Македонија
СДСМ: Мицкоски призна дека државата загубила генерации

Христијан Мицкоски призна дека државата загубила генерации, но признанието не е доволно, вели СДСМ по денешното обраќање на лидерот на опозицијата.
„Мицкоски денеска призна дека Македонија загуби неколку генерации како резултат на 11-годишното криминално и расипничко владеење на неговата партија ВМРО-ДПМНЕ и неговиот претходник Никола Груевски. Ова признание на Мицкоски не е доволно. Граѓаните очекуваат, наместо по стапките на Никола Груевски, ВМРО-ДПМНЕ да ги напушти штетните и деструктивни политики. Наместо да дејствува спротивно на интересите на граѓаните и државата, ВМРО-ДПМНЕ треба да смогне сила вистински да се реформира. По 11 години осиромашување, изолација и поделби на граѓаните и државата, Република Македонија тргна напред. Времето на тонење, бесперспективност и уназадување на Македонија заврши со заминувањето од власт на ВМРО-ДПМНЕ“, стои во соопштението што го испрати СДСМ.
Владејачката партија додава дека Македонија се гради како модерна и демократска држава на еднакви граѓани, а реформскиот процес и успешните економски политики на Владата предводена од СДСМ обезбедуваат економски раст, повисоки плати, одговорни институции и повеќе пари назад кај граѓаните.
Мицкоски денеска најави дека ќе почне со посети на терен за да го чуе гласот на народот. Порача дека Македонија нема време за чекање и не смеат да дозволат да биде изгубена уште една генерација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Променливо облачно, попладне дожд

Претпладне променливо облачно, попладне во северозападниот дел ќе има појава на пороен дожд проследен со грмежи. Ќе дува слаб до умерен југоисточен ветер. Максималната температура ќе биде во интервал од 22 до 27 степени.
Во Скопје претпладне со умерена облачност, а попладне во делови од котлината ќе биде нестабилно со пороен дожд, грмежи, засилен ветер и услови за изолирана појава на град. Максималната температура ќе достигне 26 степени.
Македонија
На нож дочекано разрешувањето на кардиохирургот Јовев: „Не вирее професионалец овде“, „Меџити, добар ли си со глаата?!“

Разрешувањето на кардиохирургот Сашко Јовев од функцијата директор на Кардиологија наиде на бурни реакции во јавноста, како од фелата, така и од граѓаните. Јовев добива поддршка, а неговата смена е дочекана со критики. На социјалните мрежи има и јавни личности кои изразуваат поддршка и бараат одлуката за промена да биде итно повлечена.
„Не вирее професионалец овде“, напиша докторот Ненад Лазаров.
Со став се јави и докторот Александар Стојкоски, актуелен градоначалник на Ѓорче Петров.
„Со вакви мерки стимулирате само повеќе карти во еден правец надвор од државава! Има разлика“, напиша тој.
Актерката Ирена Ристиќ испрати порака до министерот за здравство Меџити.
„Ако првата трансплантација на срце и уште неколку други кои уследија после тоа, не се резултат и тоа за највисоки почести во државава, онда не знам што е!!! Меџити, добар ли си со глаата?! Ќе ни носиш доктори од Тетовскиот?! Мрш!!! Поддршка за доктор Јовев!!!“, напиша Ристиќ.
И ова не се единствените јавни пораки.
Министерот за здравство, Фатмир Меџити, го разреши кардиохирургот Сашко Јовев од функцијата директор на Кардиологија и предводник на тимот што ги правеше трансплантациите на срце. На прашањето зошто го разрешил, министерот Меџити рече дека на клиниките нема да остави директори што спијат и немаат резултати.
„Нема да има директори што седат, спијат и немаат резултати. Затоа е здравството во ваква амортизирана состојба. Ова е само почеток, со мене како министер и со кабинетот нема никој повеќе да седи, ќе поднесе извештај што има сработено“, рече министерот Меџити по денешната промоција на можноста за електронско пријавување новороденчиња.
Македонија
Ќе направам се’ за да ДУИ оди во опозиција, рече Мицкоски и повика на формирање пакт за национално единство

Ќе направам се за да ДУИ оди во опозиција, рече лидерот на ВМРО-ДПМНЕ, Христијан Мицкоски на вечерашната дебата во Велес насловена „Развојни политики за стабилна економија“ и повика на формирање на пакт за национално единство.
„Се чини дека Владата нема никаков план, ниту пак говори за тоа. Од друга страна имаме премиер кој е уценет. Имаме премиер кој ДУИ го држи во заложништво, а токму тие се вистинските газди во владата, газди на криминалот и господари на туѓите судбини“, рече Мицкоски.
И затоа ви велам дека ќе направам се за да ДУИ оди во опозиција, рече Мицкоски и додаде „и подготвен сум да направам пакт за национално и државно единство со сите некриминализирани сегменти во државата од било која провиниенција само за да ДУИ после 20 години власт да оди во опозиција“.
„И ова не го зборувам затоа што на овој начин сакам да го градам својот рејтинг, и рејтингот на ВМРО-ДПМНЕ како што тие луѓе од раководството на ДУИ јавно го зборуваат. Ова го зборувам затоа што верувам во тоа. Кога тие ќе заминат во опозиција, ќе и се раздени на Македонија. Кога тие ќе заминат во опозицијата ќе не биде. Повторувам ова е пакт за национално единство со некриминализирани сегменти од општеството. А криминалците од сегашната Влада ќе одговараат пред лицето на правдата“, рече Мицкоски.
Претседателот на ВМРО-ДПМНЕ заклучи дека „таквиот пакт за национално и државно единство ќе биде и добар одговор да ги здружиме силите и да се избориме низ силните предизвици кои надоаѓаат и да се бориме за фер шанса за која ви говорам“.
Мицкоски во денешното обраќање изјави дека на претстојната лидерска средба ќе каже не за уставни измени по бугарски диктат.