Македонија
(Видео) „Скајп“, МСН и имејл-комуникациите на обвинетите меѓу доказите за „Монструм“
![](https://makfax.com.mk/wp-content/uploads/2018/08/40413545_450244578804650_173048935345029120_n.jpg)
Како што изјави Катерина Јовановска, началник на одделението за дигитална форензика во МВР, по наредба од судот на 1 мај 2012 година примената е посебна истражна мерка увид и пребарување во компјутерските системи на повеќе од 20 лица, меѓу кои и обвинетите во случајот – Хаки Азири, Агим Исмаиловиќ, Сејди Рами и Фејзи Азири.
Со оваа мерка вештаците од МВР требало да ја утврдат интернет-комуникацијата на овие лица поврзана со петкратното убиство кај Смилковското Езеро на 12 април 2012 година.
На денешното рочиште за „Монструм“ вештаците не кажаа со кого и во кој период разговарале обвинетите појаснувајќи дека тие не се надлежни за детаљна анализа на содржината на пораките. Судијата Огнен Ставрев истакна дека судот ги поседува комуникациите и дека, најверојатно, ќе бидат презентирани во некои од наредните рочишта.
„Содржините не се во надлежност на овие вешти лица, туку на друга дополнителна обработка, која ќе биде презентирана и искористена во судот. Постојат цедиња за тоа, посебна програма и упатство за гледање и проверување, што значи дека она што најмногу нè интересира сите нас дополнително sе содржината, времето и комуникацијата која била помеѓу конкретни лица#, изјави адвокатката на оштетените Дафинка Ивановска.
Наредното рочиште е закажано за 10 декември кога свој исказ ќе дадат вештаците од судската медицина заедно со вештаците за балистика од МВР кога ќе бидат образложени повредите што им биле нанесени на петтемина убиени кај Смилковското Езеро.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.