Полицијата вчера казнила 650 лица за неносење маски.

„Во текот на изминатото деноноќие (05/06.03.2021) на територијата на Република Северна Македонија, по однос на мерката за носење лична заштита на лице, регистрирани се 650 прекршоци“, соопшти Министерството за внатрешни работи.

Од таму апелираат до граѓаните да ги почитуваат мерките и протоколите донесени од Владата со цел справување со Ковид 19.

Полицијата затекна 11 гости во чајџилница во Гостивар, после 21 часот. Сопственикот е приведен и против него ќе биде поднесена пријава за непостапување според здравствените прописи за време на епидемија.

Според информациите на МВР, вчера во 22.50 часот при извршена контрола на чајџилница на ул. „18 Ноември“ во Гостивар, сопственост на М.И.(45) од Гостивар, констатирано е дека се постапува спротивно на законски пропишаното работно време за време на епидемија, при што во објектот имало 11 гости.

Објектот од страна на Државниот пазарен инспекторат е затворен, а сопственикот М.И. е задржан во полициска станица. По целосно документирање на случајот ќе биде поднесена пријава за непостапување според здравствените прописи за време на епидемија.

Полицијата за еден казни 165 возачи во Скопје, од кои 28 за брзо возење, соопшти Министерството за внатрешни работи.

Вчера на територијата на Скопје изречени се 165 мерки, меѓу кои за непочитување на брзина на движење 28, 21 санкција за возење без возачка дозвола, 10 санкции за управување под дејство на алкохол…

Дванаесет возачи се казнети за користење на мобилен телефон, тројца за минување на црвено светло, четворица за некористење сигурносен појас, пет возачи за недавање првенство на минување на пешаци и 50 мерки за непрописно паркирани возила.

„Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот“, веат од МВР.