евра за литро. Грабежот на Скопје е заеднички организиран од Ковачевски и Арсовска. Арсовска ги малтретира работниците и го загрозува јавниот превоз во Скопје.

Од ВМРО-ДПМНЕ велат дека само за две недели, Арсовска се соочи со протести на вработените во ЈСП поради неисплатени плати, на приватните превозници поради неисплатен долг, како и протестите на вработените во Дрисла поради закани за отпуштање е доволен показател дека градот не функционира.

Градот никогаш не бил понечист, граѓаните за прв пат немаат јавен превоз, додека претпријатијата се пред колапс, а долговите растат, Арсовска наместо да се фати за работа и да ги реализира проектите од програмата за Модерно Скопје за кои скопјани дадоа поддршка, се среќава на тајни средби со Димитар Ковачевски и СДС.

Една година беше доволен период за скопјани да видат дека Арсовска е најнеспособната градоначалничка. Арсовска мора веднаш да си замине, се вели во соопштението.

Општина Центар по однос денешната информација за поставена бомба во ООУ „Кочо Рацин“ на Водно ја информира јавноста дека станува збор за лажна дојава.

Откако на мејл адреса на основното училиштето е упатена закана за поставена експлозивна направа, веднаш е пријавено во Министерството за внатрешни работи по што полициски службеници веднаш го евакуираа училиштето.

Преземени се сите мерки и антитерористички проверки, при што утврдено е дека станува збор за лажна пријава.

Ова е прва дојава за бомба во основно училиште. Пред 20-на дена дојава за бомби преку електронски пат имаше во неколку средни училишта во Скопје.

Општина Центар во соработка со надлежните институции ги презема сите неопходни мерки за заштита на учениците и сите вработени во образовните институции.