Македонија
„Советот на амбасадори“ повика изборите да се одржат на лето или кон крајот на 2020 година
Здружението за меѓународна политика „Совет на амбасадори“ им се заблагодарува на европските лидери и на комесарите на иституциите на Европска Унија за нивната реална и морална политичка поддршка на Република Северна Македонија во нејзиниот долг пат кон зачленување во ЕУ. Таа поддршка, како што велат, посебно беше важна по одлуката на Европскиот совет во октомври на земјата да не ѝ се додели датум за преговори.
„Совет на амбасадори“ од голема важност ја смета готовноста на земјите членки на Унијата (изразена во non paper на Франција) да ја реафирмираат уште еднаш европската перспектива на земјите на Западен Балкан со убедување дека само со нивното приближување кон ЕУ тие земји ќе можат да ги консолидираат нивните држави засновани врз принципите на правото и на правната држава, на нивниот економски и социјален развој. Со таа политика ќе се отворат реални перспективи за подобра иднина за младите и конечно помирувањето на народите во регионот.
„Совет на амбасадори“ високо го цени тоа што сите политички партии во нашата земја во нивните политички програми како примарна цел зацртале да ги поддржуваат и афирмираат евро-атлантските интеграции, што како резултат даде земјата наскоро да добие статус на полноправна членка на НАТО. Меѓутоа, сите сме свесни дека паралелно со тоа треба да продолжат и процесите на заокружување на реформите барани од Европската комисија со усвојувањето на новите правила и критериуми за полноправно членство во ЕУ“ се вели во извештајот.
Тргнувајќи од тоа, „Совет на амбасадори“ ги повикува лидерите на политичките партии претставени во Собранието, и согласно тежината на нивната политичка одговорност, час побргу да ги заменат нивните теснопартиски интереси со државните интереси и да ја поместат одлуката за оддржување на предвремени парламентарни избори до почетокот на летото или, пак, изборите да се одржат, во нивниот редовен термин на крајот на 2020 година.
Со таков потег, според „Советот на амбасадори“, политичките партии претставени во Собранието, Владата и другите институции тоа време наместо да одржуваат предизборни митинзи и изборни активности би се фокусирале на исполнување на евроинтеграциската агенда на земјата и на неопходните реформи во изборната регулатива согласно препораките на ОБСЕ-ОДИХР и барањата на малите партии и граѓаните. Овој вистински чекор секако ќе биде поздравен особено од деловните луѓе кои ќе се насочат кон исполнување на од порано потцртаните бизнис-планови за идната година.
„Совет на амбасадори“ смета дека лидерите на политичките партии се свесни дека предизборниот и изборниот процес во секоја земја времено ги прави неефикасни институциите на државата, сè до нивно потполно парализирање. Оттаму се убедени дека лидерите на политичките партии ќе го искористат овој единствен моментум, на земјата, на нејзините граѓани и на младите на Република Северна Македонија, да им обезбедат европска перспектива и европски стандарди за нивен сестран просперитет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
До понеделник променливо облачно време со локални врнежи од дожд
Променливо облачно време со локални врнежи од дожд кои повремено ќе бидат пообилни. Процесите ќе бидат поинтензивни во форма на невреме со пообилен пороен дожд (над 30 l/m² за 24 часа), засилен ветер и појава на грмежи. Ќе дува умерен до засилен ветер од јужен, а долж Повардарието од југоисточен правец. Минималната температура ќе биде во интервал од 6 до 12, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува умерен до засилен југоисточен ветер. Минималната температура ќе се спушти до 10, а максималната ќе достигне до 16 степени.
Времето во наредните денови
Под влијание на влажна и нестабилна воздушна маса до понеделник ќе преовладува променливо облачно време со локални врнежи од дожд кои повремено ќе бидат пообилни. Процесите ќе бидат поинтензивни во форма на невреме со пообилен пороен дожд (над 30 l/m² за 24 часа), засилен ветер и појава на грмежи. Од вторник се очекува стабилизирање на времето.
Македонија
Гаши – Форнавре: Односите меѓу Шведска и Северна Македонија се темелат на заемно разбирање, доверба и почитување
Претседателот на Собранието, Африм Гаши, оствари средба со Делегација на Меѓупарламентарната група за пријателство Шведска – Северна Македонија на шведскиот Риксдаг, предводена од претседателката на Групата, Лота Џонсон Форнарве.
На средбата присуствуваше шведскиот амбасадор во нашата земја, Ола Солстром, како и претседателката на Пратеничката група на Собранието за соработка со Парламентот на Кралството Шведска, Дафина Стојаноска.
Претседателот Гаши ја истакна долгогодишната поддршка и пријателство на Кралството Шведска кон нашата земја, нагласувајќи дека односите меѓу двете држави се темелат на заемно разбирање, доверба и почитување.
Посебно беше изразено задоволство од формирањето на Групата за пријателство со Северна Македонија во шведскиот Риксдаг, што претставува важен чекор кон унапредување на парламентарната соработка.
Пратеничката Дафина Стојаноска упати благодарност за континуираната шведска поддршка за стратешката цел на нашата земја – полноправно членство во Европската Унија.
Се разговараше за остварување проекти во следниот период во повеќе области – земјоделство, бизнис, родова еднаквост, што ќе значи континуитет на поддршка и пријателство.
Присутните соговорници се согласија дека интензивната меѓусебна комуникација и размената на искуства придонесуваат кон приближување на државите и народите на Шведска и Северна Македонија.
Македонија
Даме Димитровски нов претседател на Советот на Град Скопје
Даме Димитровски е избран за нов претседател на Советот на Град Скопје. Тој кажа дека Советот ќе функционира во служба на граѓаните, со дијалог, транспарентност и отчетност.
„Денеска, на конститутивната седница на Советот на Град Скопје, сум избран за претседател на Советот. Благодарност до советниците за довербата и до скопјани за поддршката. Советот ќе функционира во служба на граѓаните, со дијалог, транспарентност и отчетност. Ќе бидеме активен чувар на јавниот интерес и ќе работиме доследно на спроведување на темелните политики: чист град, функционален јавен превоз, безбеден сообраќај, повеќе зеленило и современи јавни услуги“, рече Димитровски.

