Македонија
Сексуалната ориентација станува основ за дискриминација
Законот за спречување и заштита од дискриминација денеска беше изгласан од пратениците во Собранието.
Од Министерството за труд и социјална политика соопштија дека новиот закон, со вклучувањето на основите на сексуална ориентација и родов идентитет, ја проширува заштитата од дискриминација кон оваа група граѓани.
„Законското решение овозможува превенција и еднаков пристап до механизмите за заштита од дискриминација за сите граѓани. Основа за донесување на овој закон е токму Уставот на Република Северна Македонија, во кој се утврдени основните слободи и правата на човекот и граѓанинот“, велат од таму.
Законот има добиено позитивни мислења од Венециската комисија, од Обеднитетите нации, од ЕУ и од ОБСЕ-ОДИХР, од каде што истакнале дека земјата со ова ново законско решение прави значаен чекор во борбата против сите форми на дискриминација почитувајќи ги и вклучувајќи ги законодавството на ЕУ и меѓунардоните стандарди за човекови права.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
