Македонија
СДСМ: Коце Трајановски нема кредибилитет да зборува за состојбите на град Скопје
Коце Трајановски имаше 8 години да остави трајни проекти за Скопје, но наместо тоа тој реши да ги исполнува криминалните желби на неговиот шеф Никола Груевски, затоа денес Трајановски нема кредибилитет да зборува за состојбите во Град Скопје, соопшти СДСМ.
„600 милиони евра пари на граѓаните потроши ВМРО-ДПМНЕ во центарот на Скопје за споменици, лажен барок, палми и жални врби, додека делов од градот немаа водовод и канализации. Од Град со зеленило, дрвја и паркови, Скопје стана град од бетон и стиропор обвиен во сивило. Граѓаните се сведоци и на урбаната мафија која градеше каде стигне и за тоа си делеше дебели провизии и тендери. Редовно поплавување на улици и булевари на секој дожд беше уште една од бројните последици од негрижата на тогашната власт предводена токму од Трајановски.
Денес, како никогаш досега истовремено се реконструираат клучни сообраќајници во сите скопски општини, реконструирани и подигнати се нови зелени површини на околу 40 илјади квадратни метри, а се решава и проблемот со аеорозагадувањето кој ВМРО-ДПМНЕ со години го игнорираше.
Нови еколошки автобуси, субвенции за електрични возила, електрични тротинети, велосипеди, вградување на плински уреди во возилата, греење на палети, субвенции за инвентори, зголемен инспекциски надзор на диви депонии и палење на стрништа, се дел од мерките кои оваа градска власт ги презеде против аерозагадувањето.
Градот ја презема мрежата за дистрибуција на топлинска енергија, се работи и на процесот на гасификација со цел што повеќе граѓани да добијат пристап до поевтино и еколошко загревање.
Се вложува во паркови, нови садници на дрва, детски игралишта, урбана опрема, нови контејнери за отпад, реконструкција на училишта, велосипедски патеки.
ВМРО-ДПМНЕ нема кредибилитет да зборува за Град Скопје бидејќи оваа партија ниту како власт ниту како опозиција не работела никогаш во интерес на градот и неговите граѓани.
ВМРО-ДПМНЕ може да гледа и да учи од градската власт предводена од СДСМ и градоначалникот Петре Шилегов, како изгледа вистинска грижа за градот Скопје“ се наведува во соопштението на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Успешно спасени двајца вработени во мобилен оператор заглавени во снег кај Лазарополе
Двајца вработени во мобилниот оператор А1 синоќа беа заглавени во снег кај село Лазарополе, во близина на базната станица на операторот, информираат од Министерството за внатрешни работи.
Случајот бил пријавен во 23:30 часот, откако со лицата не можело да се воспостави контакт поради отсуство на мобилна мрежа. Веднаш по пријавата, во акцијата биле ангажирани припадници на Одделот за специјални полициски операции, Одделот за униформирана полиција, како и на Дирекцијата за заштита и спасување.
Со две теренски возила, опремени со санки за снег и спасувачка опрема, екипите се упатиле кон местото на настанот.
„Денеска (11.01.) во 08:30 часот, лицата биле пронајдени и успешно извлечени во добра здравствена состојба. Станува збор за лицата Г.Н. (47) и М.М. (37), двајцата од Скопје, кои се движеле со теренско возило марка „VW Amarok“ со скопски регистерски ознаки.
Тие биле пронајдени на локација позната како „Коритник“, во близина на предавателот на мрежата на А1, на атарот на село Лазарополе“, стои во објавата на МВР.
Македонија
Во Гостивар, Маврово – Ростуше, Врапчиште и Центар Жупа се одржуваат повторени избори за градоначалник
Во општините Гостивар, Маврово – Ростуше, Врапчиште и Центар Жупа денеска се одржуваат повторени избори за градоначалник, откако во првиот круг од локалните избори не беше постигната потребната излезност.
Гласањето започна во 7 часот и ќе трае до 19 часот.
Согласно Изборниот законик, за избор на градоначалник потребно е еден од кандидатите да добие мнозинство од гласовите на излезените гласачи.
Вчера гласаа болните и изнемоштените лица, како и затворениците.
Државната изборна комисија во текот на денот ќе информира за текот на гласањето и излезноста, а првичните резултати се очекуваат по доставувањето од општинските изборни комисии.
Македонија
Променливо облачно и студено време со повремен снег
Времето денеска ќе биде променливо облачно и студено, со повремени локални врнежи од снег во претпладневните часови. Попладне се очекува врнежите постепено да престанат.
Од Управата за хидрометеоролошки работи информираат дека ќе дува умерен, а долж Повардарието повремено засилен ветер од северен правец. Утринските температури ќе се движат од минус пет до два степена, додека дневните ќе достигнат од минус еден до пет степени.
Во Скопје времето ќе биде променливо облачно, претпладне со повремени врнежи од дожд и снег. Ќе дува слаб до умерен северен ветер. Минималната температура ќе се спушти до минус еден степен, а максималната ќе достигне околу три степени.
Според најавите од УХМР, од почетокот на следната седмица се очекува стабилизирање на времето. Под влијание на поле на висок воздушен притисок, ќе преовладува суво и студено време, а на одделни места утринските температури ќе се спуштат и под минус десет степени.

